بنات كيف أعرف ان الجنين يتحرك بليز

مرحبا أختي الغالية .. :)
..
ممكن تحسين بحركات جديدة خفيفة في الخامس ..
لكن في السادس بتحسين فيها عدل عدل عدل إن شاء الله ..
..
ضربات وحركات البيبي جدا واضحة لدرجة إنج ممكن تشوفينها من برا بطنج ..
يعني تشوفين بطنج من برا يهتز ومكان الضربه يرتفع على برا هههههههه شي حلو بصراحة ..
ومرات البيبي يضرب المثانة ممكن يضايق أو يؤلم في بعض الأحيان وتحسين انج الله يعزج ودج تقضين حاجتج ..
هذا بالضبط اللي يصير معاي أنا حاليا في بداية السابع ..
وحركات البيبي تزيد أكثر مع تقدم شهر بشهر ..
..

موفقه يالغالية والله يهون عليج :)

هلا حبيبتي في الشهر الرابع يمكن تحسين بحركات الجنين بس تكون خفيفه ورقيقه ما تشعرين فيها واايد اتحسين مثل شي في بطنج مثل حد يقرقطج وبحركه في المثانه مثل ما قالت الاخت بس مع تقدم الشهور مثلا من الساادس الى التاسع بتحسين فيهاا واايد بحيث انه يوعيج من الرقااد حتى انا الحين في التاسع وفديت ولدي يووم يتحرك والله واايد حلو هالشعور احس بريووله احس بشي يظهرلي من بطني شي نااقز وحركه الجنين في التاسع قويه تعور شوي مدامج في الرابع بتكون حركه الجنين رقيقه ماتعور إلا اتقرقط:dd:

ان شاء الله .. ربي يثبت جنيني ..


وبنحس بالقرقطة ... انا واختي اماراتية ...


لاني بعد اسبوع بدخل الرابع اذا شاء الرحمن ..

هلا حبيباتي انا الحين في نهاية الرابع بس ما احس في الحركه

و زوجة اخوي بعد في نهاية الرابع بس قبلي انا بــ كم يوم و هي

تحس بــ حركة البيبي من بداية الرابع تقريبا و انا واااااااااااايد مستعجله اني اشوف حركات البيبي




والله يوفقك الجميع و يسهل علينا

الله لا يحرم حد من هالشعور

بس حبيت اسأل هل ممكن تكون الحركات قوية جدا لدرجة البكاء مثلا و لا عاديه ممكن انه الام تستحملها

أختي لوليتا حركة الجنين في بطن أمه من أجمل اللحظات الي اتحس فيها الام الحامل.. فأكيد طبعا اهي ما تبكي الوحده ولا تسبب لها الوجع..

اماراتيه : أول ما بتحسين بحركة الجنين بتكون مثل رفرفه تقريبا نفس الغازات حتى ممكن أحيانا ما تقدرين اتفرقين بينهم ..

بس أول ما تدخلين الشهر الخامس راح اتميزين حركة الجنين لأنها راح اتكون أقوى وممكن اتحطين ايدج على بطنج واتحسين فيها بعد..

خواتي عروس أغسطس - ميهودة - أم نيلا - نورة - لوليتا - عجيبة : اشكركم خوااااتي والله يوفقكم يارب

[CENTER]ما شاء الله الاخوات ما قصرو وباجر بتحسين بحركة الجنين لين ما بتنامين بالليل من حركاته,,,وبتقومين فجأة على اي حركة يسوييها لاحقة عي الاذية هههه

بالنسبة لي تحرك ولدي وأنا ببداية الرابع ... تحسين بشي أشبه بالغازات تتحرك بالبطن
بعدين تزيد حدة الحركة ,,
وبالنسبة للبكاء من الضربة ..... بصراحة أنا صارت لي مرة لما كنت بالشهر التاسع .... وكان ولدي كأنه بملعب كورة ... والله عورني ... حتى الدكتورة تقول ,.... : ماله ابنك عامل مظاهرة جوه ...

انا سمعت ان الولد يتحلرك ببدايه الرابع اما البنت فتتحرك بالخامس