حالي يكسر الخاطر

مرحبا اختي والف مبروك ع الحمل

بصراحة يوم انا كنت حامل كنت مثلج .. اللوعة ما تفارقني لا ليل ولا نهار واضطريت اني اروح الصيدلة اشتري لي دواء عن اللوعة لان المستشفى ما عطوني حل ..
بس الدواء اللي استخدمته الحمد لله فادني والف الحمد لله ان ما له اي تأثير على الجنين .. ومن كثر ما خفف عني اللوعة خليته عندي حتى بعد ولدت وقلت لين حملت مرة ثانية بشتري منه وبستخدمه .. وللي الحين عندي العلبة مالته .. اذا تبين اعطيج اسمه انا حاضرة ؟؟

اختي في حبوب تكتبه لج الدكتورة تودي الوعة,او جربي بعد قبل ما تنشين من السرير تاخدين لج قطعة بسكويت مملح ينفع

ماما حسون:
مرحبا اختي والف مبروك ع الحمل

بصراحة يوم انا كنت حامل كنت مثلج .. اللوعة ما تفارقني لا ليل ولا نهار واضطريت اني اروح الصيدلة اشتري لي دواء عن اللوعة لان المستشفى ما عطوني حل ..
بس الدواء اللي استخدمته الحمد لله فادني والف الحمد لله ان ما له اي تأثير على الجنين .. ومن كثر ما خفف عني اللوعة خليته عندي حتى بعد ولدت وقلت لين حملت مرة ثانية بشتري منه وبستخدمه .. وللي الحين عندي العلبة مالته .. اذا تبين اعطيج اسمه انا حاضرة ؟؟

هلااااا أختي الغاليه

الله يبارك في عمرك ويحفظ ذريتك

عطيني الغاليه اسم الدواء .. وبشوفها عندنا بالصيدليه
بس زيادة اطمئنان بعد بسأل الدكتوره عنه ..

في انتظارك

عيون وساع:
اختي في حبوب تكتبه لج الدكتورة تودي الوعة,او جربي بعد قبل ما تنشين من السرير تاخدين لج قطعة بسكويت مملح ينفع

هلاااا عيون وساع

بنشوف الغاليه حبوب اختنا ماما حسون بعد استشارة الدكتوره

اماعااااد البسكوت ..

والله صايرة مثل اليهااال ..

غرفتي متروسه انواع البسكوتات والحلويات مب عارفه شو اسوي
من ضيقتي من هاللوعه .. كل شوي آكل بسكوته والا حبة حلاوه :)

كل هذا ومب نافع ...

بشوف الحبوب ويارب تنفعني

ما تشوفين شر يا الغالية

بإذن الله هذي مرحله و تعدي بسلام

تحملي علشان خاطر البيبي

و الف سلامة لكِ

هلا اختي

الحبوب اسمه Navidoxine

وسلامات

فوانيس:
ما تشوفين شر يا الغالية

بإذن الله هذي مرحله و تعدي بسلام

تحملي علشان خاطر البيبي

و الف سلامة لكِ

الشر بعيد عنكم الغاليه

أشكرك .. طيبتي خاطري الله يحفظك

ماما حسون:
هلا اختي

الحبوب اسمه Navidoxine

وسلامات

مشكوره الغالية

حفظت اسم الدواء .. باكر الصبح باتصل بالدكتورة
واستشيرها وان شاء الله بتكون لي رده هني

وبخبركم بآخر الاخبار ..

اختي احسن لج تروحين الدكتور هي توصفلج بدل ماتاخذين حبوب ماتعرفين شنو هي وممكن ماتناسبج

انا لما كانت تجيني اللوعة كنت اخذ لي نص ليمونة واكلها مثل البرتقال وارتاح

واحيانا الحب الابيض المالح بس هذا مايناسب الكل خاصة اذا فيج ضغط او شي لاسمح الله

والله يعينج ويسهل لج امورج

هلا حبيبتي الله يعينج ويثبت حملج انشالله طبعا المرأه من حمل لي حمل يكون الوحام مختلف يعني مب نفس الشي وانصحج اتحملي انا كنت اعاني من اللوعه وكنت اصبر واتحمل بس حاولي انج ما تاكلين فوق طاقتج يعني اكلي رووب زين وحاولي تاكلين اشياء مالحه مثل البسكوت المملح وهالسوالف يعني بتخف اللوعه ومن الصبح اكلي تفاحه خضراء على الريج بتخفف اللوعه انشالله بس ما انصحج تاخذين حبوب مال اللوعه لانه انا الدكتوره عطتني هالحبوب وطبعا الحبوب انوااع واايد بس انا تقريبا استخدمت ثلالث انواع ويووم قريت التحذير اتخيلي طلع يسبب تشوهات في الجنين المهم اله اضرار فإنتي اتحمل واصبري لأجل البيبي وهيه فتره وبتعدي انشالله:up:

خواتي الحبيبات

نور / ميهودة

جزاكن الله خير على نصايحكن

أنا رحت اليوم للدكتوره
وخبرتها عن اللوعه .. كان طبيعي انها بتقولي ان هذي اعراض طبيعيه للحامل
وسبحان الله وصفتلي نفس الدواء اللي عطتني اياه اختي ماما حسون
بس قالت لي بعد ان الافضل استحمل وما استعمل ادويه ..
مهما اكتبو عليها انها زينه وما فيها مضرة بس الواحد يتجنبها افضل
انا اخذت بنصيحتها وقلت استحمل وأجري عند الله ..

وأشكر كل من دخلت وحاولت تساعدني لو بدعاء

دعواتكم خواتي

أكيد أجرك عن الله
ـستحملي يا الغالية كل شي يهون علشان عيون البيبي

مشكوووووره الغاليه

إيه والله كل شيئ يهون لخاطر البيبي

عسى ربي يرزقني اياه بخير

الله يساعدج ويعدي عليج هالفترة بخير ووسلامة ياارب

ويقومج انتي والنونو بالسلامة ياارب


ادعي لي والى كل اللي ما عنده بالذرية الصالحة ياارب