تخبرني بامورها الخاصة

شخباركم بنات ..

المهم ، زوجي اول ما انخطبت كان عنده صديق خاطب .. وكان صديقه كل يقوله ان خطيبته تبي تتعرف علي بس طبعا انشغالي بالحياة ما عطاني فرصة اني اشوفها واتعرف عليها .. وما صار هاللقاء الي من حوالي سنة ، وكانت هي حامل اما انا فولدي كان عمره سنة .. البنت الصراحة يوم شفتها طلعت حلوة وطيبة وتدخل القلب واحسها هي بعد حبتني وتحاول تتقرب مني وايد يعني الصراحة المبادرات في المواعيد والزيارات كل منها هي " يمكن لانها يوم خطوبتي شافتني وقالت عني حلوة وايد .. عجبتها يعني ":o هههههههههههههههههههه

المشكله انها ما عندها شي اسمه خصوصيات .. تقولي كل شي عن حياتها الزوجية حتى الاشياء الخاصة جدااااااا اللي المفروض تكون بينها وبين زوجها بس وما تخبر اي احد بها .. مع ان من جهتي ما اعتبر ان علاقتنا قوية حتى تتكلم معاي بهالمواضيع والاشياء اللي تقولها لي عن علاقتها الخاصة بزوجها انا مستحيل اخبر اي احد عنها مهما كان قريب مني .. لكن هي كل شي تقوله لي وما ادري بعد اذا كانت تقول لكل اللي تعرفهم هالاشياء ولا بس انا ..
وفوق هذا كله ما تكتفي بس بانها تحكي لي عن حياتها .. لا .. تسألني بعد عن بعض الخصوصيات اللي مثل ما قلتلكم اني ما احب اتكلم مع اي احد بخصوصها ، واحاول قد ما اقدر اني اتهرب من الاجابة واحيانا اضطر واجاوبها بس احاول قد ما اقدر اني اختصر اجابتي ..
فكرت اني اقولها وانصحها انها ما تقول اخبارها للناس لان مو زين .. لكن احس ان علاقتي بها " من جهتي " مو كبيرة واخافها تنحرج اضافة الى اني ما عندي الجرأة عشان اقولها ..
وفي يوم انا التقيت بها وكالعادة ما خلت شي ما قالته ويوم رجعت البيت طفشت وقلت لزوجي ان زوجة صاحبك كذا كذا وانها تقول كل شي بينها وبين زوجها " طبعا ما قلت له الاشياء اللي خبرتني عنها بس قلتله بشكل عام " ، فاتفاجأت يوم قالي زوجي يعني هي مثل زوجها !!!! :eek:
زوجها بعد يقول لزوجي اشياء خااااصة يقول زوجي انا انحرج اني اسمعها وهو ما ينحرج ان يقول ويتكلم عن عرضه قدام غريب .. وعطاني امثلة وايد منها ان يجي ساعات لزوجي " وهو مع زوجي في الدوام " ويقوله ان مثلا انا تعبان البارحة المدام ما خلتني انام كانت مصرة على " الجماع " وبنتهم ما كانت راضية تنام فخلته ينتظر لما تنام بنتهم وسووا شغلهم وناموا متأخرين
:eek2:
تخيلوا .. في واحد يقول هالاشياء عن زوجته .. طبعا زوجته تقولي هالاشياء واكثر بعد ، غير اسئلتها لي اللي بخصوص هالمواضيع ..

وش الحل معاها .. شلون انصحها .. عطوني صيغة ابتدي معاها بها في النصيحة ، بحيث ان النصيحة تكون لها ولزوجها بعد .. لأن زوجي يتحرج من نصح صاحبه مع ان علاقتهم قوية ..