شلون ابتدا عليج الوحااام ؟

السلام عليكم ورحمة الله وبركاته

بداية اتمنى ان فكرة موضوعي ما تكون مكررة ..


فكرة الموضوع كما في العنوان .. شلون ابتدا عند الوحام ؟ يعني شلون ابتدى عندج ؟ وشنو اول شي حسيتي فيه من الاعراض ؟ وهل كنتي تعرفين اذا كنتي حامل او لا وقتها ؟


بالنسبة لي انا جتني الدورة صباح الصبحة وانا عروس:bigsmile: وبعدين عقب ما خلصت الدورة ما ردت جتني مرة ثانية .. اول ما تأخرت قلت يمكن الزواج اثر على هرموناتي وصارت تأخر شوي فما سويت فحص بسرعة مع اني كنت حاطة في بالي ان يمكن اكون حامل بس عدم رغبتي في الحمل وقتها خلاني ما استعجل الفحص والتحليل وكنت اتمنى اني ما احمل بهالسرعة .
وبعد زواجي بحوالي شهر ويومين صارت حفلة خطوبة بنت خالي وكانت الدورة بعدها ما نزلت وانا بعدني ما فحصت .. وتعرفون عاد يوم الحفلة الوحده تقضي يوم الحفلة كله في الصالون مع الملاحظة ان بعد مع تأخر الدورة كان ينزل علي احيانا شوية دم بس كنت اعرف انه مو دم الدورة لانه كان كمية قليلة ويوقف .. طبعا بعد ما قضيت يوم الحفلة في الصالون والليل رحنا الصالة وجو الحفلة والازعاج والزحمة ما شفت الا الليل الساعه 12 راسي يعورني لدرجة ان صارت عندي لوعة وقلت وقتها اكيد من التعب واتصلت لزوجي يجي لي ياخذني مع ان الاهل كانوا بعدهم هناك واصلا انا كنت برجع معاهم هذيك الليلة .
ولما رجعت البيت مع زوجي طبعا كنت في السيارة حاسة اني برجع وكنت اقول لزوجي حاول تسرع لان حاسة نفسي برجع وفعلا اول ما وصلنا البيت ركييييييض ع الحمام عزكم الله وقعدت ارجع لما هلكت مع اني يومها ما كنت ماكلة زين .. وبعدين يا دوب بدلت ثيابي ورميت روحي ع السرير حتى من غير ما اشيل المكياج .
وهالاحداث كانت يوم سبت ، يوم ثاني قعدت من النوم نفس الشي ألم راس قوي واستمر لثالث يوم ورابع يوم والالم مو راضي يروح مع اني قمت اشرب بندول وانام كفاية بس من غير فايدة .. الى يوم الثلاثاء وكانت الدورة بعدها ما نزلت .. قلت حق زوجي خل اروح المستشفى واشوف ليش ما نزلت الدورة وبالمرة اقول لهم عن ألم راسي .. ورحت قلت للدكتور وكنت رايحة بالليل الا تقول لي لازم اول تسوين فحص حمل لان يمكن تكونين حامل مع ان قلت لها ان احنا نستخدم موانع بس قالت ما اقدر اسوي لج شي الا لما اتأكد من الحمل .. وقالت لي الحين المختبر مو فاتح ، تعالي بكرا الصبح وسوي الفحص ..
تميت ليلتها على اعصابي .. ويوم ثاني كان يوم الاربعاء رحت المستشفى من الصبح ووديت العينة المختبر واخذت موعد مرة وحدة على الدكتورة عشان يشوفون لي حل حق الم الراس اللي مو راضي يروح ، وقبل ما تطلع النتيجة انا دخلت ع الدكتورة ووصفت لها الاعراض وسألتني عن فحص الحمل قلت لها توني من شوي عطيت العينة حق اخصائية المختبر ، قامت واخدتني للمختبر وكانت النتيجة جاهزة واتفاجأت ان النتيجة possitive :eek2::sad:
طبعا وقتها زوجي اللي كان معاي فرح وااااااااااايد لكن انا كنت مصدومة ومو مستانسة ، ولما دروا البيت والاهل كلهم قالوا يعني الوحام ابتدا من ليلة الحفلة وانتي خبر خير .. وكنت وقتها توني عارفة ان الم الراس اللي كان معاي هو بسبب الوحام ههههههههههههههههه .
بعدين عاد ابتدا الوحام العدددل اللي استمر معاي لمنتصف الشهر الخامس تقريبا .. اما لوعة الصبح فتمت معاي الى الولادة .. يعني طول فترة الحمل كنت كلما اقعد من النوم الصبح احس بلوعة .

وانتوا .. ؟؟؟؟؟؟؟؟؟