أعمل لكن في الحقيقة لا أعمل

مرحبـــــــأً *&*&&&*&*&*&*&*&*&*&*&*

بغيت أفضفض لكم عما بداخلي لاني احس اني مضايقه شوي فاذا عندكم لي شور ادلوني به!!!!!!!


انا اعمل في احد الدوائر الحكومية ولكن بصراحه ما عندي اي شغل اسويه كأني كنت متوظفه لعمل معين وانتهى بعد فترة والحين للآسف ما احس ان لي دور في هذه الدائرة لان ما اسوي شي.... اداوم من الصبح لغاية ما اروح للبيت وانا جالسه على النت بمكتبي لا شغله ولا مشغله او اني ازور صديقاتي بمكاتبهم بس بعدين اضايقت من كثرة الكلام عني،،، باني بنت فاضيه وما عندي شغل بعدها صرت ما اطلع من مكتبي الا فين وفين ......... وبعدها قررت اني يا اكلم نائب المدير بحالتي أو اني اطلب نقل الى اي دائرة أخرى محتاجتني ؟؟؟ بس فكرة اني يمكن اندم على القرار الثاني لان مديري الحالي والموظفين الي انا معهم الحين طيبين وما فيه مثلهم وفحالهم ..... فقررت اني اكلم النائب ،،، وخبرته باني اعاني من الفراغ وقلة الشغل واني ما انتج شي بس آخذ راتبي كل آخر شهر بدون انجاز اي عمل واستغرب هو من كلامي لان نادراً ما احد يشتكي من قلة الشغل جالي احمدي ربش على كذا وضحك .... بس جالي ان شاء الله انا بكلم المدير ونشوف الموضوع بس من كلمته صارلي شهر وبدون جديد وانا بصراحه ملانه من قلة الشغل ......

شو تشورون علي