بنات سؤال شاغل بالي

الحمد لله حملت طبيعي بدون شئ المرتين/ بس عن سالفة الحامل: انا عن نفسي الحمل اللي فات والحينه بامانة كاملة مو محافظة على نفسي بالمرة اطبخ واشتغل واشيل واحط واطلع واروح السوق يعني ما في راحة ابدا...على الرغم ان عندي شغالة ..لكن بالمرة ما اعتمد عليها واحب أأكل زوجي من ايدي والحمد لله..المفروض الحامل تتدلع وتحافظ على نفسها بس عن جد ما سويت ولا شئ من الدلع

مشكووورة اختي الجميلة78 على الرد

ويعطيييييج الف عافية

بناااااات وين تجاااااربكم؟؟

بعد عندي سؤال

هل السعال .. والنوم على البطن لهم علاقة ولو بسيطة في تأخير الحمل؟؟

الله يعافيج يالغالية:
بالنسبة للأسئلتج الثانية،ما اعتقد السعال له خص والنوم على البطن بتأخر الحمل!! شئ ما يخصه بشئ! والله اعلم انشاء الله البنات يفيدونج

ما اعتقد في علاقة ابدا بين السعال و النوم على البطن و الحمل؟؟؟

ما يخصهم في بعض!!!!!!!!!!!!!!!!!!!!!

انا شراتج ياجميله ما ادلعت ايام حملي يعني ولا كني حامل ولو فيه تعب والله الحااافظ

اما بخصوص النوم عالبطن والسعال ما اظن له علاقه بس عادة يقولون الي تبا تحمل بعد الجماع ترقد عالجنب اليمين وماتروح تغسل على طووول

والله يرزقج بالذريه الصالحه

مشكوووووورين خواتي على الرد

ويعطيكم الف عافية:)

بالنسبة للسؤال الاول انا ما جربت لان حملي بحسون كان طبيعي من غير علاج ولله الحمد ..

بالنسبة للسؤال الثاني ما ادري بس بقولج معلومة غريبة ما ادري سمعتي بها من قبل لا والصراحة مو متأكدة من صحتها ..

من زمان من يوم انا صغيرة كنت اذا آكل ليمون " يعني امصها وآكلها " كانوا الاهل ما يرضون ويقولون لي ان اذا اكلت ليمون ما بجيب عيال ويسبب عقم .. وانا كنت مو مصدقة هالخبر واقول اكيد خرافات حريم ، بس عندي بنت خالة تدرس طب في الخارج .. لما رجعت الديرة من شهرين حق تقضي الاجازة انفتح هالموضوع مرة ثانية بس هي قالت ان دكتور عندهم في الجامعة قال لهم ان فعلا الليمون له تأثير وممكن يسبب عقم .. شلون ؟؟؟؟

لان الليمون يؤثر على افرازات المرأة اثناء الجماع وان هي الافرازات بدورها لما يمر فيها " ماء المني من الرجل " تقوم بقتل الحيوانات المنوية او تضعفها بشكل كبير مما يؤدي على عدم حدوث التلقيح وبالتالي ما يصير حمل ..... فهمتيني يعني :smile:

وكانت هي اول مرة ادري ان هالمعلومة صحيحة وكنت قبل كل اقول انها مجرد خرافة وكلام حريم ..






والله وحده اعلم

اختي العزيزة بخصوص السؤال الاول انا بصراحة عملت طفل الانابيب وقالت لي الدكتورة ان ارتاح كثر ما اقد ر خاصة تعرفي كثر الابر والادوية تخلي الواحد يرتاح والحمد لله انا حامل في بداية الشهر الثاني . وزوجي واهلة واهلي ما مخليني محتاج لشي يعني ما اشتغل في البيت ولا اطلع للخارج كله انا في البيت بس للعيادة فقط .
اما السؤال الثاني بصراحة انا ناوية اسئل الدكتورة بكرة لان زوجي دائم يخبرني ان اسئل عن هذا الموضوع وهو النوم على البطن في ضرر او عادي .

مشكوورة حبيبتي ماما حسون وعين المهااااا

ما قصرتوووو..

حبيبتي عين المها اذا سألتي الدكتورة ردي علي

وقولي وش جاوبت عليج

:)

والله يالغاليه 3 سنوات علاج بابر وكلوميد ومافي فايده انا قطعت العلاج هالفتره وانشاء الله احمل طبيعي........وانشاء الله الخوات مابقصرون معك:shy:

عن سؤالك الأول أنا حملت طبيعي في حملي الأول والثاني ...

وعن سؤالك الثاني بصراحة مثل ما قالت الأخت جميلة ما أرتاح أبد من الدوام الصباح إلى شغل البيت في العصر وأنا الحين في نهاية الشهر الخامس وفوق شغل البيت دايم أحمل ولدي وعمره ثلاث سنوات ... يعني تعب في تعب .......

وعن سؤالك الثالث ... ما أعتقدأن السعال أو النوم على البطن له تأثير خصوصاً أنا كنت أنام بهذه الطريقة دايماً ... ما عدا أوقات الحمل .....

الله يرزقك الذرية الصالحة ويرزق كل محروم ومحرومة ....