بنات والله شعري صاريهبل بأبسط تجربه!!!!

السلام عليكم ورحمة الله وبركاته...

اولا بكل صراحه هذي اول مشاركه لي

لاني بصراحه ماحبيت غير افيدكم بالشي المضمون

انا راح اقول لكم تجربتي اللي بكل صراحه فرحت بنتايجها

وطبعا هذي التجربه اخذتها من هنا من منتدى عروس والله يجزاها خير اللي دلتني على هالتجربه

يمكن ماتتوقعون بساطة هالشي كيف نتايجته ابهرتني لكن وربي هذي الحقيقه

(صارت قصه.).......>>>>>>>>>>اخلصي بس

حقيقه يابنات انا كنت اعاني من شعر شبه تالف

يعني اكبر قهر انه شعرك يكون ناعم بس مو قادره تحسين بهالشي وتلمسينه

انا طبيعة شعري ناعم بس جت فتره صار منعدم واللي يشوفني يقول شعرها موناعم

المهم انا شفت خلطه بسيطه هنا وقلت اجربها

واللي هي زيت زيتون وبيض

بيضه وحده وفنجان زيت زيتون

خفقتهم بقوه وبعدين قمت وفركت فروتي بهاللخلطه وحطيتها على كل شعري

وتركتها عشر دقايق(على فكره بتلاحظون انه شكلها ميبس على الشعر) وبعدين غسلتها بشامبو

وبعد مااطلع من الحمام وانتوا بكرامه اطالع بشعري بالمرايه احس انه غير لمعه ونعومه وملمس خياااااال

انا البيض ناسب لي كثير لان شعري دهني لكنه تالف من تحت

واختي بعد استحدمت البيض مع الزبادي وسوت زي حمام الزيت يعني فوطه حاره ولفتها على شعرها

بعدين غسلته بدون شامبووالبيض يكون بعلمكم اذا خلطتيه مع أي شي مستحيل مستحيل تصير له ريحه

من جد بنات البيض هذا سحر والله انا داومت عليه من اسبوع وسويته ثلاث مرات والكل يقول شعرك يهفهف

تبارك الله....انا خفت لااحسد نفسي....

الله يوفق الجميع ويارب اكون افدتكم.بتجربتي هذي...

وتحياتي,,,