الشقيقة والحمل

RoOoOmy_M:
ما تشوفين شر حبيبتي .. طبعا حاسة فيك لان الشقيقة عندنا وراثة
من الوالدة الله يخليها
وهي حامل طول الوقت تعبانة وكانت تروح المستشفى اذا زادت الحالة عندها ويعطونها ابرة مخففة للألم والحمدلله اختي مافيها شي الحين

انصحك اذا جتك نوبة الشقيقة تبتعدين عن الضوء القوي والعطور ولا تاكلين منبهات مثل الموز والشوكولاتة والجبن وحتى من قبل حاولي تخففي من هالأكل عشان ما تجيك

جربنا اعشاب زينة للحامل من Herb Stores بس ما ادري اذا عندكم في الامارات
كانت لافندر وشي ثاني بس ما اذكره

الله يعينك ويعينا ... مانقدر نقول غير الحمدلله على كل حال
الله يسهل عليك ويتمم لك بخير

وعلى فكرة ترى فترة وبيخف الألم لان تغيير الهرمونات في جسمك يخليها تزيد بعد الثلاثة شهور بترتاحي اكثر

RoOoOmy_M:
ونسيت اقول لك اختي اول ما تحسين انك بتصدعين ادخلي غرفة مظلمة وخليك مغمضة طول الوقت
يساعد كثير في التخفيف

الجميلة78:
الله يعافيك يا رب

مجنونة قطر:
رومي قالت كل اللي كنت باقوله لج

لاني اعاني من صداع يومي .. ومايرو حالابعد ما ادخل في غرفه مظلمه واتجنب الازعاج ..

وابتعد في هاليوم عن الحلويات والاشياء اللي فيها دهون وايد لانه تسوي لي لوعه مع الصداع ...


والله يشفينا من هالصداع لانه فعلا ممل ...ويخلي النفسيه صفر .