موقف محرج

بصراحه اكثر موقف كان يتكرر ويزعجني في فتره وحامي تقرب زوجي مني حتى لو يقعد عدالي تلووووووووووووووووع جبدي سييييييييييييييييييييييييييييييده :ss::ss
احس بلوووووووووعه وبريحه

كنت انحرج بس شو اسوي:pain:

ههههههههههههههه حلو يختي سود الهدوب على الاقل انتي زوجش بيستحملش لو رجعيتن منه لكن وحده تقول انها توحمت على زوجه اخوها ما تشتهيها وتنحرج الفقيرة منها لانه لازم ترجع من تشوفها وتصارخ عليها

سلام عليكم

اكره شي يكون الوحم ضد الزوج :dd:، الله يساعدش اختي سوود الهدب ...

ان شاء الله البنات الحمل يعدون مرحلة الوحم على خير والله يسهل عليكم جميعاً...

تحياتي

فعلا اكره شي هو الوحم ضد الزوج .. انا عن نفسي كرهته وكرهت عطره وكرهت غرفة النوم كلها ... بس المسكين ما حبيت ابين له اني مو طايقته وما عرف بهالشي الا عقب ما ولدت .. حزتها قلت له اني كرهته وقت الوحام وكرهت غرفة النوم حتى واما للعطر فانا للحين اكرهه ..

لكن انا سمعت عن وحدة كرهت زوجها في فترة الوحام وطلبت الطلاق وتمت كارهته حتى لبعد الولادة وكانت مصرة على الطلاق وفعلا تطلقت منه بعد الولادة .. بس بعد سنة تقريبا ندمت لكن هو ما بغاها ..

اما بنت خالتي يوم كانت تتوحم صادها موقف يفشل .. كان عمها ابو زوجها بيوصلها الجامعة ولاعت جبدها بس استحت تخبر عمها وجودت روحها والمشوار للجامعة بعيييد وآخرتها استفرغت في السيارة هههههههههههههه ، قام عمها ورجعها البيت .

هههههههههههههه حلوة ماما حسون والله اني صادني موقف يشبه موقف بنت خالتش الله يسلمش اني كنت اروح الجامعه بروحي في السيارة ويعني المسافه بعيده الا داك اليوم قلت الت زوجي وصلني عاد وصلني بسيارة الشغل والله لا يراويش حالتي واني نازله من السيارة احسن الدنيا تفتر فيني ويوم نزلت من السيارة مباشرة اشتميت عطور البنات الي ويانا في الجامعه وشوي اشتم ريحه الرمل وخلااااااااص ما قدرت اوقف روحي كلش و لا كان جنبي حمام اقدر ادخله لاني كنت توي طالعه من الباركات شوي ما اشوف روحي الا ارجع جنب الرمل وبين الاشجار وفشله الكل هناك يطوف ويطالع وتلوع جبده حسيت وجهي استوى جدي:o ويوم خلصت مشيت شوي علشان اروح الحمام وارد مرة ثانيه اشتم ريحه عطر ثاني وارد ارجع وارد اوقف مثل الوقفه حسيت روحي طلعت من الفشله

هذى المواقف لا يمكن انساها انا كنت الكورس اللللى طاف فىبدايه حملى وكنت اتوحك وكنت اروح الجامعه بسيارتى والله لا يوريكم ما يمدينى اوقف السياره عشان ارجع امسك كيس وارجع فيه والسياره تروح يمين ويسار وانا مو قادره اسيطر على روحى ولما اوصل الجامعه ةالا هدومى تلفانه اقعد اغسلهم وانزل اداوم بعد شسوى واللله الحمدلله اللى ارتفعت والحين انا بالشهر 7 والله بسهل على الكل

اي والله يا بنت الكويت الحاله كانت واجد صعبه بس الحمدلله طفنا بها
واتذكر مرة موقف محرج صادني لما كنت راجعه من الجامعه وكان زحمه وظليت واقفه بالسيارة فوق ربع ساعه انتظر تمشي السيارات في هالاثناء ما اشوف الا روحي مو قادرة اسيطر وقعدت ارجع وكل الي في السيارات الي جنبي يطالعوني مستغربين من حالتي واني ارجع واني امشي السيارة

ذكرتوني باللي مضى...انا اكون يالسه في الصاله..و احس اني برجع اقوم عشان اسير الحمام بسرعه..و ارجع على طول الدرب من المكان اللي انا فيه لين الحمام...خيست البيت و السجاد...كانت معاناه..كنت ارجع لين الشهر الثامن

ما كنت اطلع و لا اشبر من البيت بسبب الوحام الفظيع

الله يعينكن و يسهل عليكن جميعا

سندنس 84
كنت بكتب موضوع نفسه تخيلي

زين انج كتبتيه لاني وحده عيااااااااااااااااازه

انا من الموقف اللي صارت لي بترس لكم الصفحة

اتذكر يوم امتحان الفاينل النهائية الكورس اللي فات
كان عندي امتحان رياضة مساق حر

شربت عصير بس قبل ما ادخل الامتحان
المهم كنت عادي وما احس بلوعه

احل عادي
يوم وصلت للصفحة الثالثة حسيت بدوخة
وعارفه انه هالدوخة وراها لوعه
والدنيا حر وافتح الشيله ابا اتنفس مخنوووووقه

طلبت من المراقبه ماي عشان اكل الحب مالت اللوعه
قالت لي انتي فاطره قلت لها شاربه عصير وهاي الحبه ماتأثر حتى لو خذتها على الريج
خذت الحبه مايمدني بلعتها المراقبه راحت ورا

إلا خلاص انا برجع شو أسوي
مسكت عمري ماقدرت :angry::angry::angry::angry:
سكرت حلجي بأيدي وأأشر على الدكتور المراقب اني برجع وهو سرحاان عقب
انتبه قالي لي اطلعي انا كنت بروح للزبالة وانتو بكرامها للي عند الباب
انتبه المراقب الكبير قام ينادي يا بنت وين رايحه وهو معصب يتحراني بطلع
جان اصد وانا امسكر حلجي
قهم عاد
جان يوديني الحمام برع القاعه امشي وهو يمشي وراي
خلصت وتغسلت رجعت الامتحان
جان تتفلسف المراقبه وأتقول::
لأنو خبرتك ما بينفع دوا مع عصير

المهم حليت خرابيط وزين اني نجحت

طلعت من الامتحان شفت اللي تبيع ذرة اشتهيته قلت لانه حامض ومالح خذت لي
وقعدت اكل لين ما سرت جرير بشتري اغراض حق حفلت عيد زواجي
((جني واايد أسولف))

المهم خذت الأغراض شريط كله قلوب حمر حلو يتعلق
وشموع حمرا
ويوم بحاسب دخت مرة ثانية خاصه كان في واحد يدخن ولاعت جبدي من ريحت السيجارة
يابت لي بنت كرسي
وقلت للي تحاسب مافي حمام
قالت لا
قلت زبالة أي شي
ونشيت اميوده حلجي:angry: :angry: :angry:
وعطاني ريال زبالة وقادمهم كلهم وأنتوا بكرامه
عقب تغسلت في مطبخ صغير ونضفت ملابسي
ويابو لي ماي
وارتحت شوي
وشليت أغراض وروحت وأنا مستحيه
والله فشييييييييييييييلة

iهههههههههههههه والله جان على الخيابه يا نور القمر اني افكر في كتابه الموضوع من يوم اليي شهر واحد بس في الحمل ومشاء الله الحين وصلت الثامن وتوني منفذه هالفكرة مع انها مو صعبه بس على قولتش خيابه
ومشكورين اخواتي على الردود
عندي ملاحظه احلاحظها في هالفترة ان التواقيه كله ما تطلع عند احد لييييييييييييش؟؟

التوااقيع
اتوقع المنتدى هم اللي لاغينها
مرات يلغونها لأنها تبطئ سرعت التصفح

اشتقت لتوقيعي اشوف البيب دوم كشخة

اي والله ضايعين بلا التوقيع كنت معتمده عليه في حساب الاسابيع