الخياطـــــــــــه

مرحباااا...

أختي ميهودة ...بالنسبه لنا بالبحرين البكر لازم خياطه بس يمكن يختلف عندكم ما ادري ..لأن يضطرون انهم يشقو شوي عشان يطلع الياهل...بس لا تخافين الخياطه سهله موب صعبه يعني ما تخوف ..تهون على الم الولادة وممكن يبنجونج عشان ما تحسين بألم الخياطه ..بس اهم شي تتحملين بروحج بعد الخياطه ..يعني على طول تستخدمين سافلون والكريم اللي بيعطونج اياه المستشفى عشان يلين بسرعه ويطيح الخياط وترتاحين ..الله يسهل عليج حبيبتي

هلا الغالية ميهوده

بالنسبة للبكر لازم تقريبا الخياطة لها
اولا لا نه يساعد بشكل كبير لخروج الطفل بسرعة
ثانيا يجنبك تمزقات غير متساوية و صعب خياطها فيما بعد
و الخياطة تعتمد على مرونه و سماكة العجان عندك
فحاليا حاولى تسوين مساج بزيت الزيتون يوميا مرتين بمنطقة العجان
عشان تكون مرنه نوعا ما اثناء الولادة مما يجنبك الخياطة الكبيره
و الله يقومج بالسلامة

الله يسهل عليج اختي ميهودة


وان شاء الله تكون ولادتج سهلة وسريعة ...



تبين الصدق ان هذا اللي خايفة منه ..

مشكورين وما قصرتوا:yes:

تبين الصدق انا بعد الولاده قالت الدكتوره الحين خيااطه مت خووف وشوي اشووفها تقوم اقولها هااا تقول خلصت وانا الحمدلله ماحسيت بشي لانهم يحطون مرهم بنج وماتحسين ابد لا تحاااتين اصلا رووحه حيلج بينهد من الولاده ومن التعب صدقيني مايهمج الم ابره نصيحه هذا شي مايتحااتى

اصلا الخياطة لازم المكان يحطون فيه بنج
من جذي ما بتحسين بألم وايد, مجرد وخزات......

الله يقومش بالسلامة

عادي لا تخافين........نحن خفنا .........واخر شي عدت الخياطه وكانت اهون من توقعنا

والله ولا بتحسين به لان على طول بعد الولاده تنظيف علسريع وخياطه.. يوم شفت الدكتوره شاله الابره قلت بـــــــــــــعد شو الي ناقص!؟ ولا دقايق وتقوم.. فسالتها شو في!؟ قالت ما شي خلصت!؟ استغربت ما حسيت باي شي ابد ابد.. اتطمني تراه ولا شي..


{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].





تسلمين حبيبتي هلاوين على تفنينك لصورة ابنتي.. ومشكوره على الهديه الرائعه

البنات ماقصرن ..

الله يقومج بالسلامه,,

:up:مشكورين طمنتوني الله يوفقكم انشالله ويعطيكم اللي في بالكم يارب العالمين

الله يقومج بالسلامه

هلا اختي ميهوده...
بالنسبة للخياطة في ناس يحتاج يسوولهم خياطة و في ناس ما يسوولهم و في نااس يسوولهم خياطة بس تكون بسيطة..
المهم إذا صار و قالوا لج بسولج خياطة خليهم يضربونج ابرة بنج تحت-تكرمين-عشان ما تحسين بالخيط لما يشدوا أو يخيطوا(أنا قاعدة أطمنج ونسيت حالي أنا بعد في الشهر الثامن و هذا أول حمل لي بس يوم سألت عن الخياطة حصلت هالمعلومات..
و بالنسبة لألمها سمعت إن ما ينحس بيه عشان بسبب ألم الولادة و خروج البيبي تتخدر المنطقة

تسلمين اختي نبض الامارات ماقصرتي:smile:
الله يسهل عليه وعليج وعلى الجميع انشالله..

لا تخافين ولا تحاتين

أصلاَ بعد الولادة وألم الولادة ما بتحسين بخياطة ... رايح تكون الخياطة بنسبة لك أسهل شي في الولادة ...

الله يتمم لك على خير .... وتقومين بسلامة ......

صباح الخير يا عرايس

أختي فوانيس

مشكورة على نصايحج وارشاداتج الوافية

عن الخياطة وشق العجان ، هل شيء مؤكد أن كل بجر(بكر) راح تحتاج للشق ومن ثم الخياطة؟

وكم بـ 100%؟؟

انزين واذا الحامل ماحتاجت هل التأثير يكون سلبي بعد الولادة على المنطقة بأكملها؟؟

بصراحة ما أخفيج أني قلقة لكن بدون خوف لأني متوكلة على الله اللي أسأله يسهل علينا جميعاً ويهون ألمها ويجزينا خير

أنا في بداية الشهر الرابع والأمر يراودني بين حين وآخر ،، وأبي أتجنب الشق ، وسألت مجربة قالت لي كله يعتمد على جهد الأم وقدرتها ، وأنا ناويه أسوي تمارين وأمارس الرياضة بمجرد وصولي للشهر السابع عشان تسهل علي.


ياريت إذا ما فيها كلافة تزوديني بالمعلومات.

شكراً لج في كل الأحوال


خــــالص تحــــياتي

الله يطمنكم مثل ما اطمنوني انا في التاسع وكنت احاتي هالشي بس الحين الحمدالله مرتاحه من هلناحيه بس بغيت اسالكم عن بعد الولاده يوم اترضعين البيبي يقولون في الم ردو علي لو سمحتوا