نوم الطفل بغرفه لوحده

اهلين اختي
خلية ينام لوحده ما في مشكلة عادي و احس انش متأخر علية وااااايد ...... اني بنتي عمرها 7 اشهر و تنام لوحدها بالغرفة و كل ما عودتين الطفل ينام لوحده بالسرعة

يكون احسن اليش و اليه لان كل ما يكبر راح يصعب علية النوم بغرفته

ايه والله متاخره كثير انا ولدي من عمر 9 شهور ينام لوحده واحط عنده الجهاز

عمر السنتين والنصف مناسب اختي..

وللاطمئنان يمكنك وضع جهاز ال monitors في غرفته..

بنات ولدي الحين عمرة اربع وينام معي بصراحه ماني عارفة كيف اخلية ينام لالحالة

والله للحين ماعندي فكره لأن ولدي بعده صغير عمره ثلاثة شهور

بس إلي سمعته إن لازم تعودين قبل السنه عشان يتأقلم ويتعود لأن بكون بعده صير

البنات ما قصروا
وكل ما طولت الام في ترك الطفل في غرفتها ماراح تقدر تقنعه انه ينام لوحده بسهولة

بلللللللللللللللللللل خوفتوني

انا ولدي بيكمل السنتين هالشهر وللحين ما فكرت متى بخليه ينام بروحه مع ان زوجي يقول بخليه ينام بروحه لما يتم ال4 سنين ..

بس الشي اللي متعبني الحين انه ساعات يقعد الليل ويصر انه ينام وسطنا على السرير وساعات لين انتظرته لما ينام واشيله عشان اوديه سريره يقعد ويرد يرجع ينام على سريرنا .. ما نقعد الصبح الا ظهورنا متكسرة علينا :cry:

واما اذا كان مريض فتزيد عيارته ودلاعته .. ما يرضى ينام الا وسطنا :sad:

ماما حسون !!!!!!!

4 سنين !!

هذا يعني اذا صار رجال ما شاء الله

لا يالله خليك قوية وحاولي تعوديه ينام في غرفة لوحده ... صعبة يظل الطفل مع الابوين لانهم مابياخذون راحتهم ..

عمر عبودي سنة وثمان شهور ، بس ناوية من يكمل السنتين آطلعه بروحه،، مع أن المفروض مطلعته من زمان،، بس لأن أحبانا يرضع،، يارب يقوى قلبي وآقدر،،
بس ماما حسون،، غلك الى 4 سنوات أكيد بهالسن بفهم كل شي،، ومستحيل تقدرون تاخذون راحتكم...

أعتقد من سن السنتين سن مناسب لنوم الطفل وحده...

مشكورين على النصايح

بخبركم بشي

عندي في العايلة خالاتي ثنتينهم ومرت خالي كلهم حملوا بنفس الفترة وولدوا ، الحين عمر عيالهم 8 سنين .. ثنتين منهم توهم اللعام خلوا عيالهم بغرفة بروحهم واما الثالثة فللحين ولدها ينام معاهم بغرفة وحدة مع اخته اللي عمرها 3 سنين ونص وتوها والدة من اسبوعين والبيبي الثالث معاهم بعد ..

والسبب كله من ازواجهم .. هم ما يرضون يفصلون عيالهم عنهم ..


انا خلاص شكلي بنقل ولدي غرفته .. بالاسم غرفته اغراضه كلها فيها بس سريره معانا .

انا الصراحه بنتي يوم كملت سنتين ونصف خليتها بغرفتها بس بعد الفجر اتي عندنا تنام ....

موضوع حلو للنقاش

انا اصراحه ما اعرف شو اسوي؟

موضوع حلووو … يتهيألي سنتين مناسب لانفصال الطفل تدريجيا عن امه .. من حيث الرضاعه والحفاظ والنوم .. اما ثمان سنين قويه كيف تاخذ راحتها هذه كبير انه ينام مع اهله بدارهم اله يعين .. انا بنتي بس لانها وحيده فصلتها اربع سنوات كبيره طفشتني حيييل ..ز دايم تجي لي بس الحمد لله الحين الله هداها …


تحياتي ……… ولاء علي

أحسن شي ان الطفل ينام بغرفته بعد السنتين وهذا انسب شي اما قبل السنتين احسها صعبه شوي .

خلني اقدر افصلها في سريرها علشان اقدر افصلها في غرفة لحالها:dd:

لي الحين يومين احطه بالغرفه
بس ماش ارد القاه قدامي عالسرير
ياليت وحده فيكم
تعلمنا شلون نقدر نقنعهم وهم بها السن

انا اشوف ان عمر 9 شهور مناسب
انا ولدي عمره 5 شهور وان شااااااااااالله اتمنى اني اقدر اطلعه من الغرفه بعمر 9شهور

حرام عليكم ياهل عمره كم شهر كيف تخلونه بروحه في غرفه
اذا كان عنده اخوان ماعليه بعد السنه و نص و السنتين بس اذا طفلج الوحيد و ينام فالغرفه بروحه و عمره اقل من 3 سنوات حرام

أني بنتي(4سنوات) لحالها مشان هيك توي بفصلها في غرفة لوحدها بس ما كملت سنتين إلا و تنام في سريرها مو معنا........بس المولود الثاني أكيد قبل هالسن بخليه مع أخته