مستشفى الوصل بدبي

الف مبروووووووووك يالغالية: والله وايد زين انج بتتعالجين في مستشفى الوصل خواتي كلهم يتعالجون هانك، ويمدحون فيه، مرتب ويعالجونج بضمير، بالنسبة للأجراءات شيلي جواز السفر او صورة، وخلاصة القيد وصورة من عقد القران هذا اللي اعرفه، بس تدرين اللي على حسب علمي انهم وقفو اي تعامل من خارج دبي، يعني دامج بالفجيرة اتعالجي بالفجيرة الا اذا ريلج ساكن بدبي هذا والله اعلم

مرحبا اختي
لازم تسوين بطاقه صحيه من مستشفى راشد قس البطاقات والمطلوب صور شخصيه وصرة عن جوازج وجواز ريلج وخلاصة القيد
اما عن التسجيل في الوصل لازم تكونين دخلتي الشهر الرابع
الا اذا كانت عندج مشاكل في الحمل سيري الحوادث في الوصل
وللتاكد من الاوراق المطلوبه اتصلي بالمستشفى وهم بيخبرونج
والسموحه

هلا حبيبتي يسوون البطااقه من مستشفى راشد قسم البطاقات والاوراق المطلوبه ما اعرف بصراحه شو هيه بس اتصلي احسن داامج من الفجيره عسب ما تضربين خط على الفاضي وحسب علمي حبيبتي مستشفى الوصل وقف يعني ما يستقبل مرضى من خارج دبي وحتى اللي في ديره يحولونهم مستشفى دبي واللي عندهم بطاقه من قبل ومتعالجين في الوصل من قبل خلاص يتمون في الوصل اما اللي الحين بادين يسوولهم بطااقه على طول يحولونهم مستشفى دبي بس اوكيه مستشفى دبي الكل يمدحه وانا حامل والحين في الشهر التاسع وبربي في مستشفى دبي انشالله ادعيلي انه الله يسهل عليه..
وحبيبتي انتي قصدج عياده القصيص صح مب القصيف طبعا انتي يووم بتفتحين ملف سواء كان في مستشفى دبي ولا الوصل يحولونج عياده القصيص هيه اللي اتابع حملج لين التاسع من بعد يحولونج اللي المستشفى اللي بتولدين فيه سواء مستشفى دبي او الوصل واذا كان عندج مشااكل في الحمل يحولونج المستشفى بعد واتمنى اني افتدج وسوري طولت عليج:smile:

ما شاء الله الخوات كفوا و وفوا ..

باختصار انتي بيحولونج مستشفى دبي .. انا من الشارجه وحولوني على مستشفى دبي ( مستشفى الحمريه )
وهو بعد وااايد اوكي والكل يمدحه ..

بس مب جنه وايد بعيد عليج .. يعني اوكي افتحي ملف في دبي وخليه للشهر التاسع وربي فيه ..
بس مراجعاتج خليها في مستشفى الفجيره احسن من الروحه والرده .. وترى كلهم نفس الشي في المراجعه الا اذا كان فيج لا سمح الله شي ..

وعسى الله ايسهل علينا وعليج يا رب..

الجميلة 87

babykany

ميهوده

HABOOBA

مشكوراااااااااااااات واايد للكل الصراحة واايد استفدت من المعلومات لانى من فتره ادور وما محصله أجابات


والله يسر للجميع وتيبون كتكوت حلو صغيررون


الفردوس

اختي الحين غيروا روحي عيادة القصيص وشيلي الأوراق معاج وتسوين تحاليل عندهم بس موعد الدكتورة يكون في الوصل

هلا الغالية..
أول شي مبرووك..
البطاقة تسوينها في مستشفى راشد و إللي أعرفه إنج بحولونج ع مستشفى دبي مب الوصل لأني صارت لي نفس السالفة وحولوني ع مستشفى دبي و عقب بالعافية رحت و حولت ع مستشفى الوصل..طبعا بالبداية بكون العلاج في عيادة القصيص و و بعدين بحولونج مستشفى دبي..
ويوم بتروحي عيادة القصيص مثلا بيعطوج موعدين موعد عندهم عشان تشوفي دكتورة النساء و الموعد الثاني بكون في مستشفلى دبي و هناك يبون صورة من جوازج و زواج زوجج و صورة من خلاصة القيد و أعتقد صورة من شهادة الميلاد(بس بعد اتصلي لهم و تأكدي من الأوراق)

الف الف مبرووووك الغاليه...

الله يتمملج ع خير..

الف الف مبروك
عسالله يسعدج ويرزقج بالذرية الصالحة
ويتربا بعزج وتشوفين عياله وعيال عياله
بس موضوع مستشفى الوصل ما اعرف عنه
بس ما انصحج تسيرين مستشفى الوصل
يجتلون اوادم
مايجتلون بمعنى يجتلون بس تتعذبين من الصبح لين الليل ويخشون اجهزة وبالاخير عملية
واسفة جان زيغتج بس هذا هو الحال
وعاد اللي علية سويته

في شغله ما فهمتها

انا يوم اسوى البطاقة

ما اسير في اي يوم حق مستشفى الوصل وادخل والى شو السالفة

الفردوس

7alatah

صدج الكلام الى قلتيه تراش زيغتينى


الفردوس

مستشفر الوصل ما ينفع وانا بولاتي بولدي البجر تعبوني والنرساتيتناوبون علي ما طل عليج دكتورة الا وقت ولادتج وكل مرة يدخلونج على دكتورة شكل وقت المراجعة
بعد منها حلفت ما اربي فيه والحين اروح ولكير واربي

اولا...

الف الف الف مبروك ع الحمل والله يتمم لج ع خير ...

اول مره اسمع بالقانون اليديد فمستشفى الوصل

انا بصراحه ماسمعت شي عنه بس اللي اعرفه يزيغون الحريم شوي وهل الكلام اللي منيه والدرب لان وايدات من العايله ربن فمستشفى الوصل وماسمعت عنه شي

وع فكره اختي فردوس لو بتخبرين عن كذا مستشفى فالامارات بيطلعولج فيه عله :)

وحاولي ادورين اقرب مستشفى لج لاتعبين عمرج فالخطوط من الفجيره لين دبي

الف مبرووووك عالحمل

و عن المستشفى اعتقد ان الاخوات ما قصروا كفو و وفو

والله يقومج بسلامه

تسلمن يا الغاليات عاى مرروركن الطيب والله يرزق كل وحده الى ما عرست ريل والى معرسه ياهل


الفردوس

الغايات ممكن حد يوصف لى مكان عيادة القصيص بالضبط

وتسلمون

اختي الفردوس

مستشفى الوصل الحين سوى نظام يديد لانه استوى زحمه وظغط علهم وايد

انا ربيت فيه مرتين وما كان عندهم هذا النظام
النظام اذا كان عندج بطاقه تاعه لمستشفيات حكومة دبي تتعالجين في العياده اللي فيها ملفج

يعني انا مثلا تابعه لعيادةمستشفى راشد ويوم حملت هذي المره سرت اسوي موعد في الوصل ما طاعو مع انه عيالي اللي قبل راجعت وربيت في الوصل بدون هذا النظام

الحين قالو لازم تسيرين راشد وتيبين استمارة تحويل من راشد وبعدين بنعطيج موعد في الوصل

اما انتي بتراجعين عقب القصيص في دبي وحاولي على الوصل وان شاء الله يحولنج

اما عن الكلام اللي سمعتيه عن الوصل تراه يستوي في الوصل وغيره ... واللي محتاجه عمليه بيسوولها اذا الوحده تبا تنقذ نفسا وتنقذ البيبي بتسوي اي شي

المهم انتي استخيري ورتبي امورج وشوفي الانسب لج سواء الوصل او دبي ولا عندكم في الفجيره

وجان عندج خرده (فلوس) زياده عندج الامريكي و ولكير

والسموحه الغاليه

تسليمن الغالية على المعلومات والله يسر ان شاء الله

وتمشى الامور على خير


الفردوس

??? mnu a7san doctorat welaaadeh fe al wasel hospital