السلام عليكم ورحمة الله وبركاته
مرحبا بنات شحالكم يا حلوات
اشوووف عيبكم الجزء الاول من هالموضوع هديه رومانسيه لزوجج او خطيبج
فحبيت انزل لكم جزء ثاني عشان افيدكم و استفيد من دعواتكم لي
نبتدي بهديه كلاسيكيه..لكن عليها محاذير
الحذاء
اذا انتي من الامارات او عمان خذيله نعال مفتوح و الماركات اللي يحبونها فارس انطونيو و سيزاري باشوتي..بس تأكدي من النوع اللي يلبسه و خذيله واحد شراته..لان نعول باشوتي مسطحه مب كل حد يحبها..و اختاري لون ممكن يلبسه..حد من الرياييل ما يحبون النعال الابيض و جذيه يعني
اما اذا انتي من السعوديه او الكويت ريلج يلبس جوتي..خذيله ماركه..جوتشي او برادا مثلا..و طبعا شوفي هو شو عنده و الالوان الي يحبها و خذيله مثل اللي عنده..لان الرياييل صعب يغيرون عن شي تعودو عليه..اللي في الصوره جوتشي
اما اذا تبغين تبتدين خفيف في مشوار الاحذيه..خذيله سلبر لطلعات البحر او للتمشي في الحديقه
و في محلات الرياضه تلقين وااايد و خليج على البيج و الرمادي..لان شكله كووول و يعيب الرياييل
مثلا هذا اللي في الصوره من لاكوست
ننتقل لهدية ثانيه
حزام
اذا زوجج يلبس سبور و لاحظتي انه يلبس احزمه..او اذا كانت وراكم سفره..فخذيله شي حلو و ماركه
و بعدين
شنطه
اذا زوجج بزنس مان و عنده اوراق وايد يشلهم معاه..خذيله شنطه للعمل تكون حلوه و مرتبه..لكن حذااااااااااار حذااااار تاخذيله اللي عليها ديزاين مثل مربعات لويس فيتون او نقشة جوتشي..مالها داعي لشاب خليجي صدقيني لووول
و نكمل مع المزيد
شنطة سفر
اذا زوجك كثير الاسفار ..خذيله شنطه يديده و حلوه و بتلقين شنط حلوه عند يونايتد كلرز اوف بنتون و وايد كحلات تبيع الشنط ماركة سامسونايت و هذي غاليه او كارلتون و هذي اسعارها زينه او دلسي و بعد اسعارها زينه
و
مكينة حلاقه
بتلقين في محلات الالكترونيات مثلا بلج انز..انواع و اشكال من مكاين الحلاقه و بأسعار متفاوته...اختاري الافضل و بيكون هديه حلوه
ايضا موس و بروش حلاقه
و هذا بصراحه ما ادري وين تلقينه في الامارات
و في شي ثاني مهم الا وهو الشنطه اللي يحط فيها ادوات الحلاقه من مكينه و مقص و باقي الاشياء..و يمكن ما تبين مهمه لنا كبنات لكن للرياييل مهمه جدا..حتى جوتشي صنعو شنطه مخصصه لهاي الامور
و هذي صورتها
و بربريز بعد
