طلب...

انا عندي اقتراح لكي وهو اشتري دولا ب وخصصيه للملابس الداخلية وعلاقيه بالمعالق مثل ما تشوفينه في المحلات وعند الاثرياء ليش تطبيقنه وجزء من الدولاب ضعي الشنط فيه اوحتى كرتون ينابع للاغراض من المحلات التجارية للشنط ووضعه اعلى الدولاب بس ولك الشكر

انا حاطه الشنط في سده ومرتبتنهن فوق بعض والحمدلله ما ينكمشن ولا شي
والملابس الداخليه بعد حاطتنها كلها في سده وهالاشيا صغيره احس ما تقدرين ترتبينها وايد يعني انا بعد جذا فارتنها في سده ثانيه بس كل الاشيا المتشابهه عند بعضها وجذا

صح الملابس الداخلية صغيرة ماتترتب خليها بدرج

والشنط كذلك انا احطهم فوق بعض

بس يمكن انتي الشنط كثيرة عندك والمكان ضيق فعشان جذي يختربون

انتي شوف اللي ماتستخدمينها اول قديمة ارميها او حطيها بمكان ثاني او خصصي درج لها

شوفي اختي الشنط اهم شي تحطين فيهم ورق خاصة اللي جلدهم خفيف عشان ما يخترب شكلهم ( جربي ورق ابيض عادي ) عبي الشنطة ورق وحطيها في ال dust bag اللي تبعها او بدون وخليهم في الدولاب ولمن تحبي تستخدميها بتشوفي ان شكلها ما تغير بسبب الضغط من اشياء ثانية في الدولاب

انا شنطي الغالية اسوي لهم نفس الطريقة والشنط العادية ارتبها في الدولاب آخر درج فوق بعض خاصة لو كانت قماش مايصير فيها شي بس الجلد اعلقها او اخليها بكيسها الخاص

اما الملابس الداخلية احفظها في الادراج اسهل من الدولاب لاني لو حطيتهم كلهم فوق بعض وانا عندي ملايين منها اكيد بتطيح كل مرة اطلع لي طقم الادراج اسهل وارتب لي .. كل درج مخصص لشي

مشكورين خواتي واكييد بجرب اللي قلتوه وخاصه اني احط الملابس الداخلية في الدرج احس بتكوون ارتب بوايد من الدولاب....

ومشكورين مرة ثانيه

يبيعون تقسيمات للدرج في راجون مول للملابس الداخليه

يعني تحطين كل قطعه في مربع .. ويكون شكلهم وايد مرتب


اما الشنط انا روحي اعاني وياهم

عندي سده كبيره في السرير وحطيت كل الشنط داخل

اتمنى افادوك البنات حبيبتي..

ممكن الشنط تسوين لهم دولاب بدرفه وحده وتسوينه رفوف وتوزعين الشنط داخلها بتصير كذا ارتب واسهل تلاقينهم..

وبالنسبه للملابس الداخليه.. ممكن توزعين السنتيانات بدرج والبانتيات بدرج..

او

ممكن تجيبين الفواصل تنباع بإيكيا وتحطين كل طقم بفتحه ولا تنسين تحطين شي معطر عشان ريحتها تجلس معطره

ألف شكر لكم خواتي على مروركم الكريم..


بس بغيت اسألج اختي بيزنس غيرل وين هذا راجون مول؟؟