هل جهاز المشي ضاار بالركب؟؟

أنا عندي جهاز في البيت بس ماركنته للحين امشي عليه مع اني رشيقة ماني متينة بس اجزاء من جسمي غلط مثل الأرداف والفخد بس الباقي طبعا رشاقة على رشاقة....

انا شريت الجهاز عشان ينحف لي منطقة الارداف بس مالاحظت شيء للحين لأني ماادري انا استخدمه غلط والله شلووووووووون ورجاءا للي عندها جهاز تقولنا هي تستخدمها على اي سرعة ومابين كم فترة وفترة تزيد السرعة؟؟؟؟ وفي كم كيلو متر والسعرات الحرارية.... وسامحوني على القرقرة الوايد؟؟؟

اما عن الآلام المفاصل ماعندي عنها فكرة إن شاء الله البنات يساعدونج.

نعم أختي الغالية

جهاز المشي اذا استخدم بطريقة خاطئة يضر الركب .....

ويسبب احتكاك في مفصل الركبة .....

استشيري اي طبيب او اخصائي علاج طبيعي ليصف لك المدة والسرعة المناسبة لوزنك لاستخدام جهاز المشي

أتمنى اكون قد أفدتك

انا عندي وسئلت دكتور قالي ماينفع لازم يكون عندك اكسوجين كافي بالغرفة يعني المشي بالهواء الطلق احسن

وانا بالبداية كنت امشي كثير فراحنة فيه هههههههههه بس بعدن حسيت بالام بالمفاصل وضهري
المهم اترحت بعدة مدة وتركتة
المهم قلت خلوني امشي كل يوم نصف ساعة بس
وفعلا لاحظت اني مرتاحة وجسمي مرتاح لاني ماامشي كثير علية
يعني خلي مشي الصبح او بعد الوجبات
ننتظر باقي البنات وتعليقاتهم

هلا اختي
هو مايضر الركب بس نصيحه مني عند استخدمه يفضل ان تكوني لبسه حذاء رياضه عشان يكون الضقط على الحذاء مو على القدم والركب

وشكرا واتمنا اكون فاديتج

هلا عزيزتي ...
انا عندي جهاز المشي بالبيت واستخدمه باستمرار بس الحمدلله ماحسيت بأي الام بالركبه
اول ما ابتدي بالمسي عليه تكون السرعه 3.5 وازيد شوي شوي .. واستقر بالسرعه على 5.0
ولمدة 30 دقيقه ويعادل 2 ونص كيلو تقريبا واكون حرقت 200 سعره حراريه ... بس ابصراحه ما سألت
دكتوره او متخصصه ان هل هالسرعه تناسب وزني او لا بس انا مرتاحه ولله الحمد واحس ان جسمي مرتاح
ووزني ينزل بس طبعا مع الحميه الغذائيه ايضا ..

انا امشي عليه 6.8 والاحظ مفاصل رجلي تألمني وركبي واحرق سعرات 300 سعرة حرارية

جوري 2000 تقصدين ان الدكتور خبرج ان جهاز المشي لازم بس نصف ساعة عليه يكون والله شلون؟؟؟؟؟؟؟

اشكركم جزيل الشكر على المشاركة بالتجارب

مبين ان الاراء متفاوته

عالعموم ان راح اجرب البس حذاء رياضي واسال دكتوره بس اشتري الجهاز

واحتمال اخليه في غرفه كثيرة التهويه
وبانتظار بقية الردوود

اشكركم جزيل الشكر على المشاركة بالتجارب


مبين ان الاراء متفاوته

عالعموم ان راح اجرب البس حذاء رياضي واسال دكتوره بس اشتري الجهاز

واحتمال اخليه في غرفه كثيرة التهويه (y)

وبانتظار بقية الردوود

عزيزتي

اعتقد من خلال تجربتي انك ما تضغطي على نفسك بالمشي وبسرعة تمشي
يعني اول خمس دقايق حمي على هدوء ... وايضا اخر خمس دقايق خففي السرعة
بعدين زيدي السرعة شوووي شوووي .. اذا حسيتي بالم بالركبة خففي السرعة
واذا حسيتي ان السرعة مو مناسبة لك خفضيها عشان ترتاح نفسيتك وانتي تمشي وتستمري اهم شي ولا تتركيه
لان اذا زدتيها بتتعبي وبعدين بتتمللي وبتتركي
هو افضل شي تبداي ب 20 دقيقة اول اسبوع على الاقل حتى يتعود الجسم
بعدها كل اسبوع تزيدي 5 دقايق حتى توصلي لساعة او 45 دقيقة

وبالتوفيق لج الغالية

واذا ممكن طلب من الاخوات الغاليات الي من البحرين
يا ريت ترسلون لي اسم جهازكم وسعره ومن وين اخذتوه؟؟؟

والف شكر للجميع

السلام عليكم جميعا
بالنسبة لجهاز المشي (السير)
هذا الجهاز ضار للركب لأنه يحتاج الجسم الى
توازن كبير وثبات عند استخدامه.

اناعندي الجهازومركون على جنب اول مااشتريتةكنت امشي فيةبس سوى لي الم في الساقين بشكل موطبيعي مدري يمكن شدعضلي اوطريقةمشيي غلط

بالنسبه لي اول ماشريته كنت امشي عليه لمدة 20 دقيقه او نصف ساعه بسرعة 4 كيلومتر بالساعه وكنت مرتاحه بس يوم من الايام سويت فيها شطاره ومشيت لمدة ساعه على نفس السرعه بصراحه كنت مرتاحه وانا امشي يعني ماحسيت بتعب بس من ثاني يوم وانا كعوبي تالمني بشكل فضيه لدرجة اني لمن اقوم من الفراش اتكي على الجدار وباقي النهار ما اقدر امشي عدل المهم استمريت امشي بس مو مثل اول من الم كعوبي وبعدين قررت اروح الطبيب وسوالي كل التحاليل وقالي ماعندك لا املاح ولاشي بس التهاب في الكعب وحاولي الفتره هاذي توقفين السير بس والله يابنات لي الحين تقريبا شهرين ومافي فايده مو راضي يروح الالم حتى مع علاج الطبيب مافي فايده الله يعين
الي تعرف حل لي تنقذني والله تعبت

عزيزتي مثل الي قاعد يصير لي بالضبط حاليا انا بس من امس ركبي تألمني وكعبي وساقي اليسار؟؟؟ بس مارحت المستشفى لأن قلت يمكن اليوم تخف بس الاحظ للحين الألم فيني ولا أقدر امشي منها إلا وأنا اعرج مااادري شنو السبب الله يستر ؟؟؟؟؟؟

والله احترنا شنو نسوي ماندري؟؟؟؟


بالنسبة إلي سألت من البحرين عن جهاز السير؟ أنا شريته من ماجيك ستور إلا في شارع المعارض يم شركة كازروني بالضبط واخذته 170 دينار ولا فيه هدية وياه حذاء رياضي مجانا.

طبعا ماركة life Gear فيه شاشة توضح السعرات الحرارية والوقت والمسافة والسرعة + قياس نبضات القلب. وبس اي سؤال انا حاضرة؟؟ واذا احترت كل كلش دزي لي اميل عنوان بيتكم بسوي ليج اوردر لأن يوصلون مجانا للبيت وسلامتج.

تشكري حبيبتي طير البحرين وما قصرتي على ردج الوافي .. تسلمي يا رب وما تشوفي شر

وجزاكي الله كل خير

بصراحة انا مشتركة بنادي ... بس اقول جهاز المشي بالبيت افضل من روحة النادي والمشوار وهذا غير الف وحده تعرق وتستعمل الاجهزة ووووو يعني افضل بالبيت ... بس مشكلتي بالبيت ما استمر ؟؟؟؟!!!!!

بنااااات .. قولوا لي استفدتوا من الاجهزه بالبيت او لا ... يعني هل تنصحوني بشراء جهاز لي او لا؟؟

الله يعين والله بس وينحفنا

اخت الحياة الورديه معاج حق

فكرة الجهاز بالبيت شكلها مريح

بس بصراحه اللي يصير للاخوات شي ما يطمن

سلامات لكل من عانت بسبب الجهز

وبانتظار بقية الخبرات

الف شكر

بصراحة الجهاز حلو ... وينزل الوزن ... بشكل منتظم ...
بس للأسف .. بطبعي ملولة ..... يعني استمريت عليه فترة .. وبعدين مليت وتركته
أتوقع المشي في الهواء الطلق وماعج أحد يسولف معاج ... بيكون مسلي أكثر .... وبيستمر أكثر ... شوفي إذا أحد من خواتج أو جيرانج ... وده يمشي ... وامشي معاه
واذا كنتي صبورة ... وعندج ارادة ... إخذي الجهاز

مرحبا خواتي
انا عندي جهاز في البيت ومستمرة عليه بس خواتي اذا ما ودكم رجولكم تعوركم .. امشو على اطراف الاصابع مع المشي السريع على سرعه بطيئة يعني 3 ثم زيادتها كل شوي حتى سرعة 5 ... لان مدربة الرياضة نصحتني باني امشي على اطرف اصابعي حتى ما تعورني ركبتي

في دراسة قريت عنها مرة في مجلة الصحة
أثبتت ان جهاز المشيء
اذا استخدم بطريقة خاطئة ممكن يسبب آلام وامراض في المفاصل
ودوالي الساقين ومشاكل في الظهر والاكتاف ومشاكل
في الجهاز التنفسي بسبب ضغط هواء الجو الداخلي ..

من جذي اشتريت آلة المشي والركض الهوائي حطيتها برع في الحوش
بصراحة روووووعة تحرك الجسم والعضلات والتمرين عليها وناسه
ينفع حق اللي مسوية رجيم او تبقي لياقة تعطي نشاط فضيع خاصة
اذا تمرنتي عليها بعد صلاة الفجر ..

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

...
...
تسلمون ع المعلومات الحلوة
وانا بعد عندي جهاز مشي
بس ولا مرة جربت اسال الدكتورة ابد
وانا كنت اركض عليه في غرفة مغلقة
وكنت اتعب وايد

غريبة ولله
تسلمين على المجهود الطيب ^_^
^_^ مشكوووووورة الغالية على الموضوع الحلو
...
...

و

مع تحياتي الطيبة
deeeeeeeeeeb