محتاره واريد مساعده

شوفي انتي الشي الغريب والي مو موجود عندنا يعني عطورات
في لب قلوس اسمه ستي لبس تكلوا عنه البنات انه ينفخ الشفايف وحصل على المركز الاول موجود عندكم
الكنب ماانصحك تشحنينه لانه بيطلع مكلللللللللللللللللللللللللف جدا عليك انتي بيعيه احسن وعشان اذا رجعت الامارات من جديد تشترين كنب ثاني وتحسين انك بديتي حياه جديده مو نفس الكنب الي هناك
ايه وحده تقول ان في محل في امريكا يبيع الشنط الماركات المخفضه بنص السعر تقريبا
ونفس الشي محل ملابس يبيع ملابس الماركات على 5 دولار
المشكله ماتعرف اسم المحل انتي اسالي عنه الظاهر اسمه اوت لت
هديه لزوجك شوفي ميوله بوك مثلا قلم عطر جوال

الله يرجعكم ببالسلاممممممممممممممه

عن نفسي اختي لا تشحني عفش راح كيلفك جدااااااااااااااااااااا
انصحك تيجيبي اكسسوارات للببييت هذا احلى ذكرى

ولزوجك شوفي ايش محتاج مثلا جوال اخر موديل
او ساعة يد او بيجاما غاليه

تحياتي لكي

مشكورين الغالين على الردود....الغاليه نوره...الاوت لت دوم ارخص من المحلات العاديه وايبيع الماركات صح ...الحمدالله انا بديت اشترى لعيالي من فتره خاصه اني استغليت السفرات في الشرى للبلاد...وبعد شريت لعمري ..بالنسبه للقلوس ما اعتقد اني محتايه له ...ITD صدقتي ان شالله راح اشترى اغراض بست مثل اطقم صحون وملاعق لها القيمه...وناويه اشترى اطقم الحمامات والكفر لي ولعيالي في غرفهم ان شالله...
الغاليه انا المره الماضيه شاريه لريلي اخر موديل تلفوني الى هو الكمبيوتر وشريت له مره ساعه فندي وايد يحبها ومب حاب ايغيرها ابد..وخذت له نعال بشوتي ...اما الجايم فحدث ولا حرج ...دوم اشترى له ...خاصه انه معتمد في هذا الجانب على...والله صدق اني محتاره وايد ...خاطرى اييب شي مميز وفنفس الوقت يخدمه...

ممممممم عزيزتي قوليلي انتي باي ولايه عشان افيدج

بصراحه نحن دوم يوم انروح امريكا نشتري لبس للعيال حق سنه لان والله مهما لبسوهم وحاجوهن ما يخربن ولا حتى على الغسيل وانا عن نفسي اشتريلي شنط والله السنه هاي اشتريت شنط واااااايد حلوه من هناك مثل guess وهالسوالف والله يا عزيزتي اني لين اللحين ما نزلت في البلاد وربيعاتي في الدوام يتخبلون ويلقون شرات شنطيه .. وعندج بعد العطورات مثلا عندج باريس هلتون كنت شارتنه من امريكا قبل ما ينزل في البلاد واله يوم اتعطر به غير ريحته يعني اتم اكثر عن باريس هلتون اللي نزل في البلاد .. انصحج ركزي على العطورات والشنط والله ما اتلاقين شراتهن في البلاد ..

بس فيديني انتي باي ولايه وان شاء الله اذا كنت زايرتنها قبل بفيدج اكثر

نورv البنفسج ....مشكوره الغاليه ...انا صدق ناويه اشترى عطور بس ما عندي خبر اذا نزلت البلاد والى لا ...انتي خبريني اسم العطور الى مانزلت الين الحين واي ماركه ... وان شالله اشوفها حتى لو مالقيتها ممكن احصلها بالنت واخذها لاني بصراحه دوم اتعامل مع النت في اغلب الشرا.....وانا احب شنط قوس وعندي اكم شنطه منه بصراحه حلو واسعاره وايد حلوه وارخيصه مقارنه باسعار البلاد ...

مرحبا يا قمر..

الله يردك لبلدك وأهلك بالسلامه يارب..

والله يعينك على النقل والترتيب..

بالنسبه للعفش شوفي اللي تبغي تنقليه معك وقدري ثمنه بالنقل اذا يكلف زياده عاد الله يعينك تبيعينه..
وبالنسبه للأشياء اللي تجيبيها معك عاد شوفي وش اللي ممكن ما يكون موجود بالبلد.. والبنات ما شاء الله ماقصروا..

وبالنسبه لهديه لزوجك.. شوفي مواضيع البنات بالركن.. او وش هو محتاج اكثر شي.. واشتريه..

والله يا عزيزتي بالضبط الاشياء الجديده جديده اللحين بتحصلينهن بعدهن ما نزلن عدنا بس نزلن في امريكا

شوفي مثلا المولات اللي موجوده بامريكا ما تخلى من الاستورات الكبيره اللي مثل " Nordstrom" هالاستور الكبير بتحصلين كل يديد فيه وبعد عندج "Meier & Frank " وهذ وبعد "JCPenne" بتلقين فيه اشياء حلوه ادري بتقولين عدنا في الستي سنتر هالاستور بس والله مب نفس البضاعه البضاعه اللي تنباع عدنا هيه كجرتهم ..

وشوفيلج "Victoria's Secret" دامج متزوجه ترى البدي لزشن روعه وبعد قمصان نومهم رهيبه

وعندج الاوت لت بعد والله يبيعون بلاوي الدنيا والله واسعارهم طبعا مب رخيصه بس هيه تقريبا يكون عليه تخفيض اكثر عن المحلات والله ومب اي ماركات من CK وقوق بيعيبج وااااااااااااايد وياريت اتقوليلي انتي في اي ولايه عشان اقدر اساعدج واعطيج اساميهن ..

وعلى فكره عندج " Target " " WALL MARK" FRIED MAYER" لا تستهينين في هالمحلات تراهم مرات ايبون اشياء غريبه عجيبه وبعد ما تلقين شراتهن في البلاد واسعارهن اتخبل

ممممممممممم عندج بعد "MACYS" لبسهم يجنن اتمنى اكون فدتج بالمحلات وبصراحه انا عمري ما اشتريت من امريكا واتندمت وحتى خواتي نفس الشي