عانس.............!!!!.... مستحيل!!!!

170 ألف فتاة عانس في الامارات العربية المتحدة وفق أحدث الأرقام التي تناولتها دراسة بحثية لصندوق الزواج في ذلك البلد الذي يصنف ضمن أغنى الدول اقتصاديا، وترتفع فيه مداخيل المواطنين، ويتمتع بمستويات معيشية عالية.

وتناولت الدراسة التوقعات المستقبلية للعزاب والعازبات حتى عام 2015 بالنسبة للفئة العمرية من 15-49 سنة حيث أشارت إلى زيادة مطردة بشكل محلوظ في عدد العازبات.



أقولكن .... شوه تبنه العرس ؟؟؟؟!؟!؟!؟! ما تبن تعرسن في الجنة ؟!؟!؟! إذا كل حد عرس في الدنيا عيل منوه بيعرس في الجنة ؟؟؟؟؟؟ قرن في بيوتكن وما بتحصلن احن من اهلكن عليكن.

صدعة راس ومصخره وغصه وأمراض وصدمات ومفاجآت وخيانات وجرايم وكوارث.

مب أحسن جيه إنداوم والحمدلله معاشنا حقنا ... انسير وني وشابات حلوات ولا فينا أمراض ولا حد يرفع ضغطنا.

خلونا نعقد مقارنة بينا ألحين اللي ما عرسنا وبين كل وحده امعرسه. وشوفوا الفرق:

1- المعرسه تعبانه من شغل البيت والكراف والطبخ وظفورها صفر ويحليلها شعرها يطيح ....أما العوانس فشابات جميلات امعززات امكرمات لا يشتغلن في البيت لا شيء وان اشتغلن بكيفهن هب غصبن عنهن.

2- المعرسه لازم اداوم عسب تصرف على عمرها وعلى بيتها ..... أما العوانس فمعززات امكرمات ويالسات في بيت اهلهن ولو طاحت هلها بيشلونها وما بيقصرون فيها.

3- المعرسه مريضة اكثر من العانس ..... كله من ريلها اللي يرفع الظغط ..... العوانس ما فيهن أي مرض لأنه محد في البيت يرفع ضغطها.

4- وااااااااااااااااااااااااااااايد مقارنات بس هب متفيجه.

والغرييييييييييييييييييييييييب انيه ما جد نشدت وحده امعرسه انتي مستانسه والا انتي مرتاحه وقالت هيه ... كللللللللللللللللللللهن يقولن لا اتعرسين .... شوه تبينه العرس هب شيء .... احسلج جيه .. والله لو كنت ادري جان ما عرست ... ليتنيه ما عرست... ليتنيه ما يبت عيال ... هههههههههههههههههه ... يخافن من الحسد يمكن !!!!

اتعرفون شوه المشكله ؟؟؟؟ مب في البنات بس انا ارد اللوم أول شيء على الرياييل ... هم السبب في عنوسة الحريم .... ليش ما قالوا الهند وسريلانكا .. لانه هناك الحرمه هيه اللي تدفع المهر عسب جيه رياييلهم مصطلبين ويعرفون كيف يقدرون العرس اما هنيه طبعا فبدون تعليق !!!!!!

كيف ما تبغين النسبة ترتفع وشبابنا وبناتنا كل يوم يروحون فيها اكثر عن اليوم اللي قبله ؟؟؟؟

كيف ما تبغين النسبة ترتفع والروسيات اللهم لا حسد ؟!؟!؟!؟!

كيف ما تبغين النسبة ترتفع واحنا بعاد عن الدين والقرآن !؟!؟!؟؟!؟!؟!

كيف تبغينا انعرس والمحاكم عادي اتيوز المواطن أي وحده لوث ؟؟؟؟؟ بس يعرفون يطنزون على المواطنه يوم تاخذ وافد ( من قلة لا حيلة ) هب من شيء ثاني.

كيف بنعرس واحنا الحين رياييلنا ما عندهم هدف في الحياة ويشرددون من كل عرس جماعي ... فالحين يسافرون حق ال .................. و ال ....................... !!!!!!!

كيف بنعرس عقب العرس الجماعي الجميل اللي حطوا صورة في الجرايد اللي كان في " غنتوت " .... يعني ألحين لو كانوا زاخين الشواذ روحهم ماعليه .... كيف الرياييل سايرين وماخذين شواذ .... خلصن البنات !!!!!

أنا بكل صراحه قررت أعرس في الجنة ... رياييل الجنة أحسن مليوووووووووووووووووووووووووووووووووون مرة من رياييل الدنيا اللي بس يراكظون ورا الموظفات عسب يصرفن عليهم. فظيحه والله .

وجهة نظر لا أكثر ولا أقل يمكن أكون صح ويمكن أكون غلط بس الواقع مر وبترتفع نسبة العنوسه إلين حتى أكثر عن النص والله يعينا ويستر علينا يا رب.


منقوووووول من الإيميل...