شك -------------- وغيره

هيه والله... لو في طريقه بلييييييييييييييز انقذوني :(
ذابحتني الغيره و الشك مطلعلي قرون :( بس ما اروم اوقف نفسي و بعدين اسوي او اقول اشياء اندم عليها بس
بعد ما يفوت الفوت, ما ينفع الصوت

الله يعينا يا بنات مع الشك والغيره والله بصراحه تعب نفسي وذهني بعد..

المشكله انهم هم يخلونا نشك فيهم يعني لازم الحل من عندهم

صح هم يعطون الأسباب في أغلب الأوقات, لكن اعتقد هي تعتقد ع طريقة فهمنا للموضوع... مادري, انا روحي اعاني, ماعرف شو اسوي :(

الشك مشكلة كبيرة عند البنات, و في بنات يشكون بسبب او من غير سبب, ما اعتقد انه فيه حل للشك حيث انه في بغض الحالات يكون مرضي و يحتاج الى طبيب نفسي, بس انشاله ولا وحدة منكم تعاني من هذا المرض, بس بغيت اعرف شنو الريال يسوي عشان تشكون فيه؟؟؟؟ اهو شي كبير و لا اشياء ضغيرة؟؟؟؟؟
ممكن الشك الوايد يبعد الريال عنكم, الريال يحب ان المرة تثق فيه و اذا انعدمت الثقة ممكن ينهدم بيتكم. شنو العلاقة الزوجية بدون ثقة؟؟؟؟ ولا شي!!!!!!!!!!!!!

اعتقد ان التقرب من الله اكثر هو الحل الوحيد لان النفوس بيد الله وهو الوحيد اللي قادر يمشيها على ما يريد
والدعاء له اثر كبير في طرد الوساوس هاذي واستقرار النفس

هلا وغلا

بالفعل الشك والغيرة مرض يدمر البيوت ويشتت الأحبة

قبل اللجوء للطبيب النفسي ..عزمي انك تعالجين نفسك بنفسك.بالتقرب إلى رب العالمين ودائما خلي الإستغفار على لسانك

ثم تأكدي من حكمة بالحياة (( لو جريت جري الوحوش غير رزقك ما تحوش )) اي بمعنى لو هذا الزوج مش نصيبك ومكتوب لك وله ان تدخل بينكم وحدة اخرى والله لو ايش عملتي ماراح تقدرين على شي.

وإذا الرجال بيخون او بيلعب بذيلة انتي ما تقدرين على شي.

فليش تدمرين بيتك ونفسيتك وتحطمين كل لحظة حلوة بمجرد الشك.... خليها على الله واستمتعي معاه وعيشي ايامك

ولو رجعنا للصراحة مافي رجل خالي ولو نبشتي في اي شي خاص به راح تلقين مالا يسرك
دائما توكلي على الله........لأنه الأرزاق بيدة

ما شاء الله الكل يعاني من هالشي ........ الله يعافي الجميع


اصدجون اني ما كنت كذا بس بعد ما تزوجت صرت كذا ما ادري ليش ...... يمكن مثل ما قالت اختي cute2000 انهم هم يدفعون بعض الاحيان الى الشك .... وانا بصراحة ما احب اكون بهذا الشخصية انسانه شكاكه وغيوره لاني احس ان بشكي ادفعه بعض الأحيان الى امور ما كان يسويها مسكين ،، وعطيته فكره عني بأني ما عندي ثقه في نفسي ،، غير أن فيها خساره لي وسوء ظن بالطرف الآخر والسبب قلة عقل مني ......
احس احيانا اني احس واكون عاقله بس بعد فتره قصيره ارجع الى ما كنت عليه من قلة عقل وشك في اتفه شي يسويه........

وجالسه احاول بشتى الطرق اني اتخلص من هذي الحالة ......

طيب هل هي كما يقولون ان الّي يشك ويغير لست لديه ثقه في نفسه او يعاني من نقص معين بداخله؟؟؟

ادعو لي بقدرة السيطره على نفسي......


ب

انا اكبر شكاكة في العالم

ايش اسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اللي واثقة من نفسها ومن قوة علاقتها بشريك حياتها ليش تشك !!
يعني اذا الرجال ماشي عدل وياها وعارف ربه ليش افتح على نفسي باب وأنغص حياتي بشك ماله داعي

انا اعتقد ان اللي تشك مارة بتجربة مشابهة مع احد من اهلها مثلا امها وابوها او ابوها متزوج مرة ثانية او يخون

هذي بنقول تعقدت ... بس ليش الوحدة اللي ما عندها مبرر للشك تخرب حياتها بيدها ؟؟
الرجال يتحمل مرة مرتين سنة سنتين بس بعدين يطفش ... اما انه يصير فعلا يخون لانها ماراح تفرق معاه بما ان الزوجة تشك فيه وتعطيه دافع للغلط
او انه يوصل معاها لطريق مسدود

تعوذوا من ابليس واستشيروا اخصائي نفسي او تكلموا مع شخص تثقون فيه للنصيحة

اللي شايفة شي يسبب الغيرة والشك من حقها بس اللي مو شايفة شي ليش تفتح حق نفسها بيبان مسكرة واللي تعطي حق نفسها الثقة راح تبعد الشك عنها

ونصيحتي لا تغارين غيرة ميانين ولا تشكين شكوك تهدم البيت ترى محد راح يخسر غيرج ودايما سوي روحج ما تشوفين ولا تسمعين عشان ما تكبرين

بسرعة من الهم والغم وإذا فكرتي تشكين بأي شي اشتغلي استغفار راح تلهين وتنسين على طول وصفة مجربة.......:up::up::up:

أنا نفس الشي...مرات لما أشك فيه أقوله هذا رقم منو او حق منو مطرش هالمسج.....يعصب وما يخليني أشوف موبايله.....وتصير مشكله...واتندم.....بس تعلمت أنه إذا شكيت فيه ما اروح أصارحه لأنه الريال ما يحب أبدا ان الحرمه تشك فيه ومو واثقه فيه....فشو الحل....
أنا لما أشك فيه:::::
أستغفر الله واااايد ...
وبعدين أتذكر كل شي حلو سوالي إياه.....
ألهي نفسي واهتم في عمري أكثر وأقول أنا في شنو مقصره وأقعد أفكر....
أدور العيب مني مو منه ...وأروح أشتري لبس جديد دايما.....وأتزين أكثر...
ولما يرجع ما انتفخ وأكون متعصبه...لا بالعكس أطير عنده وأزيد من حبي له أضعااااف وأضعااااف...
وبينيله العكس أنج واثقه فيه 100%....

تعرفين أن الريال لما يكذب عليج في شي انتي شكيتيه فيه..هذا يبين أنه يحبج ويخاف ايقولج الصدق....يعني يخاف على مشاعرج
طنشي كل اللي شكيتيه فيه...وحطي في بالج أنج لازم تنسينه اياها بطريقه غير مباشره اللي هي زياده وزيادة حبج له
وأدعي في السجود " الله اجعل زوجي حبيبا حليما هينا لينا كريما معي اللهم أجعله عونا لي على طاعتك واجعله عونا لي على طاعتك، اللهم يا مؤلف القلوب ألف بين قلبي وقلب زوجي ربي سخره لي"

وقبل ما ينام بوسيه وقوليله "احبك "

وان شاء الله أكون ساعدتج