ماشافني الشوفه الشرعيه والنتيجة بعد سنتين فجرها كالقنبله في وجهي..

صباح الخير اختي

بصراحه مادامج تقولين انه مرتاح معاج بعد الزواااج خلااااااااص معنااااته هو مرتاح معاج كثير بس يمكن هو حاب يفضفض عن الطريقه اللي تزوج بها مش مرتاح منهاااا والحمدلله انهاااا عدت

وهو يفضفض لا اقل ولا اكثر وانتي خلج الصدر المفتوح لزوجج كل وقت

ولاتحسسينه انج متضايقه من كلاااامه بالعكس بيني له انج مرتاحه معاه كثير وحولي الموضوع بطريقه ضحك قولي له يعني شرايك لو كان شكلي كذا يعني مش جميله شكنت بتسوي ويعني من الحركات هذي


والله يوفقج وعن الاكتئاب والضيقه لانها ماتنفع بشي صدقيني

والله يوفقج مره ثانيه

لا تضايقين نفسج أختي، بالعكس استانسي لأن زوجج يفظفظ لج ويقول اللي في خاطره، واللي قاله مب معناه أنه مش مقتنع فيج، بدليل أنه عمره مابين لج ها الشي، وأنتي جاريه، وقوليله أنه ها الشي من حقه بس مب بإيدج،،،
وقوليله أنه أنتي بعد من حقج ها الشي وما صار، يعني أنتوا متساويين :)

أختي أول شي وسعي صدرك

والحمد لله انه فضفض عن اللي في قلبه تدرين رجال يغارون من بعض اللي يقول انا شفتها ولا ماشافها وغيره وغيره...........)))))
مثل ماقالت اختى لا تبيني له انك متضايقه خذيها بصدر رحب
والحمد لله انت تقولي انه طيب وحبوب لو ماكان حبوب ماكان فضفض اللي في قلبه عشان يرتاح
والله يوقفك

زززين ياحبيتي انك فضفضتي شوفي كل واحد له مواصفات معينه للزوجه يمكن حتى يستحي يقولها لاخته وخاصه اذا كانت تتعلق بالجسم مثل الصدر الموخره العيون الخ
واحمدي ربك وانه فضفض ولاكتم بنفسه صح ولا لا تقدرين انتي تسوين الي يبي
وشعوره شعوره عادي ماينلام بعد حتى لو شافك وقت الملكه صدقيني بيقول نفس الكلااام
اهم شي انك تكونين واثقه من نفسك لو قام زوجك بس عشان تكسرين عينه اولا
ثانيا اذا مره رحتي زواج قولي تخيلي في ناس سالوا عني يبون يخطبوني هنا بس بيحس فيك خالتي سوت هاذي الحركه مع زوجها
وهي جمالها الصراحه اقل من عادي ولا زوجها احلا منها بكثيررر ومن ثقتها بنفسها ومن كلامها ان الحريم يسالونها عن ملابسها ومكياجها حس فيها اكثر
طيب هو صرحلك تصريح او بس تلميح
شوفي انا زوجي تخيلي شافني نظر ه شرعيه تخيلي وبعد سنتين زواج تخيلي قالي كنت مكثره مكياج
انتي صارررحيه ولاتكتمين قولي وش الي مو عاجبك فيني انا اغيره لعيونك
مو عيب الواحد يزين عمره
شعرك اذا يبي طويل طوليه يبه قصير قصيه يبي مصبوغ اصبغي اذا ناعم سويله بيرم اذا خشن سوي يوكو
اذا قال جسمك قوليله حدد في طرق تكبر او تصغر الصدر والموخره
خشمك مو عاجبه في طرق بالمكياج تغير ملامح رسمه الانف
سمرا فيه منتجات تبييض مومنه وطبيه
فيك حبوب كريمات مضمونه
شفايفك نفس الشي خدع مكياج صدقيني كل شي بالششكل يتصلح
ولاتنسين تهتمين بنفسك وقت الدوه عشان ال-0000000فهمتيني عاد هاذي نقطه مهمه للرجال
يبي بشره حلوه حطي مكياج الحين بس لما تهتمين ببشرتك وانا بقولك كيف
ونصييييييييييييييييييييحه في مكمل غذائي فيتامينات اسمهابيرفكتل بس الحااااااااااااااااااااااااااااااااااااامل ماتستخدمه انتبهي يقولون مرره حلو للشعر والاظافر والبشره انا الحين استخدم سفن سي واحس بشرتي وشعري تحسنوا واذا خلص بغيره للي قالو اعنه البنات
انتي اساليه سوال صريح وش الي مو عاجبه فيك عادي انا سالت زوجي عشان مايصير بخاطره شي قال انتي ضعيفه ابي خدود ابي جسم مليان وعلى طول شريت العده والحين حمد لله متنت شوي وباقي بمتن لما يقول هو خلاااااص
انتي لاتسسسسسسسسسسسسسكتين اكبر غلط وطبعا لازم يحس انك تتعبين عشانه وانك تحاولين ترضينه وتسعدينه
وقوليله الكلام الحين ماينفع والي تبيه بيصير وحاولي تغيرين من شكلك يعني انتي عطيني اوصافك بالخاص وانا اقولك
سويله مفاجاءات زوجيه خليك كريمه بالهدايا سوي ليالي رومانسيه وماشاء الله باب افكار وخبرات مليااان
غيري من روتين علاقتكما في اشياء كثيره بخصوص هاذ الموضوع بس على الخاص

انتي بس قولي مشكلتك بشكلك واحنا هنا نساعدك وتككفين اول ماتسالينه ارسليلي على الخاص وابشري بسعدك
ولاتنسينا اختتتتتتتتتتتتتتتتتي الدعاء ثم الدعاء والله ان له مفعول السحر تعودي انك تتدعين في كل صلاه وبالسجود وطبعا اوقات الاستجابه مثل السفر بين الاذان والاقامه الثلث الاخير بالليل
صديقتي تخيلي مشاككل هي وزوجها بدون سبب المشكله ويقولها ضغط عمل
صارت تدعي بكل صلاه في السجود يارب حببه الى زوجي وحببني الي واجعله لايرى عيوبي ولاارى عيوبه

تقول والله اسبوعين وانقلب 180 درجه

انتي بس شوفي وش يبي والي مو عاجبه وارسلي مواصفتك على الخاص ولو تبين اعطيك ايميلي اشرحك بالمسنجر انا حاضره بس نبي دعووه منك

الله يحببك في زوجك ويحبب زوجك لك ولايشووووووووف يارب عيوبك ولاتشوفينه عيوبه وتعيشون بسعاده ومحبه ووئام

ياربي كلامي كثير=========ههههههههه
بس كنت بقولك تخيلي انا يوم كنت مملكه زوجي بس شافني 3 مرات يوم الملكه وكانت 3 شهور
يعني كل شهر مره طبعا هاذا عشان اهلي بالموت يرضون يجي وكان يقولي اخويائي كل اسبووع لين الفجر يسهرون مع خطيباتهم وانا من الساعه 10 اطلع من بيتكم
اخويائي يقعدون مع خطيباتهم بلحالهم وانا مايقى لا شغالتكم تجلس معانا وتكتمل العايله

اخويائي ياخذون خطيباتهم لمطاعم وانا لا

اخويائي يبوس خطيبته على خدها وانا اذا جيتكم انتي في جهه وانا في جهه=هههههههه الوضع كان عندنا تعذيب
جلس يحن يمكن سنه بعدين خلاص نسى السالفه صدقيني بينساها اذا حملتي وجبتيي بيبي

يعني السالفه غيره من بعض مو اكثر او اقل نفسنا احنا يالحريم هههههههه

شفتي المعادلة..............

اهو فضفض لج .......... وارتاح.........

وانتي فضفضتي لنا........ وارتحتي..............

شو رايج................ مب مرتاحه بعد ماكلمتينا................

حبيبتي.................... عندي لج فكرة................................

قوليله شورايك تخطبني مرة ثانيه....................................................

وسوي حركة انه يجي يخطبك.. وانتي تجين المجلس مستحية................ ويشوفك وتطلعين وانتي خايفه ومستحية..

بس هذا كله في بيكم انتوا الاثنين....... وخلاص..

إذا جاب الموضوع قوليله ....... نسيت انك شفتني في مجلسنا.. حركة.. عشان ينسى موضوع الشوفة هذي..

تحياتي

بسم الله الرحمن الرحيم ..

حبيبتي شوفي بقولج شي ..
أنا مأســاتي اكبر من مــأساتك ...
عيلتي نفس الشي متشددين واااااايد .. لدرجه ما تتخيلينها ..
اتخيلي انه يوم طلب زوجي انه ايشوفني في فتره الخطبه قاله ابوي .. لا تخاف بنتنا مب خسفه ..
ورفض انه ايشوفني .. وقال حقهم نحن بناتنا مب لعبان .. وما عندنا رياييل ايشوفون حريمهم الا في يوم العرس ..

متخيـــله الموقف ........!!

طبعا انا كنت اكلمه بالسر .. خواتي بس الي ايعرفون واهله ..

وكان ايحاول انه ايشوفني باي طريقه لكني رفضت .. عشان ما اكسر كلام ابوي وبنفس الوقت لو انكشفنا بطيح من عينهم ..
وطبعا طرشت حقه كم صوره مع خواته من غير ما احد يدري ..

وهو بعد ما شاف الصور اتخبل اكثر .. وصمم انه ايشوفني لكن .. مافي مجال ..

وطبعا هو حب ايعاقبني لاني ما مشيت على رايه وما خليته ايشوفني بالسر من ورا اهلي .. وصار ما ايزور اهلي بالمره ..
اللهم بس في المناسبات ..وحتى امه كانت زعلانه عشان ما شافني ولا طبت بيتنا غير يوم الخطبه بس مره وحده .. ليوم العرس..
ونفسيتي تعبت وايد من موقفهم هذا .. ونزل وزني بدرجه فظييييييعه .. لكن الحمدالله كل شي تم على خير و احتسبت اجري عند ربي..

وشافني طبعا يوم العرس وكان بيطييييير من الفرحه ..

وللعلم جمالي يفوق جماله بوااااااااايد .. يعني فرق الشكل بينا كبير حتى انه اربيعاتي في العرس يوم شافوه انصدموا كيف وافقت عليه .. فقلت حقهم ... الشكل آخر شي ممكن افكر فيه واهم شي انه اخلاقه زينه و قلبه طيب وهو فعلا جدير بالاحترام والحب ..
و المقربات مني طبعا ايعرفون اني ما شفته ولا شافني وكانوا يدعولي بالتوفيق ..

والحمدالله اندمجت وياي بسرعه انا ما كنت اتخيلها .. حتى بعد ما كملنا شهر سألته انا كيف اندمجت وياك بهالسرعه مع اني ما عشت وياك من قبل ولا عرفتك عدل .. بس سبحان الله ..

المهم بعد فتره اخوي خطب و في الملجه شاف حرمته واهني ريلي فتح الصفحات الجديمه .. وطبعا انا ما سكتت .. قلت له هاي عاداتنا وتقاليدنا ومستحيل انا ايي بيوم واغيرها .. وانت ادرى انه اهلنا كبار وعاشوا على هالشي وشوفة الريال لبناتهم بالنسبالهم عيب وهم بعد ايخافون على سمعتنا .. ويوم اهله اتكلموا بالموضوع انا سكتت واختصرت كلامي بانه هالشي مو مني انا عشان ايحاسبوني عليه.. وطبعا زوجي دافع عني وقال بالعكس احلى جيه وانا فرحتي كانت اكبر في العرس لاني اشوفها لاول مره وباحلى منظر .. بس لما دخلنا غرفتنا كان ناوي يتكلم بس حس اني وصلت حدي من الموضوع واول ما حاول ايهديني انفجرت وصحت واهني هو حس بغلطته وانه ما كان المفروض ايقارن بيني وبين اي حد ثاني ..

صدقيني هاي قسمه ونصيب .. صح الشرع ايقول انه لازم الواحد ايشوف الوحده الي بيخطبها قبل لا يستوي بينهم اي شي رسمي وهي بعد لازم اتشوفه .. بس الي ربنا يكتبه هو الي بيصير ..

انتي لا تخلين زوجج يرمي اللوم عليج .. ولا تسكتين عشان ما ايعايرج كل مره يسمع فيها عن واحد شاف خطيبته ..

صدقيني انا زوجي من يومها ما طرالي الموضوع ولا اعتقد انه في يوم بيفكر يتكلم عن هالسالفه لانه عرف وجهة نظري عدل ...

وعسى الله يسعدكم ويهنيكم يا رب ..

واوووووووووووووووووووووو فكره الاخت خواطر فتااااكه جبر خاطر من صدق والبسي فستان وسوي جو حلو قولي بعوضك عن هذا اليوم

حبيبتي اهو شنو يبي الحين زواج وتزوج لييييييييييييييش المعاير إذا عاد عليج الموضوع مرة ثانية تدرين شنو تردين عليه :dd::dd: قولي له البضاعة إذا

مو عاجبتك رجعها مرة ثانية ......وصدقيني ماراح يعيدها مرة ثانية بس تحرجينه ماراح يتكلم غير هالمرة.......:mad2::mad2::mad2:

ليش تقليب المواجع دامه مرتاح معاج
انتي اقلبيها مرح

و تخبي بالغرفه الثانيه و سوي نفسج مستحيه و قوليلته تعال و كانك بتشوفني النظره الشرعيه

لا تاخ1ين معاه الامور بحساسيه و الحمد لله انه الله موفقكم مع بعض

مثل ما قالوا البنات .. سويله هالحركه الحلوة عسب تنسيه وتعوضينه بنفس الوقت .. والله يهنيكم .. عيشوا حياتكم واستانسوا ... احسها سالفه ما يبالها الزعل والضيج هذا كله .. خلااص اللي صار صاااااار .. سويله حركه وخليه يشوفج وعوضيه ووووووووبس ..

فديتج لا تستوين جيه حساسه وتنكدين على عمرج

صدق هي مجرد فضفصه......بصراحه احسن من انه
يكتم ولا يطلع اللي في خاطر وبعدين تلقينه مسوي
شي يكدرج.........

قولي له ان هالشي قسمة ونصيب وسبحان الله لو
كان شافج قبل ما تملجون كان غير رايه وسار
خذ وحده ثانيه ما تحبه وتنكد عليه عيشته....
وما تهتم به شراتج...وفيها ألف عيب وعيب...

مستحيل تكون الشوفه هي أساس السعادة الزوجيه
وياما رياييل شافوا حريمهم الشوفه الشرعيه بس
عايشين في نكد.........الزواج عشرة مب نظرة

تدرين؟ حلوة فكرة الاخت خواطر©...نفذي الفكرة
بس حذري ريلج انج ممكن تغيرين رايج فيه :cool2:

انا لم ا اخطبو لاخو زوجي ومع ان وجي شافني الشوفه الشرعيه وعجبته كثير الا انه غار من اخوه وصار يقول كلام حسيت فيه انه يقول حظ اخوه احسن من حظه طبعا هذا نتيجة انها جديده واخوه دايم يمدح فيها لانه فرحان فيها الى ما مره كانوا خواته مجتمعين ومع السوالف بينو لزوجي اني احسن زوجة اخو عندهم واحلاهم طبعا زوجي فرح بهالشيء وماصار يغار بالعكس صار يمدح فيني ويقولي اني مبيضه وجهه عند اهله مع اني ما احس اني احلا وحده من حريم اخوانه بس احس اني المفضله بينهم بسبب معاملتي الطيبه لاهله

بس صدقة الريال هني له حق انه يتكلم انا اايده في كل كلمه....بس مب معناته انه ما يقدر يغير هالشي لانه شافج والحين انتوا تحت صقف واحد...

بس لا تغلطين غلطه انج عاطيه اهميه لهذا الموضوع اتحسسينه صح من حقكك هني الشيطان بيلعب في راسه..بلعكس حاولي انج اتغيرن هالصوره الي في باله وتتدلعيله وتخلينه يستانس يعني كل ما تشوفينه يفكر سيري ونسيه وصدقيني باجر بيقولج مب مهم الواحد يشوف زوجتة النظره الشرعيه دامها جي طيبه وحنونه وتخاف عليه الريال ما يبا غير حرمه الدلعه وتعتبره ولدها قبل لايكون زوجها..

لاتحاولين اتايدينه بالكلام الي قاله من طريقة سكوتج وزعلج ولا تفتحين سيرة هالموضوع مره ثانيه...وايد ناس شافوا بعض ومب مرتاحين بعد الزواج ما تدرين شو القدر مخبيلج.

والسموحه

اختج عروس الموج

البنات ما قصروا معاك وأنا مع الأخت خواطر جربي فكرتها ترى وااايد حلوووووة الفكرة ....

ماشاء الله اقتراحات الاخوات كلها مفيدة

انا استفدت منهم


الله يوفق الجميع

صباح الخير

Aryam
عروس الموج
متفائلة بالخير
حلوووة البحرينية
nariz
Runaway Bride
MOON LIGHT
مبدعة دبي
الحايره نوره
منال الكويت
HABOOBA
حبوبه
خواطر
يومي بسنه

مشكورين خواتي كلكم طيبتوا خاطري بعد ما كانت نفسيتي مش ولابد...

تدرون لما شفت ردودكم يوم الأربعاء إعتدلت نفسيتي بالتدريج...

وشلت هذا الشيء من خاطري...

كنت متوقعه قبل ما أشوف الردود إني أشوف هذا الرد...

إذا مو مقتنع فيش... إطلبي الطلاق...

بس الحمد لله كانت كل الردود بإني ما أحط هذا الأمر في بالي...

مشكورين مره ثانيه ومع السلامه...

منال الكويت:
حبيبتي اهو شنو يبي الحين زواج وتزوج لييييييييييييييش المعاير إذا عاد عليج الموضوع مرة ثانية تدرين شنو تردين عليه :dd::dd: قولي له البضاعة إذا

مو عاجبتك رجعها مرة ثانية ......وصدقيني ماراح يعيدها مرة ثانية بس تحرجينه ماراح يتكلم غير هالمرة.......:mad2::mad2::mad2:

ياحلو سوالفك يا منال الكويت

اختي الغالية

وسعي الصدر وتركي عنك الحساسية الزايدة هو كان يقول ما في خاطرة ويفضض والرجال ما يفضض الا نادر

انتي بالعكس عدلي عليه

وانه متأكدة انه كلامة ما يقصد فيه انه ما يبيك بس يتكلم بشكل عام

لكن ولي امرك غلطان 100% خالف الشرع .......!!!!