كيف اعلم بنتي على دخول الحمام

السلام عليكم اختي احلى عمر

اتوقع هاي اول طفله عندج... انا حاولت ابدا مع بنتي يوم كان عمرها سنتين ونص بس الكل نصحني اني اخليها لين ثلاث سنوات ... اونه انا بطلع الام الخارقه وبعلمها في سن السنتين ونص بس ما نفعت محاولاتي لانها اول طفله عندي ومحد جدامها يروح الحمام من الصغار...فرديت البسها البامبرز يوم كملت ثلالث سنوات استجابة بنتي وياي وعلمتها صدقيني ما تعبت وياها كثر ما تعبت وياها يوم كنت ابى اعلمها وعمرها سنتين ونص...

فنصيحة اخت لج بعدها صغيره على تعليمها على الحمام خليها لين ما اتكمل ثلاث سنوات....(((هذا مجرد اقتراح)))

,والله انا مشكلتى نفس مشكلتك ابنى عنده سنتين ونص ومش عارفة اعلمه ازاى ؟ وانا ابنى عصبى جدا جدا جدا وعنيد وحاولت اقعده بس رافض تماما وحاولت كتير افهمه انه يقولى قبلها بس مفيش فايده بجد انا متوترة جدا جدا
ويا رب بنات عروس يفيدونا بحل جذرى

حتى انا نفس الشيء بنتي سنتين ونص وابغي اعلمها وجربت كل الطرق بس ما في فايده وايد تعبت وياها والصراحة ما فيني اتخيس البيت وانا ما فيني انظف جربت كل شيء اخر شيء لبستها بابمبرز وقلت خلها شوي تكبر يمكن اقدر افهمها اكثر لاني احسها ما اتعرف وهيه الاولى عشان جذي ما عندها حد اشوفه وتتعلم منه
تجرب شخصية
واتمنى الاعضاء يفيدونا

أنا بدأت أعلم بنتي لما كان عمرها سنتين ونص في البداية كنت أوديها الحمام كل ساعة تقريبا وكنت انا أسألها
لكن بصراحة زهقت بعد كم يوم وبعدين صرت أخلي الشغالة توديها وطبعاالموضوع كان متعب لأنها احيانا تسويها
بأي مكان ويوم بعد يوم تعودت على الحمام يعني الموضوع يبغاله وقت في حدود الشهر أو شهرين
وأنصحك بالصبر عليها حتى تتعود يعني بتخلي لك البحر طحين لكن مومشكلة المهم إنت تابعيها كل ساعة

والله مشكلة انتو تعانون من الاول وانا اعاني من الثاني
بنتي هي الاوله ماتعبتني ابد لاني كنت عند اهلي وكانت تشوف اخواني الصغار وتسوي مثلهم وكان عمرها سنتين ونص لاكن الحين عمرها 4 سنوات ولازم البسها في الليل
لاكن مشكلتي ولدي الثاني رفض انه يتعلم مره وعمره سنتين وسبعه شهور الحين واجلت تعليمه لين يخلص البرد ويكمل 3 سنوات

مشكورين على الرد بس حيرتوني لاني في غربة وماحد معاي وعندي ولد ثاني عمرة 9 اشهر يعني مو فاطية لهابس
محتارة شسوي

سلام حبيباتى
اللي عندها حل تقول جزاها الله الف خير انى ولدى عمره سنتين و ثمانية شهور وللحين مو راضي يتعلم حاولت معاه والروضه اذا ما ترك البامبرز ما راح اتسجله شسوى؟؟؟؟؟؟؟

شوفوا .......

انا افكر اني اخلي ولدي سعود يروح الحمام بالصيف يكون عمره سنة و6 شهور
انا حدي غلطااااااااااااااااااااااااانه
هاهاهاهاهاهاي

يعني بعد راح اخلي سنة كامله

هاهاهاهاهاي

خلاص خلاص
الموضوع الظاهر انا دخلت بالخطأ

ننطر سعود يكبر واعلمه
خليه على البامبرز الحين والله كريم


كنت ابي اصير الام القوية الخارعة (جراندايزر )
هاهاهاي

وسعود (سوبرمان )

هاهاهاهي

بس ياليت تفيدوني خواتي متى اقدر اعلمه ....؟ يعني السن المناسب سنتين ونص ...؟؟؟؟

دمتم سالمين
اختكم شريفة

انا ولدي الكبير راشد بديت مهاه وهو عمره سنتين ونص وكل ربع او نص ساعة اوديه الحمام ,تعبني وكان يسويها في ملابسه بس طبعا مب انا اغسل الخادمه وملابسه كنت اقطهم بعد ما اغسل ,البسه ملابس البيت الرخيصة.
الحين الثاني حمود عنيد وعصبي ومالي خلقه اخلي الخادمة توديه كل نص ساعة وتراه يوصخ بس اشجعه اقوله ستويت كبير مثل رشود
ولاني ابي ادخله السنه القادمة المدرسة عشان جدي انا بديت معاه من الحين لان مع بداية العام لدراسي القادم يستوي عمره ثلاث سنوات.

1-ابتدي بتعليم طفلج الذهاب الى الحمام فى الصيف حتى لا يأخذ برد نتيجة لبلل ملابسه المستمر

2-اقطعي عنه البامبرز بالتدريج فاليوم ساعة واحدة وبعدها ساعتين وهكذا

3-لا يستطيع الطفل التحكم بنفسة وهو نائم الا بعد بلوغه3 سنوات مع عدم اعطائه اى مشروبات قبل ذهابه الى النوم

4-لا تصرخي بطفلك اذا لم يستطع التحكم بنفسه او تضربيه لان هذا سوف يولد لديه حاله نفسيه قد تقوده لمرض التبول اللاارادي

5-اعطي طفلك فترة من الزمن كافية لقضاء حاجته ولا تستعجليه بذلك بان تقصي عليه قصة قصيرة ان تتجاذبي معه اطراف الحديث وهو في الحمام

6- احرصي على ارتداء طفلك لملابس سهلة النزع حتى لا يعملها اثناء انشغالك بنزع ملابسه

7-ابدي له استياءك بشكل لطيف من الرائحة التي تنتج عن قيامه بعملها على نفسه.

والله ضحكت اول ما قرأت كلامكم تدرون انا امى معوره راسي تبى تعلم بنتى على القيصريه مالت الاطفال تعرفون كم عمرها
9شهووووووووووووووور

انا بنتي عمرها سنة وشهرين وناوية اشتري قيصيرية اعلمها على الحمام... اكيد بتستغربون بس امي تقول ان اخواني كلهم علمتهم على الحمام في عمر سنة ونص وتقول الحمدلله ما يوصلون السنتين الا خلاص ودعو الحفاظ..
بس انا ناوية اعلمها بس على الحمام اقصد بس تتغوظ لكن البول في حقيقة علمية تقول ان الطفل ما يتحكم في مثانته الا لما يكمل سنتين،، فجذي انا ابغي اعلمها بس على شلون تقعد في القيصرية وتتعود انها ما تسويها الا فيها..

السلام عليكم

الله يعطيكم العافيه بنات
والله كانكم حاسين فيني والله انا ناويه اعلم دودي على الحمام بس زميلاتي قالوا لي لسا بدري عليه هو عمرهالحين سنه وشهرين


بس السؤال الي يطرح نفسه متى يكون عند الطفل الاستعداد النفسي عشان يتعلم الحمام
لو احد قرأ في هذا الموضوع يليت يفيدنا

تحياتي

يسلموووووووووووووووووووووووووووووووووو

ولا انا عارفه اعلم ابنى يدخل الحمام

اولا يعتمد على عمر الولد ويختلف من طفل لي الثاني في اطفال اعماره اقل من 3 سنين ويستجيبون لتعليم للحمام في اطفال اعمارهم اكبر وما يستجيبون ولين تعلمين الولد وهو صغير احسن لان كل ما كبر اصير التعليم اصعب انا ولدي عمره سنتين وشهر وعندي ولد ثاني عمره سته اشهر وعلمته على الحمام وانتوا بكرامة يخلع الحفاظة ويعملها في القيصيرية والحين اعلمه انه اظل بلا حفاظة طول الصبح بس الجو بارد للحين مع ذلك يستجيب بس يطلع روحي اول ولله الحمد والله اعينا على اعيالنا يارب.

يسلمووووووووووووو

نريد معلومات اكثر عن هذا الموضوع لاني ايضا اريد اعلم ابني على الحمام