روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 9 من 9

الموضوع: بنات البحرين بسرعة بسرعة بسرعة

  1. #1
    عروس نشيطة الصورة الرمزية سكر حبيبي
    تاريخ التسجيل
    24/05/2004
    الدولة
    الامارات
    المشاركات
    182

    بنات البحرين بسرعة بسرعة بسرعة

    [grade="FF4500 4B0082 0000FF 000000 F4A460"]السلام عليكم ورحمة الله وبركاته

    بنات البحرين يا هلا فيكم... انشاء الله الاسبوع الياي لنا زيارة انا وزوجي الى البحرين وابا فاقرب وقت معلومات قبل الاربعاء .. 8/3/2006 ابغي اعرف:

    كم يعادل الدينار البحريني = الدرهم الاماراتي؟
    وفتح الخط؟
    وشو اجمل الاماكن اللي ممكن نستمتع فيها..؟
    والفنادق اللي ممكن نرتاح فيها وطبعا ما تكون نار في الغلا.... يعني نبا شي معقول ومرتب...؟
    واذا فيه اماكن رومنسية نقدر نتمشى فيها ...؟
    والمحلات الرخيصة و الشعبية و السناتر اللي ممكن نتجول فيها ؟؟
    يعني معلومات بالتفصيل عن بلادكم....

    بس لا تتاخرون علي ..............

    السموحة لانه هالمكان يشكل اكبر تعداد سكاني في المنتدى ولاني مستعيلة نقلته هنيه(r) سورييييييييييي
    [/grade]

  2. #2
    عروس برونزية الصورة الرمزية طفوف
    تاريخ التسجيل
    29/03/2003
    الدولة
    البحرين دار الزين
    المشاركات
    1,533
    هلا فيج أختي
    الدينار البحريني يعادل 10 دراهم أو أقل بجم فلس
    فتح الخط 00973
    و باقي الأسئلة إن شاء الله البنوتات يفيدونج

  3. #3
    عروس ماسية الصورة الرمزية الفرس
    تاريخ التسجيل
    19/08/2003
    الدولة
    البحرين
    المشاركات
    21,431

    وعليكم السلام ورحمة الله وبركاته

    حياكم الله في ديرتكم غاليتي
    ويارب توصلون بالسلامة

    كم يعادل الدينار البحريني = الدرهم الاماراتي؟

    الدينار البحريني = 9.7456 درهم اماراتي (تقريبا)

    وفتح الخط؟

    00973

    وشو اجمل الاماكن اللي ممكن نستمتع فيها..؟

    بصراحة .. للكبار ما في أماكن تستانسون فيها غير الطلعات العادية لأن احنا نفسنا لين زهقنا ونبي نطلع ما نعرف وين نروح غير التمشي في المجمعات أو نروح البندر

    والفنادق اللي ممكن نرتاح فيها وطبعا ما تكون نار في الغلا.... يعني نبا شي معقول ومرتب...؟

    في شقق مفروشة في الجفير راقية وحلوة وجديدة بأسعار مناسبة ونفسهم في منطقة السيف الجديدة

    واذا فيه اماكن رومنسية نقدر نتمشى فيها ...؟

    ما عندنا أماكن رومانسية حبيبتي للتمشي عندنا كورنيش الملك فيصل وهذا كلش مو رومانسية :cool2: بس عندنا كوفي شوبات حلوة وراقية تقدرون تقضون الوقت فيها برومانسية وإلا تقضون ليلة أو ليلتين في منتجع الدانة (نوفوتيل) مكان يهبل أو منتجع البندر

    والمحلات الرخيصة و الشعبية و السناتر اللي ممكن نتجول فيها ؟؟

    سوق المنامة والمحرق والسوق الايراني في مدينة عيسى والسوق الشعبي بنفس المنطقة وسوق الرفاع
    مجمع السيف . مجمع العالي . مجمع البحرين . مجمع الدانة . مارينا مول . مجمع الرفاع

    انصح دايماً بالزوار لما يجون البحرين يروحون جزر حوار لأنها فعلاً مكان راقي وحلو

    عزيزتي شوفي هالرابط وإن شاء الله تستفيدين منه

    البحرين

    وحياكم الله مرة ثانية

  4. #4
    عروس ركن قضايا و حلول الصورة الرمزية umjana79
    تاريخ التسجيل
    23/07/2005
    الدولة
    البحرين
    المشاركات
    3,477
    اهلين اختي اما بالنسبه للأماكن للاسف مافي وايد

    عندج الاسواق الشعبيه سوق المحرق .. سوق بوابه البحرين .... سوق الحراج في مدينه عيسى بجانب رامز ... سوق المنامه الشعبي

    اما المجمعات .... عندك السيف البحرين ... الدانه ,,,, يتيم .. العالي .. طبعا كلهم اسعارهم مو رخيصه .... ..نفس الامارات .. بس في تخفيضات ..... السينمات ... في بمجمع السيف والدانه وسينما سار .. بس ما عتقد تعرفيها ..

    شنو بعد اي عندج شارع العدليه فيه محلات .. بس غاليه .....

    والبحرين تخلصينها في اسبوع اماكن سياحه والله خطاج السو ما عندنا غير كورنشين ... الملك فيصل والنادي البحري .. فقط ...... وحديقه عين عذار تحت الاصلاح .. والمائيه مادري كأنه ضافو لها لعبه ...... يعني البحرين تنفع حق تمشي ومطاعم بس ......
    بالنسبه للمطاعم جربي تروحين نينو الي حذا السيف أو مطعم كندلز وايد هادئ في العدلية .. او عندج ... البديع في مطعم اسمه سبانش كورت .. وفي كارلا ..... وكوفي شوبس عندنا كثيره ......

    بس هذي البحرين
    تحياتي وصلحو لي اذا غلطانه بشي

  5. #5
    عروس نشيطة الصورة الرمزية سكر حبيبي
    تاريخ التسجيل
    24/05/2004
    الدولة
    الامارات
    المشاركات
    182
    [grade="00008B FF6347 008000 4B0082"]الف شكر الغاليات.. ونحن بس نبا استجمام.. وعندي ياهل عمره بس 10 شهور... ونبا نغير من جو البيت.. وني عندكم البحرين...الا كيف الجو عندكم الحين ؟؟؟ حر والا برد؟؟؟؟
    ومشكورات واااااااااااااااااااااااا ااااايد
    [/grade]

  6. #6
    عروس رائعة الصورة الرمزية نجوم الليل
    تاريخ التسجيل
    23/04/2003
    الدولة
    الكرة الأرضية
    المشاركات
    1,288
    حياج الله الغالية بين أهلج وفي ديرتج الثانية

    الحين الجو صاير معتدل الى حار .........يعني الصبح زوين والظهر حر والليل يكون لطيف وقليل يصير بارد فمن الافضل انج ما تكثرين من ثياب الشتاء لكن اخذي معاج ثياب شتوية خفيفة للطفل الصغير لان ما يستحمل تقلبات الجو تكون لليل ولما تحمميه وثياب خفيفة للنهار

  7. #7
    عروس ماسية الصورة الرمزية الفرس
    تاريخ التسجيل
    19/08/2003
    الدولة
    البحرين
    المشاركات
    21,431


    الجو حلو يالغالية (معتدل)









  8. #8
    عروس نشيطة الصورة الرمزية سكر حبيبي
    تاريخ التسجيل
    24/05/2004
    الدولة
    الامارات
    المشاركات
    182
    [grade="00008B FF6347 008000 4B0082"]حبيباتي الغاليات بخصوص شقق الجفير ممكن تكتبولي او اطرشون لي رقمهم ؟؟ لاني خلاص نويت ايي البحرين .. بس بغيت تخبروني عن احسن الفنادق حسب خبراتكم؟ ورقم الشقق الفندقية اللي في منطقة الجفير[/grade]

  9. #9
    مشرفة سابقة الصورة الرمزية مجنونة قطر
    تاريخ التسجيل
    13/04/2005
    الدولة
    قطر-معيذر
    المشاركات
    1,982
    شقق اليت 5 وايد حلوين .... في منطقة الجفير ....

    رحتها من شهر واعجبتني وسعرها معقووول



    انا بصراحه تعجبني البحرين

    صج نخلصها في يومين
    بس روعه


    مادري ليش احب اسافر لها ؟! مع انها نفس قطر بالضبط ...!!
    مافيها الا مجمعات ...!!! بس بعد استانس اذا اروح لها ...

المواضيع المتشابهه

  1. اجمل اكسسوارات راح اتشوفوها بحياتكم ......فوتو بسرعة بسرعة
    بواسطة بنت القدس الشريف في المنتدى ركن الاكسسوارات
    مشاركات: 104
    آخر مشاركة: 17/08/2008, 07:49 PM
  2. بسرعة يا بنات الشام دخلوا بسرعة وردو
    بواسطة نورات في المنتدى المطبخ و المائدة
    مشاركات: 3
    آخر مشاركة: 05/09/2007, 02:52 PM
  3. بسرعة بسرعة بسرعة الله يوفق إلي يدخل ........
    بواسطة ماسه حساسه في المنتدى الهواتف النقالة
    مشاركات: 4
    آخر مشاركة: 07/12/2005, 07:48 PM
  4. بسرعة بسرعة تعالوا يا عرايس الجزء الثاني
    بواسطة poosy cat في المنتدى ركن العروس
    مشاركات: 49
    آخر مشاركة: 21/08/2005, 10:11 PM