تعالي دشي شوفي ماروكووو شو سوت اليوم

[frame="2 80"] السلام عليكم ورحمة الله وبركاته
خواتي الغاليات حبيت اليوم اني انقل لكم تجربتي بسمكره جسمي وبصراحه انا قاعده اكتب واناظر ايدي واهيه تبرق وتلمع وصايره فاتحه وناعمه :eek2::eek2::eek2:.... ومو مصدقه انه هذا صار من يوم واحد ... قولوا ماشاء الله امانه ... تراه يا بنات مو سحر اللي صار فلا تقولوا هاي البنت تبالغ لا والله انا فعلا حاسه بالفرق بين البارحه واليوم ... سواء من ناحيه النعومه او البياض ....
هذا غير شعري احسه نعم والكشه نازله شوي (r)(r) ... فتعالوا وراي اقول لكم شو سويت ومن البدايه ..._______>>>>>> حشا قصه الف ليله وليله ... :dd::dd:
البارحه قبل لا انام دهنت شعري كالعاده بزيتي اللي هو دابر املا ابو ريحه :pain: مع تدليك خفيف وغسلت ويهي بصابونه وايت سكن وبعدها فرشت اسناني :bigsmile: وبعدين سويت تقشير لشفايفي بالفرشاه وبعدين بمقشر بودي شوب الاخضر ... ودهنت جسمي كامل بهالخلطه ( جلسرين وليمون وشويه كريم جلوسيد ) وبريلي حطيت فازلين مع نقاط ليمون ولبست دلاغ عليهم وشفايفي شويه فكس مع فازلين ورموشي خروع بالعسل .. ونمت خ خ خ خ خ خ ... قمت الصبح زي الشطار ورحت الحمام تكرمووووون وغسلت ويهي وسويت قناع الروب بالعسل وبعدها رشيت ويهي بماي السدر البارد روووووووووووووووووووووعه احس انه خدودي احمروا وصرت ------>>>:shy: وبعدها مررت ثلجه على ويهي لين خلصت وبعدها كريمي يولاي بالتوت ومارست حياتي عادي .. والمغرب خلطت ها الخلطه لجسمي صابون مغربي مع ملعقتين حناء يمني ونقط ليمون ودخلت الحمام تكرمون رشيت ماي على جسمي وغسلت شعري من الدهن بشامبو ميتال الروووووعه للشعر وبعدين حطيت خلطه على شعري عباره عن ملعقتين حمام بانويل بالقمح مع شويه بلسم بانتين للعنايه المكثفه وخلطتهم بماي حار مقدار فنجان وحطيتهم على شعري وغطيته بالكاب وعلى وجههي سويت خلطه عباره عن ملعقه كريم كاب للتبيض وملعقه مقشر ستيفنز وحطيتهم على وجههي ..... وسويت خلطه الجسم اللي بالصابون المغربي والحناء على جسمي ودخلت بالبخار ( جهاز السونا ) وقعدت حوالي عشر دقايق وانا اعرق من الخاطر والبخار امرره على وجهي بعد ... المهم بعدها دخلت غسلت الصابون اللي بالجسم وفركته بليفه بودي شوب الكف لين طلعت بلااااااااااااااااااااااااااااوي الله يبلاكم فيها ... :o ... وبعدين غسلت ويهي وشعري من الكريمات وتسبحت عادي بالصابون بو ريحه انا استخدمت صابون سائل بريحه الايس كريم من وول ورتس واخر خطوه غسلت جسمي بماي بارد وبعده رشيت بالبخاخ ماي ورد على كامل الجسم ونشفت جسمي ورشيت عليه بخاخ عباره عن زيت اللوز وجوجوبا ينباع بالسوق ولبست ملابسي وانا ريحتي خياااال وملمسي زيده ما ابالغ يا بنات وخاصه بعد ما الجسم يمتص الزيت اللي رشيته يصير انعم وانعم ولا اذا تدخنتي تمسك ريحه الدخون بجسمج قبل ملابسج ... والعطر يبين اكثر بعد ... :up::up::up: وبالنهايه سويت كريم جلوسيد على ريلي وليمون تحت الباط بدون ديودرنت عشان الدنيا ليل وما راح اظهر ومافيه داعي لمزيل الرائحه وبعدين الليمون يمنع ظهور الريحه ويبيض ... ولشعري دهنته على الخفيف بمرطب ليفون الممتاز واللي ماعليه كلام ... الزبده يا بنات انا الحين مو مصدقه النعومه والبياض ... وقبل لا انام راح اكرر نفس الشي بالريل والويه والشفايف والرموش واما الجسم راح اسوي الحمام هذا كل اسبوع وانا متاكده انه جسمي راح يفتح وينعم اكثر واكثر ... ادري طولت عليكم بس استحملوني كله لعيونكم ... اتمنى اني اكون افدت واي استفسار ماروكووو حاضره لعيونكم (r)(r)(r)[/frame]