للسعوديات ومن لها تجربة

أختي الغالية بوران حياك الله والله يكون في عونك

صراحة لا أجد فرق بين يمني وسعودي وكلهم عرب وقبل ذلك مسلمين

وإذا كان ذو خلق ودين وسمعة طيبة وثقافة وفهم للمرأة واحترام لها ويعرف قدرها فلتستخير الله تعالى ولتتوكل عليه وخاصة إذا كان هنالك توافق والله يسعدها ويزوجها برجل صالح آآآآمين


ولا أعتقد أن الفرق شاسع وهذه الفروقات للأسف خلقها العرب أنفسهم وهم الذين يسعون لخلق هذه الحواجز العنصرية فيقولون هذا مصري وهذا يمني وهذا إماراتي وهذا الخ

المهم التقوى والعمل الصالح ويكون معه التوافق الاجتماعي والثقافي والاقتصادي


والله يزوجها ونسمع عن قريب زواجها

آسفة أختي تذكرت أن الموضوع للسعوديات فقط أنا إماراتية ولكن كوني كخليجية هنالك العديد من الحواجز والتي خلقها المجتمع الخليجي للزواج من العرب الغير خليجيين وللأسف الشديد

ولكن يمكنني أن أعطيك تجربة اخت متدينة وهي اماراتية ووصل بها العمر ل 37 وما جاءها النصيب من ولد البلاد تقدم لها رجل متدين وما شاء الله حافظ لكتاب الله تعالى وداعية كبير ومجاز بروايات في القراءات العشر وعنده دروس في المانيا ومحاضرات ومؤلفات ومصلح اسري وراقي شرعي ولكنه متزوج فتزوجته الاخت ولله الحمد وقد زرتها في بيتها وهي سعيدة وعندها الآن طفلين واطفالها الصغار ممن يحفظون القرآن سبحان الله اللي عوضها عن صبر هالسنين كلها برجل صالح محب لزوجته واطفاله واسرته ولكنه غير اماراتي ولا يعلم احد اين نصيبه


اتمنى ان اكون افدتك بشيء وفقك الله لكل خير

الغاليه بوران صح انا مني سعوديه لكن عشت عمر كبير فيها واعتبرها بلدي التانيه حبيت اوريك رايي بس من قبل معرفتي بالشعب السعودي الكريم بصراحه اختي لا انصحها بالموافقه لان عارفه انتي كيف العادات في المملكه يعني اغلب الناس لايقبلوا بالزواج من خارج القبيله فما بالك يكون غير سعودي طبعا اليمن شعب عريق ايضا وهم اصل العرب لكن العادات تغلب احيانا
الا ان تكون اسرتها من النوع المتفتح اكثر وعادي عندهم وعموما من كلامك حسيت انها ما تحبه او شي احسن تاخد واحد من بلدها اما لو كانو يحبوا بعض فالموضوع يختلفوطبعا يجب المراعاه لعمرها ايضا مع اني لا احب ذلك لكن معروف الفتاة فوق ال30 فرص الزواج بتكون عندها اقل وارجو ان يفيدك رايي

شوفى حبيبتى كلنا مسلمين وهذا اهم شي
والوحده اذا جاها خطيب من غير جنسيتها اول شي لازم تعرف ايش الاسباب الى خلته يختارها هي بالذات
واذا عرفت حسن نيته والله ليش لا اذا كان على خلق ودين ويقدر يفتح بيت انا سمعت فى السعوديه بنات كتير
متزوجين من غير السعوديين ومبسوطين
بس احيانا البنت يكون صعب عليها انها تتقبل هذا الوضع من الناحيه الاجتماعيه
يعنى تكون هي من عيله راقيه وشيك والعريس واهل العريس يكونو ناس بدائيين مع انه حالهم المادى تمام
يعنى اذا الرجال مافيه عيب ومقتدر واهله مناسبينها لان الاهل لهم دور كبير وهي خايفه انه يروح عليها قطار الزواج تستخير الله واذا الله اختاره بالمبارك
بس صراحة اذا البنت صغيره وقدامها الحياة ليش ماتصبر شويه وكل تاخيره وفيها خيره

والله قال ...وجعلناكم شعوبا وقبائل لتعارفو... وكمل الايه وقال ان اكرمكم عند الله اتقاكم
وكلمة اتقاكم احط تحتها ثلاثة خطوط

اهلين خواتي نور الموضوع بطلتكم

أنا نسيت ما أوضح لكم انو هية سعودية من أصل يمني وعمرها 22 سنة

ومشكورين

أختي بوران إذا هي من أصل يمني هذا يعزز أكثر العلاقة بين العائلتين يعني الفرق فقط جنسية وجواز لكن أصولها يمنية ويمكن هنالك معرفة بين العوائل والقبائل في اليمن

أختي الغالية إذا كان هنالك تكافؤ في جميع المستويات وتطنت الأخت بعد الإستخارة وعلموا أن الشاب ذو خلق ودين فلتتوكل الفتاة
ويمكن معرفة اسم قبيلة الشاب والسؤال عنه والتحري عنه أكثر لمعرفة سلوكه واخلاقه

والله يتمم كل الامور على خير

بصراحه رايي ان لازم نتبع قول الرسول اللي هو من اتى ورضيتو خلقه ودينه فزوجوه ولاتكن فتنه با لارض

انا اختي قبل كم يووم انخطبت من سعودي امه00000000 فا اهليرفضوا بصراحه اختي زعلت لانها كانت موافقه

مع خالص حبي

انا رأيي اذا كانت هي من اصل يمني وهو على خلق ودين اولا الاستخاره طبعا وانا اعرف كثير ناس يمنيين وخاصة (الحضارم ) زي العسل ومافي اطيب ولا احلى منهم انا انصحها بعد الاستخاره انها توافق عليه لانه ما بصير شي الا المكتوب اذا كان هو نصيبها رح تاخذه واذا كان على عيالها بعدين انا اعرف ان الاولاد لما يكبروا يصيروا سعوديين ويأخذوا الجنسية من الأم يعني ايش تبغي احسن من كذا (اعقلها وتوكل)

آنا عن نفسي ما عندي تعليق لأن الموضوع راجع للعادات والتقاليد وإذا أهلها وإهي راضين عن هذي الزيجة احنا ماراح نفيدج بشي غير الاستخارة....

حبيبتي خليها تستخير احسن لها وما عليها من كلام الناس لانه لاا يودي ولاا ييب !!!!!!!!

أهلين حبيباتي

مشكورين عالرودود والله يجزاكم خير

وانا بقلها على آرائكم والله بيقدم اللي فيه خير

عزيزتي
بمااني سعوديه راح ادلي بدلوي
من وجهة نظري اذا الوضع عندهم بالعايله عادي تتزوج غير سعودي فانا مااشوف فيه مشكله اذا اخذت واحد بعد السؤال يكون يمتلك كل الصفات الرمغوبه
لكن اذا كان الوضع صعب
فانا سعوديه واعرف الوضع كويس
فيه فروق بين القبايل والعوائل لماالواحد يتزوج فكيف ببلد ثاني
وهذا عرفاو
وليس شرعا

أذا هم من نفس الأصل

خلاص تتوكل على الله تصلي استخارة

انا مااشوف فيها شئ..

بنت خالتي تزوجت من شهرين من شاب يمني وهي سعودية.. وهو شاب طيب وعلى خلق ودين ..ليش تتردد طالما هي مقتنعة فيه؟؟

وبعدين عندنا بالسعودية الاطفال يأخذون جنسية امهم اذا كان هالموضوع يقلقها...

وهي ماتدري الخير وين يكون .. المهم تستخير ربها .. والله كثير بنات مو لاقين احد يتزوجهم فما بالك بشاب فيه هالصفات؟؟؟

ماشوف ان في مشكلة وحده بتتزوج واحد من بلدها الاصلي
سعوديه من اصل يمني بتتزوج يمني ولد بلدها ايش المشكله !!!
في بعض السعوديات الاصل يتزوجون يمنين وامريكان وغيرهم سعيدات يعني نوبربلم :cool:
:salam:

مشكورين عالرودود

انا رايي عادي انها تتزوجه....دام ان اصولها يمنيه

انا توقعت ان اصولها سعوديه.......... في هالحاله رح يختلف رأيي

لاني رح اتكلم عن الواقع والمنطق وما رح اكون مثاليه

عالعموم تستخير وانشالله ان الله يوفقها دام انه شخص ما فيه الا كل خير.........

تحياتي.........