يا جماعه بموت من ظهري..

السلام عليكم ..

بنات أنا حامل بالشهر الثاني و من يومين مش قادره أرقد والسبب ظهري ... يجيني ألم فظيع من أسفل الظهر ويطلع على فوق لين ما يوصل راسي ...

أنا مب قادره أستحمل حتى دوامي ما سرته..

حاولت أرقد بأكثر من طريق لكن الالم مستمر..

ارحت نوعا ما يوم رقدت على بطني .. بس ريلي ضاربني يعني no way أعيدها مره ثانيه..

في حملي الاولاني أبدا ما جاني ألم في الظهر.. لا أول الحمل ولا آخر الحمل والحمدالله..

يا ترى شو السبب ؟؟؟ أنا أقول يمكن لأني حملت على طول وجسمي بعده ما ريح من الولاده الاولى... علما بأنه ولدي الحين عمره 5 شهور ..

أنتوا شو رايكم ؟؟ وأنا شو لازم أسوي ؟؟