مشكلتي في لساني ...........ساعدوني و خففوا عني

ليش محد يرد على

شكواك هذه تدل على طيبة قلبك وانسانيتك وضميرك الحي...
هذه المشكلة يعاني منها الكثير لكن القليلون الطيبون من يعتبرونها مشكلة ويبحثون الى حلها...
كل انسان منا معرض للخطأ.. لكن اخبريني من يعترف بخطأه ؟؟

انا مثلك اكره نفسي اذا تكلمت عن احد او نقلت كلاما عاديا قيل لي (اقصد ليس سرا.. طبعا)
ادراكي لمشكلة "ضبط اللسان" علمتني ان اكون كتومة جدا ولا اتسرع في اجاباتي ولا اندفع في كلامي
لذا عليك بتدريب نفسك.. حاولي التفكير في الامور قبل قولها وقيسيها في عقلك..
ساعدني في التدرب على ذلك.. اتخاذي لموقف المستعمة (المصغية) فقط في الحوار.. وهكذا قللت فرصة
الكلام والتحدث.. وكسبت الفرصة لكي افكر في الامور قبل قولها...

لا اعرف كيف استطيع ان اقدم لك حلا عمليا لكن عليك بالتصميم والاصرار وهذا يتعلق بشخصيتك
والظاهر ان شخصيتك شجاعة وقوية وطيبة.. لا شك عندي انك في المحاولة والتجربة ستنجحين..

و بالتوفيق !

تحيـــــــــــاتي ...

ختية أنا بنصحج نصيحة عشان تفتكين من هالعادة عليج بالتسبيح شغلي وقتج بالأستغفار والتهليل ولا تخلين أيدج أتفارق المسبحة .....................................والله يفكج من هالعادة أنشاء الله

اللي عنده ضمير يحس بذنبه
وانتي من عنوان مشكلتج
لين آخر الموضوع معترفه..

ريم اعرف ان صعب على الوحده اتيود
لسانها :cool2: وانا ساعات جيه وقبل
كنت اخس عن الحين بس الدنيا علمتني
ان محد بيحافظ على سري غيري انا
واللي اليوم يسمعج وانتي ترمسين عن شي
ويسكت عنه عقب ممكن ينشره بين الناس
يعني باختصار لا تأمنين لحد وفكري بعد
ان اللي ما يحب حد يعرف سره المفروض ما
يرضا على عمره ينشر سر اي انسان امنه
على اشيا معينه عنه...مع ان بعض الناس
يستاهلون

احيانا اتييج ربيعتج وتشكي لج من ريلها
وانتي بالمقابل استوين نفس الشي وتشتكين
لها (تفسيري لها الشي انج مب عارفة كيف
تتعاطفين وياها ويوم تخبرينها عن عمرج
اتخففين عنها) واكيد مثل ما انتي عارفه ان
هالشي غلط...

انا لقيت حل (انا اتبعه) ويمكن ينفعج....طبعا
الحريم يحبن يسولفن (فلانه قالت وفلانه سوت
وووووووووووو، الخ) يوم وحده بتخبرج عن
شي وصدف انج يالسه ويا ناس غير وحبيتي
تطرين السالفه كمثال، ممكن بس بدون ما تطرين
الاسم ولا معلومه تدل على راعي المشكله....
تخيلي وحده خبرتج عن غلطه غلطتها في حق
ريلها اللي زعل منها وصدف ان اختج او اي وحده
ثانيه ممكن تسوي نفس الشي ممكن تطرين لها سالفة
ربيعتج بدون ما ما تعطين اي تلميح عن اطراف المشكله
وجيه ممكن تستفيد الشخصية اللي يالسه تخبرينها

وتذكري شي مهم، ريلج يعني حياتج وحطي في بالج
ان ولا وحده (من اللي تخبرينهن عن اسرارج) بتنفعج لو ريلج
عرف ان حرمته تنشر اسراره (تخيلي بس موقفج جدامه:down:)
مستحيل يآمن لج بعدين وبتتحول حياتج وياه لجحيم لو
حسيتي انه قام يدس اسراره حتى لو كانت تافهه..

شو بيكون موقفج على عرفت ربيعتج بعد انج خبرتي حد ثاني؟
تأكدي انها بتزعل حتى لو كان الشي تافه وما يسوى

تأكدي انج يوم بتدربين نفسج على حفظ أي سر مهما
تافه بترضين ربج أولا ونفسج والانسان اللي أمنج على
اسراره..

لسان الانسان ممكن يعقه في نار جهنم وعادة الحريم
ماشاء الله عليهن مب مقصرات:mad2:

dema ana

مشكورة الغالية و الله كلامج دخل قلبي


و الله يعيني افتك من هالعادة الشينه

الغالية run away bride

و الله خوفني كلامك من انه ريلي يعرف اني مستويه ام لسان


يا رب تعيني اخلص منها


ما ابي أضر أحد و لا أحد يضرني

اختي انتي مبين لي انك انسانه طيبه واللي بقلبك على لسانك لكن عودي نفسك الزمن والوقت مايرحم

السلام عليكم و رحمة الله و بركاته

شوفي عزيزتي .. هالطبع غالب علينا

لكن من خلال تجربتي تعلمت إنه محد يحفظ الأسرار غير نفسي أتطمن أكثر قبل ما كنت فاتحه قلبي و بحس نيه

هذي يبالها عزيمه منج إذا حسيتي إنج بتقولين شئ إتذكري و غيري الموضوع على طول على أساس ما تتمادين في الموضوع و تقولين شئ تتلومين عليه

و إذا وحده إشتكت ما عليج إلا تسمعين الصراحه أنا ما أأمن وايد من إلي يشتكون لأني عارفه مثل ما إشتكت لي بتشتكي لغيري عني .. عندي بس حب إستماع لا أكثر

و صدقيني مع الأيام بتتعودين .. إلي في البيت دايما يقولون لي إنتي الوحيده إلي مب عارفين شو إلي في قلبها لأني أحب أحتفظ بالاشياء الاساسيه لنفسي

ما شاء الله أختي ماسى دبي


الله يهنيج و ياريت أصير مثلج



بحاول امسك نفسي


و ان شاء الله ببدأ من اليوم

[grade="00008B FF6347 008000 4B0082"]هــــــلاا ريم فديت قلبج الحساس وضميرج الحي ...

تدرين انتي احسن عن مليووووووون حرمه هني ..

عالاقل اعترفتي بغلطج وانتي عارفه انه غلط ...

وودج توبين وتتركين هالعــــــادة ...

حبيبتي مثل ما قالوا البنات ..

حطي في بالج هالشي دوم ...

محد بيحفظ سرج غيرج ...

الناس ولاا همهم ...

شزيه عزيمه وشويه اصــــرار وبتركي هالعاادة ...

والله يوفــــقج ... [/grade]

مشكورة الغالية Moon light

فديتج أنا و الغالية


و الله تشجيعكم لي يخليني اصر اظل مراقبة نفسي و الله يعيني على حفظ أمور ديننا و دنيانا

و الله يعيني و امون افضل و اساعد غيري بدون ما اسبب اذية لأحد

يلا وين الردود


ساعدووني

اختي انصحج تسمعين الشريط الديني للشيخ الدكتور السعودي الجراح بعنوان ( صيام قلب ) وايد حلو وساعدني وايد اني امسك لساني

السلام عليكم ورحمة الله وبركات
(ه
اختي ما عليك الا بالتسبيح و الأستغفار .......................صدقيني انا بجرب هزه الطريقة و ناجحة

اختي طلوع الفجر


مشكورة الغالية و ان شاء الله بييب هالشريط


أختي دودو


مشكورة على النصيحة

السلام عليكم ورحمة الله وبركاته

هلا بأختي ريم...

الأخوات ما شاء الله ما قصروا...حتى أنا نفسي إستفدت منهم...

لكن تخيلي مرة بعد ما قلتي سر...زوجك عرف...أو صاحب الشأن عرف...

وقتها بيكون موقفك صعب...و ما حد بيشفعلك...

لذلك...خلي دايما هذا الموضوع في بالك...و راح تلاقي نفسك أحسن مع مرور الوقت :)

[grade="00008B FF6347 008000 4B0082"]والله احنا الحريم بلوه ها اللسان مستحيل يهدأ نص ساعه اذا كنا مجتمعين بمكان

ريموه ترى ها المشلكة اغلب الحريم لو مو أكثرهم يعانون منها

والمشكلة لما نجتمع اول شي سوالف عادية وبعدين كل وحده تقول سالفة ما تمر غير ساعة والا كل سوالفك وسوالف غيرك طلعت

حبيبتي ما فيه غير ان الوحده تحاول تتجنب ها التجمعات النسائية او تكوني طول الوقت بس تستغفري وتسبحي صدقيني بتلتهي

أعرف وحده معانا بالدوام كانت قبل فترة بس حياتها سوالف عن خلق الله الحين ما شاء الله عليها لو جات تبغى تجلس مع أي مجموعة تقولهم لو بتحشوا باي وحده قولولي ما ابغى اسمع غيبة باحد وصدقيني صارت تتجنب الجلسة مع الحريم ولما تكون فاضية تمسك القرآن او تصلي نوافل

الله يخفف علينا هم ها اللسان يا رب والله يهدينا ان شاء الله[/grade]

عزيزاتي مرموم و ملاك


توني شايفة ردودكم


و حبيت أشكركم و حظاكم الله خير