أبحث عن وظيفة

يا رب يحقق لك رغبتك

والله حبيبتي ما عندي أي معلومات

واتمنى الله يوفقك بوظيفة حلوة يا رب

مستحيل هههههههههههههههههه
انتي منو ؟؟؟
اكيد من جامعه زايد
و انا خريجه علوم اسرة

وكل البنات اللي ويايه اشتغلن .الا انا .. و عايشه الحينه في بوظبي ويا ريلي
و من الوحدة و الغربه مب قادره استحمل

اختي انتي قدمتي على وظايف ولا تقولين انها مب مطلوبه .. لان وايد بنات اشتغلن .. و على قولتي بس انا اللي ظليت لان الصراحه ريلي ما كان يدور و انا ما اعرف وين افر راسي ما ادل شي في بوظبي و اكثر عن هذا انا مب داخل المدينه برع ..

اختي ترومين تقدمين في هيئه الصحه .. او التربيه .. و ان شاء الله خير

انا ابا اقدم بس ما اعرف وين اخلي بنتي .. و من سوالف الخدامات صرت اخاف عليها دوم لاصقه فيها ..

افكر اني اسوي مكياج في منطقتي .. لاني في المكياج وايد اوكي .. بس بعدني ما ادري

شوفي اختي

قدمي في وزارة التربيه والعمل والصحة
او البلديه

ولو سبق وقدمتي قبل لا تيلسين جيه بدون
ما تراجعينهم......القطاع الحكومي يباله حنه
على الراس لو ما عندج فيتامين واو

ادرسي كمبيوتر وانجليزي عشان هالشيئين
يخلون شؤون الموظفين يقبلونج ابسرعه..

بصراحه غميضه تشتغلين ابشهادتج الثانوية
وانتي جامعيه.....لا تيأسين ابدا.......السالفة
تحتاي لها صبر ولا تقولين مافيج على صدعة
الراس.........التقديم على الوظيفة صدعه والمراجعه
صدعه عوده بس اختي فكري في النتيجه....

الله يوفقج ويرزقج بالشغل اللي يريح بالج

بصراحه يا بنات اكبر غلطه سويناها ان دخلنا هذا التخصص ....تراني مثلكم ....و ضيعنا سنين الدراسه على الفاضي ..و من زمان شاله في خاطري من هذا التخصص و كل يوم اندم على اليوم الي فكرت اني ادخل هذا التخصص

ما ابي احبطكم ...مب بس مجلات العمل محصوره في هذا التخصص ... و كل ما تقولين حق حد عن التخصص ما يعرفون شو هو و ايلسون يسالون شو يعني شو درستوا شو يعني ممكن تشتغلين ....يعني محد فاهم سالفته هذا التخصص و ما يدخل مخ حد

و كل الي اعرفهم توظفوا في التربيه ...ما اعرف حد توظف في مكان غير ...

و اخر شي سمعته يقولون في التربيه اذا تبين تقدمين ...ان التخصص انلغى من الجامعه يعني خلاص ما نبي بنات هذا التخصص

بالله قولولي نحن شو ذنبنا يعني تعب 4 سنين تروح على الفاضي

مشكورين على ردكم وتجاوبكم معاي بس صج مليت قدمت في الحكومي والخاص والله يعينا بس غامضتني هالسنين اللي ضيعتها على الفاضي والله كريم. وأنا من خريجات جامعة العين مب جامعة زايد.

الله يوفقج الغالية و تحصلين شغل ^_^

انا بعد صارلي سنه ونص ادور وظيفة لحد ما تزوجت مع ان تخصصي مطلوب في المستشفيات لكن لا حياة لمن تنادي ..
في الاخير اشتغلت مع ريلي في شركته سكرتيرته ..
خذي هالموقع حق تنمية وسجلي فيه tanmia.ae
او روحي حقهم .. هم في شارع النجدة بناية المسعود للسيارات الطابق السابع.. وسجلي عندهم
وتقدرين تروحين حق ABC Recruitment
وهذولي في شارع السلام عمارة اللولو سنتر يمكن الطابق الثامن والله يوفقج انشاء الله

مسجلة في تنمية من ثلاث سنوات وليما الحين نتريا والله كريم ومشكورة إختي على الرد

انا اللي اعرفه ان تخصص اللي في جامعه العين يختلف وايد عن جامعه زايد

و عن نفسي والله مب ندمانه عليه
و لو في ماجستر فيه جان قدمت

بس انا اعرف ان ماله مستقبل الا اذا خصصتيه

يعني انج تاخذين تخصص النترشن و نتشتغلين فيه في المستشفيات او عيادات التغذيه

او ان تاخذين الاعاقات و تشتغلين في هذا المجال .. و انا هذا اللي خذت فيه التدريب

او اخصائية اجتماعيه وهذا الشي اللي احبه انا

او رياض اطفال ويا كرهي حق الحشرة بس معظم البنات اللي تخرجن حصلن وظايف في رياض الاطفال
و انا الحينه افكر اقدم ان شاء الله

السلام عليكم

اختي الله يوفقج وتحصلين عالوظيفة والامل دائما موجود دام الانسان موجود وتفائلي خيرا بتلاقينه واتمنى لج التوفيق وان شاء تحصلين الوظيفة اللي تتمنينها وكل تاخير فيه خير ولا ياس مع الحياة

مشكورين على التفاعل بس كيف يا مجنونة زمانك أتوظف معلمة رياض أطفال أو أخصائية واحنا أصلا درسنا في الجامعة بس نظري بدون تدريب يعني بدون دبلوم تربية ولو إني أشوف نفسي أنفع حق تدريس الرياض وااايد.

السلام عليكم
يا ريت كنت اقدر اساعدكم

ولكن ما اقوول الا الله يوفجكم ويعينكم

ودمتم بخير

أم رواض انا ما اعرف انتوا في جامعه العين كيف كان نظامكم او حتى دراستكم ..

مع اني سمعت ان شهادتكم علوم اسره .. مثل التربيه الاسريه

بس نحن شهادتنا كانت تخص عدد مجالات في تخصص واحد ..

لو كنتي في جامعه زايد كنت بقولج في مساقات اظن بعدها موجوده تهيئج انج تدربين في الجامعه حتى لو كنتي خريجه

بس بالنسبه لرياض اطفال اظن التوظيف ما راح يكون على طول قبل ما حد يشرف عليج و يعلمج المتطلبات الوظيفيه و كيفيه دريسهم و المنهج اللي تمشين عليه

و الله يوفقج

الله يعينج اختي ... راجعي التنميه باستمرار وان شاء الله خير ...

الله يوفقج اختي

مشكورين على الردود بس احنا في جامعة العين يعني تربية أسرية بدون مجالات أو تفرعات يعني خياطين أو طباخات .