هذه آخر أخباري.. تعبانه حيل.. صايره لا اطاق
أوراق الخريف
10-03-2006
24 رد
1,654 مشاهدة
السلام عليكم ورحمة الله وبركاته..
أهلين حبايبي.. شخباركم؟! عساكم بخير يا رب..
محد سال عني ولا حدقال وين راحت ام سعيده عساها بخير :(
بخبركم شو صار فيني قبل اسبوع..
كنت تعبانه حيل وما رحت الدوام.. ما لي نفس بالاكل وحاسه بالوعه وغثيان ودوخه..
قررت اني اروح لعياده مع زوجي.. والحمدلله اني رحت..
دشيت على الدكتوره وخبرتها بالي فيني.. قاست الضغط انصعقت قالت لي وااااااااااااايد نازل..
تمت اتشوف لساني وعيوني.. وقالت روحي خذيلج مغذي.. رحت وحطولي مغذي..
مدته ساعتين.. ويت النيرس تاخذ مني الدم.. تمت تضغط بالابره وتحاول وتحاول.. اتصدقون ولا قطرة دم؟!؟! قالت لي انتي ما فيج دم بالانجليزي!؟ قلتلها شو عرفني وزوجي يقولها هذي ما تاكل..
وودوني خرفة المختبرات وهناك وحده من هالخبيرات طلعت عينه من دم مني..
وعقبها رجعت الغرفه الخاصه وشاله المغذي وياي..
والحمدلله بعد يومين حيت براحه وفيني قوه.. وبعدها رجعت اتعب بعد مره.. التعب قام يرجعلي..
هذا الحمل تعبني وايد مش مثل حملي الاول.. باجر عندي موعد مع الدكتوره الخاصه الي براجع معاها وبشوف شو بتقولي.. الله يستر..
والمشكله نزل مني دم متجمد غريب.. والله خايفه حيل.. :(
وصايره عصبيه ونفسي خايسه وكل شوي اعصب على زوجي وامي والله فديتهم متحمليني..
ما ادري شو اسوي لا آكل مثل الاوادم ولا ارقد مثل الاوادم جد جد كاره نفسي احس اني بمووووووووووووووت تعبانه..
أذكار الـيــــوم واللـــيــلـــة
سيد الاستغفار:
اللهم أنت ربي لا إله إلا أنت ، خلقتني وأنا عبدك وأنا على عهدك ووعدك ما استطعت أعوذ بك من شر ما صنعت، أبوئ لك بنعمتك على وأبوئ بذنبي ، فاغفر لي فانه لا يغفر الذنوب إلا أنت..
{رَبَّنَا لا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلا تُحَمِّلْنَا مَا لا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلانَا فَانصُرْنَا عَلَى الْقَوْمِ الْكَافِرِينَ} [البقرة: 286]
نصيحه لسماع شريط للشيخ سعيد بن مسفر (بـــــيوت تحتــــــــــرق) روعه بمعنى الكلمه..
وعليكم بالاستقفار والدعــــــــاء والصبر..
الحمد الله على السلامة يا ام سعيدة وماتشوفين شر أنشاء الله ...............................
أجر وعافية يا ختية ...........................بس بصراحة حالج غريبة شقايل مافيج دم والله أستغربت أنتي المفروظ تراجعين الدكتورة بانتظام وتطمنين على سلامتج وسلامة البيبي والله يعدي هالشهور الأولى على خير أنا نفسج والله لايعه جبدي ومظيقة بدون سبب وكارهه نفسية ما أدري ليش ...............................الحمال متعبنية وخلنية عصبية ألدرجة أني عايفة ريلية والله غصبن عني .........
محد عندة حل لهذي ألحاله والله تعبت.............................
صراااااااااحه مافهم في هالسوالف بس عقبالي إن شاء الله
وانا دخلت لاقول سلاااااااااااااااااامات وصحه وعافية أن شاء الله يا غالية أم سعيدة صدق عورتي قلبي
ماقدر افيدك غير بالدعاء لك ولسائر نساء الامه
وسامحينيا ع القصور وسلامات للالف مره
اختك RAGAWI
ما تشوفين الا كل خير يا ام سعيده الغالية
هذا الوحام .. لازم يتعب الحامل بأشكاله المختلفه
تحملي هذي البداية لازم تعب
و بعدين ان شاء الله بيخف عنج باذن الله
بس ضروري ترجعين طبيبتج الخاصه
[grade="00BFFF FF1493 008000 4B0082"]ماتشوفين شر اختي ام سعيدة
الوحم والحمل بيتعب الله يسمح لينا من الوالدين
سلامتك حبيبتي انشاء الله تقومين بالسلامة
الله يصبرك ويسهل امورك
ودايما تزورين الطبيبة تبع الحمل والولادة
اه وتغذيتك حاولي تتغذين زين مشانك ومشان البيبي
تحياتي
اختك دانة المغرب[/grade]
الف مبروك
الله يثبت لك حملك
وما تشوفين الا كل خير
وتجيبي اخو لـ سعيده يارب
ماتشوفين شر ياام سعيده..
سبحان الله يختلف حمل من حمل ثاني..
يالله ماعليه فتره وبتعدي عشان النونو اليديد..ويفرح سعيده يحليلها..فتحملي...
الله يقومج بالسلامه ويتمم حملج ع خير..
الف سلامه ليكي وما تشوفين شر
ذكرتيني بنفسي لما كنت حامل
الله يعينك ويتمم لك حملك على خير
دمتي بخير
ما تشوفين شر يالغالية ..
والله عورني قلبي عليج ..
..
طيب ليش ما تاكلين عدل صادق زوجج .. لازم تاكلين عدل مسكين البيبي في بطنج محتاج تغذية زينة ..
كثري من الحمضيات وعصاير الحمضيات عشان ضغطج يثبت ويتعدل ..
..
الله يعينج ان شاء الله ويقومج بالسلامة يارب ..
طمنينا عليج أختي
..
الله يعينج يا أم سعيد ...
فعلا الوحام جدا متعب أنا جربته في ولدي محمد واااايد عذبني...
أصعب شي بالحمل الوحام والولاده... أنا وحده من ربيعاتي تقول أنا ما أبا أحمل مو لأنها خايفه من الولاده ،، لا اهي خايفه من الوحام ومشاكله الصحيه... وسبحان الله فيه حريم مول ما اييهم وحااام..
الحمد الله على السلامة يا ام سعيدة وماتشوفين شر أنشاء الله
أجر وعافية
:flower:
سلامات ويارب ماتشوفي الا العافية ..
:flower: وماتهملي نفسك
أجر وعافيه ان شاءالله
الحمل تعب في تعب ، الله يصبرج ان شاءالله
مـــــــــــــا تشوفين شر يالغالية وسلامتج الف سلامة
الف سلامه ياام سعيده الله يتمم لك هالشهور على خير وصدقيني اني حاسه فيك لاني امر في نفس ظروفك توني في شهري الثاني وماني طايقه حتى نفسي واله يهون علينا وتمر هالشهرين على خير 000000000آمييييييييييييييين
ماتشوفين شر وتولدين بالسلامه
الف سلامه ياام سعيده الله يتمم لك هالشهور على خير
ماتشوفيني شر يأم سعيده وأجر وعافية بإذن الله
الله يعافيج انشالله ماتشوفين شــــــــــــــــــــــــــــر..
طمنينا عليج عاااد..
:cool2:
مـا تشوفيــــن شـر يا الغاليـــــة .... تقوميـن بالسلامـــة ان شاء الله
وصبـــري تـرى مثل ما قالوا الأخوات هذي أعـراض الوحـام .. الله يكـون في عونج