اختكم محتاجه لكم تكفون.....

السلام عليكم ورحمه الله وبركاته

خواتي

يمكن الموضوع غريب شوي بس محتاجه مساعدتكم ولا لي غيركم بعد الله

انا زمان انحرمت من امي حوالي 14 سنه وماجيتها وشفتها الا قبل 3 سنوات المشكله اني احبها موت لدرجه اني لو افكر اني ابعد عنها ابكي غصب عني

اوقات يوم اسمع ان ام وحده ماتت مايجيني نوم تجيني حاله خوف رهيبه كل شوي اروح غرفه امي _ بسلامتها الله يطول لي بعمرها ولايحرمني منها
يعلم الله اني اكتب لكم هالموضوع وانا مااشوف الشاشه من دموعي
احياناً اجلس افكر اقول ان الله مستحيل يظلم احد من عباده يعني مستحيل يحرمني من امي وهو عارف اني انحرمت منها طول عمري
هذي المشكله بدت تأثر علي بشكل كبير يعني الخوف تحول عندي لهلوسه
لدرجه انها مره راحت المستشفى تسوي تفتيت حصوه وانا جيت من الدوام بس قالولي انها بالمستشفى بدون مااعرف السبب بكيت واغمى علي ولا صحيت الا الساعه 12 بالليل
الحين انا عمري 18 ورايحه لـ 19 وبنات العيله عندنا يتزوجون من 15 وحولها يعني انا الحين بالنسبه لعايلتي معنسه
اعمامي كل اسبوع يوم اروح لهم يكلموني بموضوع الزواج لأن اختي اللي اكبر مني زواجها بالصيف بأذن الله واختي الصغيره قبل كم شهر مسويه ملكتها يعني مافي غيري انا بالبيت وبالعايله ماتزوجت احسهم يشكون فيني لأني ماابي اتزوج يحسبوني احب واحد او فيني مشكله وانا مايمنعني من الزواج الا اني ماابي ابعد عن امي ماحسبت على الله اشوفها

ابي اعرف شي واحد هل ممكن ربي يحرمني منها رغم اني انحرمت منها طول عمري؟؟

وكيف ممكن اتخلص من هالخوف؟؟

ارجوكم اللي تقدر تساعدني لاتبخل علي وانا بدعيلها ان الله يوفقها دنيا وآخره