بنات أنا قلقلة على الجنين

السلام عليكم ...

ما أعرف من وين أبدى صراحة الدكتوره صدمتني صدمه قويه..

أنا اكتشفت اني حامل تقريبا قبل اسبوعين وشوي..

لما رحت لها قالت لي فيه كيس بس صغير جدا تعالي بعد اسبوعين..

أمس سرت لها وقلت لها أنا ما أحس أني حامل ولا اتحسس من الروايح ولا فيني لوعه ولا اتوحم ولا احس بآلام الدوره ..

قالت كلامج خوفني.. جان أتوتر أنا قلت أكيد فيه شي..

المهم المفروض أكون انا بالاسبوع السابع يعني المفروض أسمع دقات القلب..

سوت لي تلفزيون وانصدمت صدمه يا بنات شفت كيس اشكبره والجنين صغيييييير جداااااااااا بالكاد يرى.. يعني ريلي ما شافه ... قال هذا حمل كاذب ... قالت له الدكتوره لاء فيه جنين بس الظاهر انه ما ينقسم أوكي ... يعني انقسامه بطيء ..

المهم قالت لي بسوي لج تحليل الدم وبشوف نسبة الهرمون واهو الي بيحدد انقسام الجنين اوكي ولا لاء...

بعد ساعتين من أخذ التحليل سويت لها تلفون قالت لي التحليل اوكي ولا تقلقين وانتي الحين بالشهر الثاني..

طيب كيف بالشهر الثاني والجنين واااااااايد صغير يعني يابنات اهو ماخذ 20 % من حجم الكيس..

المهم وصفت لي دوفستون لتثبيت الجنين ما أدري ليش واهي مش متأكده من صحته...

يوم ولدي محمد صراحه فرق بالصوره ... الصوره الي شفتها أمس عباره عن دايره الراس يعني والجسم كان خط والله كان فقط عباره عن خط..

وبعد قالت للي افطمي ولدج حاااالا...

والله حمود غامضني... امساعه كنت ارضعه جان ياخذه عني ابوه وقعد ايصيح ..

كيف افطمه وانا مش متأكده من الي بطني صاحي ولا لاء؟؟؟؟؟؟