أهلي تضايقوا لما درو اني حامل في بنت : (
ل
04-03-2006 | 01:07 PM
للأسف الشديد أعرف ناس أقرباء دايما يحسدون الوحده اذا جابت الولد ويخترعون ويتخيلون انه المرأه اللي تجيب الولد حق زوجها اهي اللي مستقره وسعيده بحياتها واللي تجيب البنت تكون تعيسه وما أسعدت زوجها وكأن الزواج ماينجح الا بانجاب الولد
يا جماعه شنو هالتخلف ؟؟
انا يوم حملت كانو اهلي يترقبون مني الولد وماانكر الوالده الله يحفظها تفضل الأولاد على البنات
ولما درت اني حامل في بنت انعفس وجهها وتغيرت ملامحها وقالت لنفسها " ايه خل يفرحون أعداءنا " انا انصدمت لما سمعت هالكلمه :sad:قلتلها "يمه ليش تقولين جذيه ؟" وهذا اول حمل لي وفرحانه فيه وشنو اللي يخلي الاعداء يشمتون اذا حملت في بنت شنو فيها البنت ؟؟ وقلتلها
أولا: الله سبحانه يقول في كتابه "يهب لمن يشاء إناثا ، ويهب لمن يشاء الذكور "
ثانيا : الرجل ( زوجي ) اهوا لمسؤول عن جنس المولود وانا دوري حاضنه في بطني
ثالثا : هذا اول حمل لي يعني هذي البنت بكري واذا ماجاه الولد اول واحد راح يجي ثاني واحد او ثالث واحد واذا ربج ماكتب لنه الولد مافيها شي احنه سعيدين باللي يرزقنه ربنه
رابعا : الأهم ان يكون اللي في بطني طفل كامل الخلقه سليم معافى والأهم من هذا كله يكون من الذريه الصالحه وبار او باره بوالدينها ، ياما ناس جابو الولد وطلع مو كامل الخلقه ومريض ويصير عاله على والديه وعلى المجتمع الله يكافينه وياكم وياما ناس جابو الولد وطلع عاق لوالديه وينساهم اذا كبر هذا اذا ماقطهم بدار العجزه
وياما ناس تمنو الحمل ويبكون على السجاده يتمنون ياهل يلعب جدامهم ويملي عليهم البيت ( بنت او ولد ) احسن من عدم الذريه
طولت عليكم بس شسوي اتكلم ابي اطلع اللي بقلبي للحين ماني قادره انسى كلمه والدتي
حاسه بقهر وخنقه على بنتي اللي في بطني وماشافت النور للحين :sad:
أ
04-03-2006 | 01:26 PM
هلا حبيبتي
اذكري الله ولاتديري بال لكلام أحد،،،البنت والولد نعمة من رب العالمين،،وأهم شي سلامتك وسلامة البيبي
وصدقيني اللي تشوف الحمل وتجرب تعب الحمل ماتتمنى من رب العالمين غير إن هالطفل اللي حاملتنه بداخلها يكون بصحة وعافية
والله في غيرنا بنات ونساء قلوبهم متقطعة على الإنجاب،،ومايهم بنت او ولد أهم شي الله ينعم علينا بالذرية الصالحة
الدنيا باللي فيها ماتسوى كلها لحظة السعادة اللي تحس فيها الوحدة وأهي حاملة ولدها ولا بنتها على ايدينها
لاتتضايقين ياعمري وأهم شي انك أنتي مقتنعة بهالكلام والناس لا يهموّك...ترى الناس مايعجبها شي
افرحي وانبسطي بالحمل واستمتعي بكل لحظة فيه والله يرزقك هالبنوتة بصحة وسلامة ويقومك لنا بالسلامة
اذكري الله ولاتديري بال لكلام أحد،،،البنت والولد نعمة من رب العالمين،،وأهم شي سلامتك وسلامة البيبي
وصدقيني اللي تشوف الحمل وتجرب تعب الحمل ماتتمنى من رب العالمين غير إن هالطفل اللي حاملتنه بداخلها يكون بصحة وعافية
والله في غيرنا بنات ونساء قلوبهم متقطعة على الإنجاب،،ومايهم بنت او ولد أهم شي الله ينعم علينا بالذرية الصالحة
الدنيا باللي فيها ماتسوى كلها لحظة السعادة اللي تحس فيها الوحدة وأهي حاملة ولدها ولا بنتها على ايدينها
لاتتضايقين ياعمري وأهم شي انك أنتي مقتنعة بهالكلام والناس لا يهموّك...ترى الناس مايعجبها شي
افرحي وانبسطي بالحمل واستمتعي بكل لحظة فيه والله يرزقك هالبنوتة بصحة وسلامة ويقومك لنا بالسلامة
A
04-03-2006 | 01:33 PM
الله يعينج أختي، وفعلا لك الحق أنك تزعلين (على كلام الوالدة طبعا مب على جنس البيبي)، سبحان الله لحد ألحين في ناس يفكرون بها العقلية رغم أن كل الكلام اللي قلتيه هم يعرفونه ومب محتاجين حد يعلمهم ياه، بس أنتي الله يهديج ماكان لازم تخبرينهم، أولا أحلى إذا كان مفاجأة، ثانيا مب دايما يكون كلام الدكاترة صح، ممكن يخطئون في تحديد جنس المولود.........
أنا الحمد لله أهلى عاااااادي عندهم، لو الوحدة تييب 10 بنات، بس أهل زوجي يموتون ع الأولاد، وهذي ترى غريزة في معظم الناس بس تتفاوت درجتها، المهم لما كنت حامل كانوا متولهييييين يعرفون شو جنس البيبي خصوصا أن ولدهم الأول عنده بنتين، بس أنا ما خبرت حد، حتى أنا عن نفسي ما كنت أعرف، لكن كانوادااايما يقولون لي أنتي بتيبين بنت، ولما ولدت يبت ولد، وتفااااااجؤا كأنها معجزة أن الوحدة تييب ولد...........
المهم أنتي لا تظايقيين نفسج ولا شي.......أكيد أمج انشاالله يوم تقومين بالسلامة وتشيل البنت في حظنها بتندم على الكلام اللي قالته، خصوصا لو كانت أول بيبي في عيلتكم...........
الله ييسر لج كل الخير
أنا الحمد لله أهلى عاااااادي عندهم، لو الوحدة تييب 10 بنات، بس أهل زوجي يموتون ع الأولاد، وهذي ترى غريزة في معظم الناس بس تتفاوت درجتها، المهم لما كنت حامل كانوا متولهييييين يعرفون شو جنس البيبي خصوصا أن ولدهم الأول عنده بنتين، بس أنا ما خبرت حد، حتى أنا عن نفسي ما كنت أعرف، لكن كانوادااايما يقولون لي أنتي بتيبين بنت، ولما ولدت يبت ولد، وتفااااااجؤا كأنها معجزة أن الوحدة تييب ولد...........
المهم أنتي لا تظايقيين نفسج ولا شي.......أكيد أمج انشاالله يوم تقومين بالسلامة وتشيل البنت في حظنها بتندم على الكلام اللي قالته، خصوصا لو كانت أول بيبي في عيلتكم...........
الله ييسر لج كل الخير
n
04-03-2006 | 01:42 PM
:eek2:حبيبتي ولاتشيلين هم اهم شي زوجك معاكي وراضي والباقي لايهموك انا امي كانت كذا جابتني انا واخواتي 5 بنات على بعض وكانت هي وابوي كله يحمدون ربهم لمن يتكلم احد ويقولو الحمد لله على نعمته الين ربي اعطاهم على نياتهم ورزقهم ب5 اولاد فوق بعض لان رب العالمين يحب العبد اللي مايعترض على عطاءه وانتي اختي احمدي ربك ليل نهار ناس تبي بس نص ولد مو بعد بنت ههههههههه:dd:
د
04-03-2006 | 01:48 PM
[grade="00008B FF1493 FF1493 00008B"]اولا: مبروووووك عليك الحمل
ثانيا: ماعليك منهم
ترى اكثر شي يزعل الام اذا ولدها بدا يطلع ويسهر وينشغل تحس انه البيت فندق لولدها تتمنى ساعه باليوم لو يجلس معاها
عكس البنت تكون معك طول الوقت وتونسك وتكون حنونه اكثر من الولد[/grade]
ثانيا: ماعليك منهم
ترى اكثر شي يزعل الام اذا ولدها بدا يطلع ويسهر وينشغل تحس انه البيت فندق لولدها تتمنى ساعه باليوم لو يجلس معاها
عكس البنت تكون معك طول الوقت وتونسك وتكون حنونه اكثر من الولد[/grade]
&
04-03-2006 | 01:58 PM
[grade="00008B FF6347 008000 4B0082"]لا حول ولا قوة الا بالله
الله يهدي كل الناس الي يفكروا بها الطريقة للحين
حبيبتي ما شاء الله عليك ناقشتي الموضوع من كل النواحي بعقلانية
ومن حقك تتضايقي على ها الكلام
بس احمدي ربك على رزقك والله يثبتلك حملك ويسهل عليك ولادتك ويرزقك بذرية صالحة يا رب
وادعيلنا الله يرزقنا بالذرية الصالحة[/grade]
الله يهدي كل الناس الي يفكروا بها الطريقة للحين
حبيبتي ما شاء الله عليك ناقشتي الموضوع من كل النواحي بعقلانية
ومن حقك تتضايقي على ها الكلام
بس احمدي ربك على رزقك والله يثبتلك حملك ويسهل عليك ولادتك ويرزقك بذرية صالحة يا رب
وادعيلنا الله يرزقنا بالذرية الصالحة[/grade]
ف
04-03-2006 | 02:23 PM
كلامج يدل إنج راضيه على نوع الجنين الل في بطنك
المهم البيبي ينولد بكامل الصحة و العافية
و لا تزعلين و لا تضايقين عمرج
---> يا سلام على ملابس البنوتات و أغراضهن
روووعة
المهم البيبي ينولد بكامل الصحة و العافية
و لا تزعلين و لا تضايقين عمرج
---> يا سلام على ملابس البنوتات و أغراضهن
روووعة
م
04-03-2006 | 04:39 PM
مثل ماقالت فوانيس
---> يا سلام على ملابس البنوتات و أغراضهن
روووعة
انت هي ام الجنين .سواء كان بنت او ولد
..فرحي عمرج وانسي الكلام .....
---> يا سلام على ملابس البنوتات و أغراضهن
روووعة
انت هي ام الجنين .سواء كان بنت او ولد
..فرحي عمرج وانسي الكلام .....
s
04-03-2006 | 07:10 PM
تعرفين يا ليلى:
ان انا اتمنيت بجنون انجب بنت اول شئ ومنى عيني اجيب بنت بس ربي رزقني بولد,, اهل زوجي نفس التفكير بعد يحبون الاولاد اكثر,, علشان جذه هم ميتين على ولدي ويحبونه ومايهون عليهم يقولون له اي كلمة او حتى يصرخون عليه..
اتوكلي على الله واهم شئ سعادتج انتي وزوجج وما عليج من كلام امج...
رب العالمين كتب هالشئ لج في اللوح المحفوظ
ان انا اتمنيت بجنون انجب بنت اول شئ ومنى عيني اجيب بنت بس ربي رزقني بولد,, اهل زوجي نفس التفكير بعد يحبون الاولاد اكثر,, علشان جذه هم ميتين على ولدي ويحبونه ومايهون عليهم يقولون له اي كلمة او حتى يصرخون عليه..
اتوكلي على الله واهم شئ سعادتج انتي وزوجج وما عليج من كلام امج...
رب العالمين كتب هالشئ لج في اللوح المحفوظ
_
04-03-2006 | 08:15 PM
الله يهدي اهلج اختي ليلى
ناس مومحصله الاطفال وناس تتشرط على خلفة ربي
ماعليج من احد حبووبه وهذا نصيبج والحمدلله انتي راضيه فيه :)
الله يسعدك مع زوجج ويثبت حملج ان شاء الله
ومثل ماقالت اختي فوانيس ياحلات ملابس البنات وربي تهبل :)
ناس مومحصله الاطفال وناس تتشرط على خلفة ربي
ماعليج من احد حبووبه وهذا نصيبج والحمدلله انتي راضيه فيه :)
الله يسعدك مع زوجج ويثبت حملج ان شاء الله
ومثل ماقالت اختي فوانيس ياحلات ملابس البنات وربي تهبل :)
R
04-03-2006 | 08:16 PM
اختي ليلى اسمحي لي احيك على تفكيرك المتفتح ... ما شاء الله عليك
اهم شي ان الام والبيبي يقومون بالسلامة والطفل يكون كامل وسليم ولا يهم ولد او بنت
للاسف هذا مجتمعنا ومانقدر نغير طريقة تفكير الكل ... ولا تشيلين في خاطرك على الوالدة .. بكرة تشوف الحلوة وتنسى كل شي
صحيح الكل يفكر ان اللي تجيب الولد هي السعيدة ما تدري ان الله سبحانه وتعالى يرزق كل انسان اللي فيه الخير والصلاح له
الحمدلله على النعمة ... احنا البيت بنات وولد واحد وكل مرة امي تولد ابوي يصلي ركعتين ويشكر ربه على النعمة ولا عمره قال ان شاءالله هالمرة ولد ... يقول البنات حبيبات قلب ابوهم
الله يتمم لك بالسلامة ويسهل عليك وتبشرينا عن سلامتك وسلامة عروستنا
ومثل ما قالت مشرفتنا... فديتهم البنات على الحلاوة والدلع والملابس
ان شاء الله اول بيبي لي يكون بنوتة ....
تصدقين فيه بنات كثير يدورون الولد وبعد لو توأم احسن لهم !!!! استغفر الله
كأن البنت مو نعمة
الله يهدي الكل ويرزق كل محروم
اهم شي ان الام والبيبي يقومون بالسلامة والطفل يكون كامل وسليم ولا يهم ولد او بنت
للاسف هذا مجتمعنا ومانقدر نغير طريقة تفكير الكل ... ولا تشيلين في خاطرك على الوالدة .. بكرة تشوف الحلوة وتنسى كل شي
صحيح الكل يفكر ان اللي تجيب الولد هي السعيدة ما تدري ان الله سبحانه وتعالى يرزق كل انسان اللي فيه الخير والصلاح له
الحمدلله على النعمة ... احنا البيت بنات وولد واحد وكل مرة امي تولد ابوي يصلي ركعتين ويشكر ربه على النعمة ولا عمره قال ان شاءالله هالمرة ولد ... يقول البنات حبيبات قلب ابوهم
الله يتمم لك بالسلامة ويسهل عليك وتبشرينا عن سلامتك وسلامة عروستنا
ومثل ما قالت مشرفتنا... فديتهم البنات على الحلاوة والدلع والملابس
ان شاء الله اول بيبي لي يكون بنوتة ....
تصدقين فيه بنات كثير يدورون الولد وبعد لو توأم احسن لهم !!!! استغفر الله
كأن البنت مو نعمة
الله يهدي الكل ويرزق كل محروم
م
04-03-2006 | 10:18 PM
بالعكس حلاتها البجر بنت و ماعليك من كلام الوالده خبرك نسوان اول للحين براسهم هالافكار
:)
:)
ن
04-03-2006 | 10:26 PM
مبروك اختي على الحمل
واهم شي انه سليم
ومب مهم الجنس سواء ولد او بنت لان كل من عند الله
وانتي توج جدامج العمر واول مره تحملين في عادي
يمكن الله كاتب لج الصلاح مع البنت ماتدرين
لاتضايقين ولاتكدرين نفسج اهم شي اتيي البنوته صاحيه وانتي تربين هاي اهم من كلشي حبيبتي
واهم شي انه سليم
ومب مهم الجنس سواء ولد او بنت لان كل من عند الله
وانتي توج جدامج العمر واول مره تحملين في عادي
يمكن الله كاتب لج الصلاح مع البنت ماتدرين
لاتضايقين ولاتكدرين نفسج اهم شي اتيي البنوته صاحيه وانتي تربين هاي اهم من كلشي حبيبتي
@
05-03-2006 | 12:07 AM
الف مبروك على حملج يالغاليه
والله فرحانه لج يااختي ويابختك ما شاء الله بكريتج بنت
انا انحرمت فتره طويله جدا لين ماحملت ولحين حامل لاول مره
تدرين كان خاطري بكريتي بنت علشان تساعدني وتسندني
ومااحتاج لاحد
ولكن الله قدر اني احمل بولد ان شاء الله اتمنى من كل قلبي حمله الثانيه تكون بنت
يازيييييييين اغراضهم
للمعلوميه يااختي من حملت وزوجي كله يقولي ان شاء الله بنت يوم طلع في الالترسوند
ولد والله كان فرحان ولكن كان يقولي خاطري ببنت اساله ليه يقولي
ولد بيشيل اسمي ولكن بنت بتشيلني انا وبتراعينا في الكبر وبتحبنا لان البنت حنونه
ودائما تكون متعلقه بابوها ياربي على البنات
والله فرحانه لج يااختي ويابختك ما شاء الله بكريتج بنت
انا انحرمت فتره طويله جدا لين ماحملت ولحين حامل لاول مره
تدرين كان خاطري بكريتي بنت علشان تساعدني وتسندني
ومااحتاج لاحد
ولكن الله قدر اني احمل بولد ان شاء الله اتمنى من كل قلبي حمله الثانيه تكون بنت
يازيييييييين اغراضهم
للمعلوميه يااختي من حملت وزوجي كله يقولي ان شاء الله بنت يوم طلع في الالترسوند
ولد والله كان فرحان ولكن كان يقولي خاطري ببنت اساله ليه يقولي
ولد بيشيل اسمي ولكن بنت بتشيلني انا وبتراعينا في الكبر وبتحبنا لان البنت حنونه
ودائما تكون متعلقه بابوها ياربي على البنات
ت
05-03-2006 | 08:51 AM
عزيزتي ما شاء الله عليج .. انتي كاتبة الحل بروحك و الحمد لله اننا جيل واعي و مثقف و نفهم الدين اكثر من الجيل الي سبقنا
ادعي لامك بهداية
و اهم شي انك انتي تكوني فرحانة
و الخيرة فيما اختاره الله
يعني هذا شي من الله.. في ناس محرومين هالنعمة و يتمنون لو يكون عندهم اي ولد او اي بنت
يعني اقل شي الواحد يقول الحمد لله على هالنعمة
ادعي لامك بهداية
و اهم شي انك انتي تكوني فرحانة
و الخيرة فيما اختاره الله
يعني هذا شي من الله.. في ناس محرومين هالنعمة و يتمنون لو يكون عندهم اي ولد او اي بنت
يعني اقل شي الواحد يقول الحمد لله على هالنعمة
ح
05-03-2006 | 09:44 AM
الله يعينش يا أختي على هالبلوى
أنا بعد نفس السالفة عندي بنتين وانا حامل الحين في الشهر السادس والكل يحاتي شنو في بطني !!!!!!
وأنا أقول ليهم اللي يجي من الله حياه الله أهم شي السلامة
أنا بعد نفس السالفة عندي بنتين وانا حامل الحين في الشهر السادس والكل يحاتي شنو في بطني !!!!!!
وأنا أقول ليهم اللي يجي من الله حياه الله أهم شي السلامة
F
05-03-2006 | 10:33 AM
اختي الغالية لاتكدرين خاطرج...المهم انتي احمدي ربج عالبيبي بنت ولا ولد..ترا في وايد ناس بعدهم فيهم هاي التفرقة العنصرية بين البنت والولد...
أنا يدة ريلي يدامي تدعي اني اييب ولد و انا يدامها اقول انشالله بنت اتخيلي شو قالت...انشالله لاء....مع اني لين احين ماعرف انا افشو حامل...
المهم انتي افرحي وماعليج من حد...
أنا يدة ريلي يدامي تدعي اني اييب ولد و انا يدامها اقول انشالله بنت اتخيلي شو قالت...انشالله لاء....مع اني لين احين ماعرف انا افشو حامل...
المهم انتي افرحي وماعليج من حد...
ل
05-03-2006 | 12:01 PM
اخواتي اشكر من قلبي كل وحده فيكم حست فيني وواستني وهونت علي(f) والأهم حسيت انكم راضيتو بنتي وطيبتو خاطرها ( صدقوني هذا احساسي كأم وطفله ببطنها ) وفعلا الحمدلله على كل حال دام اني سعيده في بنوتتي مالي شغل بالكلام واقطه وره ظهري بس الله يهداهم كلام الناس جارح ومايخلص وفعلا مثل ماقالت الأخت الولد يشيل اسم أبوه بس بس البنت تشيل ابوها وامها واتحطهم على راسها وقت العازه وهذي خيره من الله سبحانه واصلاح لي ولزوجي واتمنى هالتفكير يتغير والناس يبطلون من هالسخافات
ايه والله اشحلاه أغراض البنااااات :shy:
ايه والله اشحلاه أغراض البنااااات :shy:
ا
05-03-2006 | 12:24 PM
مااحلى البجر بينه..
احسني تربيتها هي وخواتها ان شاء الله ولج الجنه..
ماعليج من الكلام الزايد..
المهم تي البنت بصحه وعافيه..
احسني تربيتها هي وخواتها ان شاء الله ولج الجنه..
ماعليج من الكلام الزايد..
المهم تي البنت بصحه وعافيه..
r
05-03-2006 | 01:04 PM
ال مبروك بنوتك القادمة ولا تزعلى نفسك البنت حاليا افضل من الولد:shy::shy::shy: