شو بتسوين لو اكتشفتي ان ريلج يشرب؟

بصراحه صعبه مره انا انصحها قبل لاتتزوجه لازم تضمن انه مايرجع يشرب وتتأكد زين وتكون حذره

واذا هي شكت انه بيخربها بعد الزواج ويرجع يشرب خليها تنفصل صدقيني الطيبه مو دليل يعني الحرامي اذا سرق نقول اعفوه عن الحكم لأن قلبه طيب ؟؟ !! على كذا الدنيااااااااا خربت وراحت فيها

ياما قلوب طيبه يطلعها منها اشكل من كذا وطيبتهم ماتنفعهم بذاك الوقت صدق يكونون كويسين لكن الضعف يسيطر عليهم

طيب ليه مايكون طيب ومايشرب :) وتوافق عليه واهي مغمضه

عمر الطيبه ماتغطي على غلطات مثل كذا خليها تتأكد اذا مب راجع يشرب وتستخير والخيار بعد كذا لها

وموفقه

بصراحه اختي لااا والف لاااااااااااااااا
حذريها من انها تبقى مع هالانسان لانه بيكوون مصدر عذاااب وهم لها
اختي خليها تنفصل الحين بأول الطريج احسن لها واسلم
اغلب الشباب اللي من هالنوع لو بغوا يتغيروون ما يقدرون ويرجعون لنفس الدرب من اول ويديد غصبن عنهم هم تعودا على الشي هذا والا ليش ما فكر يبتعد من قبل العقد مب المفروض يبتعد بما انه مقبل على حياه يديده اذا ما كان يبغي يظلم بنت الناس او على الاقل يحاول ..
انا مابغي ادمر العلاقه بينهم او اخرب عليهم بس صدقيني كلمة يشرب هاااي فضيييعه مش معصيه صغيره لازم الواحد يسكت عنها على امل انها تتغير وتغيرها يكون شي الله وحده اعلم به .. الرسول صلى الله عليه وسلم قال في حديثه من ترضون دينه وخلقه مش طيبه واسكتوا عن الباقي .. لا تنسين ان الشرب يلهي عن العباده وااايد ويؤدي لاشيا اخطر واخطر ..
انا لو مكانها انفصل على طول وانتظر اللي فيه خير لي ومثل ما انا طيبه اريد واحد طيب شراتي مثل ما قالت اختي فوق ليش مايكون طيب ومايشرب وتوافق عليه واهي مغمضه

وقبل اي قرار بتاخذه خليها تصلي استخاره لان الخيره فيما اراده الله والله يحفظها ويحميها من كل شر امين

الله يعينها خليها تفكر شوي قبل لا تكبر المشكلة بعد الزواج..............

السلام عليكم و رحمة الله و بركاته

نصيحه خليها قبل تتأكد إنه يودر هالمشروب المدمر

وحده من الأهل قمة في الأخلاق إبتلت بواحد يشرب و قال ووعد إنه بيترك بعد الزواج و لكنه زاد في الشرب و هي عايشه في عذاب بين شكه و بين سكره و حتى إنه ساعات يضيع و لا يدل درب البيت على كثر ما هو شارب و فاقد وعيه

خليها إتدخل أحد من أهلها في الموضوع هذا زواج مب لعبه و حياه

السلام عليكم ورحمة الله وبركاته

و الله أختي هذه مشكلة كبيرة جدا...

فكرة إنه تجرأ على محرمات الله و شرب خمرة...هذه مصيبة...

الموضوع ما صار سهل...و لازم تستشير أحد من إخوانها...يرجعوا يسألوا عنه كويس...

و بصراحة لو أنا مكانها...بتردد ألف مرة إني أكمل معاه...

الله يوفقها إن شاء الله...

على طول لالالالالالالالالالالالالالالالالالالالالالالالالالالالالالالالالالالالالالالالالالالالالالاوالف لالالالالالالالالالالالالالالالالالالالالالالالالالالالالالالالالالالالالالا

مافي البلد الا ها الولد الله يعوضها اخير منه وبكل بجاحه يعترف ويقول يشرب والشرب هذاوشهوا ماهوكبيره من الكبائر

صدقينى اختى هو قالها يبغى بعدين لمى يتزوجون يقول انتى عارفه قبل الزواج كان با امكانك ترفضين تحملى ؟؟؟؟؟


الله يعوضها خير منه واطيب واصلح واذا هى مصره عليه مابيدنا الاندعى لها ربي يصلح حاله


الله يوفقها في كل درب تمشي فيه تقبلى مع دعواتى احلى تحيه لك ولصديقتك

انا رايي تتركه

لانه راح يقولها عقب الزوج انتي اخذتيني وانتي عارفة اني اشرب

لا تجين الحين تبيني اتركه

واي وحدة درت عن ريلها انه يشرب بدون ما يدري انها هي عرفت

لا تقول له

لانه لو عرف انها درت
بيرتاح
وبيشرب جدامها يعني مستحيل يترك


هذا رايي يحتمل الصواب او الخطأ

تحياي لله ثم للجميع

لو انا مكانها بتركه

حتى لو اكتشفت بعد الزواج انه يشرب بتركه لانه غشني و خدعني و لم يعترف لي

الخمر هي ام الكبائر و الي يشربها يسوي اي شي

اصلا لازم يكتبون بالعقد انه لو شرب مرة ثانية تعتبر طالق

حرام تتزوجه و تجيب اطفال منه و ينظلمون

اختي الي الزوج الي يشرب اليوم باجر بيضرب مرته وعيالي والي يشرب اربع مرات بعدين بيشرب خمس وست وما بتننتهي مشاكله وان شرب يعني ما بصلي وهاي مشكله ثانية.

اختي حرااااااااااااااااااااام اللي يشرب ماتضمنين منه شي ممكن يسوي ايش شي لانه فااااااااااااقد عقله وقتها

دام انها ماتزوجت خليها تتركه ممكن يتأثر ويترك هالسم

خليهاااااااااااا بالاول تنصحه وتهديه واذا مانفع لاتتزوجه ماتدري يمكن يدمر حياتها مستقبلا لاسمح الله

واااااااااااااااااالله يهديه انشااااااااااااااالله

اختي حرااااااااااااااااااااام اللي يشرب ماتضمنين منه شي ممكن يسوي اي شي لانه فااااااااااااقد عقله وقتها

دام انها ماتزوجت خليها تتركه ممكن يتأثر ويترك هالسم

خليهاااااااااااا بالاول تنصحه وتهديه واذا مانفع لاتتزوجه ماتدري يمكن يدمر حياتها مستقبلا لاسمح الله

واااااااااااااااااالله يهديه انشااااااااااااااالله

كحول


لالالالالا كلش صعبة

طيب على روحة بس الرجال لين شرب ويسكر يصير وحش وكل شي عنده مباح

لازم تفكر في بكرة وتبعد عنها العواطف

لالا لالا والف لا
تتركه اليوم قبل بكره
انا اعرف وحده ..........اكتشفت انه زوجها بيشرب في ليله الدخله
ما كملت معه الشهر
لانه كان لما يسكر ما يدري شو بيعمل فيها
وتغلبت معه كثير
اهلها وهي ما رضيوا على بنتهم هذا الوضع ...........
فطلقوها منه
صاحبتك لسى في البر
بلا من هذه المشاكل كلها

[grade="00008B FF6347 008000 4B0082"]الله يعينها والله .. حبيبتي قبل لاا تتخذ قرارها لاازم ترمس احد من اهلها وخلهم يشوفون له حل قبل لاا تبدا حياتها وياه وتبدى سلسله عذاب الشرب اللي كثيييييييير يعانون منها ... [/grade]

السلام عليكم ورحمة الله وبركاته

من واقع تجربتي وياليت تستفيدي من نصائحي... أنا تزوجت ورلي يشرب نادراً ما يضايقني لما يكون شارب حاولت معه الكثير عشان يترك الشرب وما فلحت على العكس كان لما يكون شارب يكون أكثر طيبة معي المهم تضاربت معه وزعلت ولكم دون فائدة كأنه يقول خليني أشرب وتكوني سعيدة معي ... المهم كنت أنصحه بإستمرار بالطيب والطيب هو يسمعني بس ما ينفذ شي من كلامي ... وقلت طالما هو مصر يواصل كيفه...

عشان يستحي من نفسه والله العظيم يرجع البيت وهو شارب ما يحصل مني غير الكلمة الطيبة وفراشه مرتب وريحة العطر وملابسي أحسن شياكة وأحلى ريحة ( بس عشان يستحي من نفسه) وكنت دايماً أقوله من لي غيرك فهالدنيا... فهالحالة أتفادى عصبيته إذا كان معصب ونفس الوقت يمكن يستحي على نفسه... فالعشا أتعشا وأسولف وأضحك معه وأنام جنبه .... وهو ملاحظ هالشي وفعلاً يستحي وأحياناً يطلع ويرد بعد شوي ويقول أشتقت لك وأحياناً لما يكون طالع عشان يشرب يتصل بي وما أحاول أضايقه كل اللي أقوله أنتبه لنفسك وربي يحفظك... مهما سويتي ما بتقدر فالنهاية الزف والمشاكل ما تنحل غير بالهدوء وهذا أنا ... فالنهاية بديت أحس أنه يفكر في وخصوصاً بعد أول طفله عندنا ... الله سبحانه وتعالى إبتلاني بأن بنتي الوحيدة عنده الربو مما يضطرنا إلى علاجها في مستشفيات خاصة هو متعلق بها وايد وأستغل فرصة مرضها وأقوله بكل حب الله لا يحرمنا منك شفت ياروحي كيف نفعتنا هالفلوس بدل ما تصرفها فالشرب ... وهكذا أنا معه
إلى ألأن أستفدت شي أعتبره كبير جداً فحياتي ... أنه قلل من الشراب ... هذي خطوة حلوة وعظيمة... واقولك من صبر نال ... مع دعائك له بالهداية


أم بلقيس

لو مكانها برفض على طوووووووووووووووووووووووووووووووووووووووووووووووووول
و بدون كلام

السلام عليكم ورحمه الله وبركاته
الأول ابي اعلق على كلام الاخت Bear<<<<< احتمال تكون حالتك استثنائية ,,, وبعدين اهي ما تدري شنو بيكون وضعه لمه يكون يشرب .. يعني معاها ...وبعدين صبرك معاه ممكن الله يأجرك عليك .. بس لا تنسي ان رب العالمين غاضب عليه وعلى زوجك إلى ان زوجك يهتدي ويتوب ...... وبالنسبه لها ليش تدخل معاه دام هي بنت وعذراء .... انتي تزوجيته ,, وعندكم طفل واذا بتحملين بتحملين عشان الطفل ..هي بشو ملزومه الطيبه موجوده في ريايل وايد ويعرفون ربهم عدل .. انا ما احب احرض على الطلاق ... بس المواضيع هذي حساسه وكبيره ... والمفروض تفكر فيها ولو اهلها كانو يدرون ... كانو ما بيرظون فكيف هي ترضا ,,, هذا شي والشي الثاني هو يعتبر غاش لأن ما اعترف ان يشرب وقت القرآن يعني الملكة ويعتبر وخداع ,, وغش....
الي في هالحاله عمره ما يعتدل وحطي في بالج لو عيالج شافو ابوهم يشرب يعني عادي هم بالمستقبل يصيرون مثله ,,, وحتى الاخت .. BEAR لا تستبعدي يطلع ولدج مثله ........ الله يهدي سر الجميع ...

وانا اشور ان تنفصل احس ...... وانا لو زوجي يشرب الحين وانا حامل اطلقه ولا افتكر ... لأن بيكون خدعني ... وغشني وثاني شي ما اظن ولا واحد بالمليون بيعتدل...

تحياتي

يقول المثل بو طبيع ما يوز عن طبعه

و اللي ذيله عوي عمره ما يعتدل

هذاو القرار الاخير يرجع لربيعتج طبعا اذا هي كانت تفكر بعقل و لا بقلب

لا حول ولا قوه الا بالله ... الله يصلحه ويهديه