شحالكم ... هذا أول موضوع لي في قسم الطبخ (بس مافي موضوع إنعرض ماشفته )
قبل ماأبدأ أبي أعتذر من مهاري لأني واعدتها بالموضوع من أكثر من شهر تقريبا وأقول لها أنا ماأخلفت بالوعد لكن الصور ماأدري شفيها وهقتني وماكانت راضيه تتعدل
بس إعذروني على الصور إذا ماكانت واضحه
يالله نبدأ...
باستا بينيه بالألفريدو
الكميه لعايله كبيره 11 شخص (قولوا ماشاء الله )
المقادير:
2- باستا بينيه
5- صدور دجاج مقطعه مكعبات
بصله كبيره مفرومه
حبتين جزرمبشور
علبتين صغار مشروم-أو علبه كبيره (ماكان عندي طازج)
مكعبين زبده (أدري زبدة لورباك بس والله مسويه الأكله قبل المقاطعه الدنماركيه)
أوريغانو
بهارات إيطاليه
كريمه
جبنة بارميزان
زيت
ملح
فلفل أسود
الطريقه:
أو شي نغلي الماي للمكرونه (نحط ملعقة ملح وقليل من الزيت) ولما تستوي المكرونه نشخلها ونخليها على جنب
في هذا الوقت نسيح الزبده في الجدر ونحط قطرات من الزيت (بس علشان ماتحترق الزبده)
نشوح البصل في الزبده حتى يصبح ذهبي اللون <<-- ياأختي إرسي على بر يا عامي يا فصحى
نضيف مكعبات الدجاج نحركها حتى تتحمر
( طلع الدياي وايد لاتخبرون الوالده )
نضيف المشروم ( بس ترى الطازج أحلى)
بعدها نضيف والجزرو نخليه لين يذوي الجزر شوي
نضيف ثلاثة أرباع الكريمه (نخلي شوي منها للمرحله النهائيه)وإذا حسيتي الكريمه ناقصه تقدرين تزيدين شوية ماي
نبدأبإضافة مكعبات الماجي .. والملح .. والفلفل الأسود والأوريغانو والبهارات الإيطاليه (طبعا الكمية على حسب رغبتكم بالنكهه)
ولما يبدأ بالغليان نضيف المكرونه المسلوقه
ونتركها تتسكر (لما تنشف الكريمه شوي يعني خلاص)
قبل التقديم نضيف جبنة البارميزان والنسكب باقي الكريمه ( يمكن ماتحتاجين كل الكمية )
نزينها بالبقدونس
أدري شرحي حلو مثلي بس إذا في أي سؤال أنا حاضره <<<-- خلص دوامها تبي تروح البيت
أختكم
الشيف سهوووووره
