خدامتنا مصوره ولدي

أفا عليكم يابنات عروس


ليش محد معبرني بكلمه



عالعمووووم مشكورات للي دشوا واللي مادشو للحين بعد على الموضوع



بس كنت أتمنى كلمه أو نصيحه او شو العمل بهالموقف أو حتى كلمات عتاب عشان أخذ درس اني ما أعتمد على الشغالات

خدى الصور ولاتقولي لها ولا مين شاف ولا مين درى
بس انتبهى مره تانيه لاتمحض اي صوره الا وتشوفى كل الصور قبل لاتوقع فى يدها
واعتقد ماتقدر تسالك فينها لانها عارفه انه ها الشي غلط

فاتن م


مشكوره على الرد بس بصراحه اني خذيت الصور بس النيجاتيف وين


دورنا بكل اغراضها وماحصلنا النيجاتيف

عليكم السلام و الرحمه

عزيزتي شوفي بعدج فتشي آخر مره

و عن الصور خذيهن بدون ما تحس ولو حست ما أضن بتتجرأ و بتسأل عن الصور

عادي اختي

يمكن تحبه الصغير وصورته

ليش تفكرين فيها بشكل سلبي

مصورته ذكرى

بالعقل يجلسون معانا طول اليوم لزم بتاخذ ذكرى معها

انا اشوف ماله داعي الخوف
شو بتسوي فيه يعني

مجرد صوره

فرضا تخافين تسحره او تضره لو تبي تقدر تاخذ شيء من اغراضه بدون لاتدرين

اما الصوره انا اعتقد ماللخوف داعي
هذا راي وشكرا لك الغاليه

انا دايما الخدم يصورون عيالي ,ما اشوف فيها شي ؟مب الي عندي الحين وبس حتى الاولية الي عندي ؟بس نفس الي قالوا الاخوات شلي الصور ولا تقولين لها شي ((لا من شاف ولا من دري))

اختي العزيزة

لو كانت البشكارة دوم مسوية لكم مشاكل
او العلاقة بينكم وبينها مب اوكي لج الحق
في انج تخافين بصراحه....
بس مب عارفة شو فايدة الصور بدون نيجاتيف
لو هي (لا قدر الله)ناوية تسوي شي...
حاولوا باللين تنشدونها عنه بدون ما تخوفونها
وان شاءالله تلقونه...بس حطي في بالج انها بتعرف
انك فتشتوا اغراضها....احسن شي سايسوها


كيف علاقتكم بها ؟ زينه او دومكم تشتكون منها؟
حاولي تتذكرين موقف تحسين من خلاله انها ممكن
تسوي شي بسببه أو حاقدة عشان شي.
هل تشتكي منكم؟ كيف العيال وياها والعكس
هل يحبونها ؟ ويمكن هي خلتهم يصورونها ولا راوتكم
الصور عشان مستحيه منكم...اعتقد ان سالفة الصور ما تخوف
لو الخدامه متعلقه باليهال وتحبهم وتعتبرهم شرات عيالها
خصوصا لو كانت معرسه....وتحتفظ بصور الصغارية
للذكرى.......


ان شاءالله تكون نيتها صافية ومايكون في خاطرها
إلا حب عيالج

على العموم الاحتياط واجب واحسن شي تحصنين عمرك
وعيالج وبيتج بالقرآن والأدعية

اختي انتي لاتهاوشينها واسأليها عن الصور
لانها هي اخرتها راح تعرف قبل لاتسافر وممكن وقتها تحقد او شي

خاصة اذا كانت بينج وبينها مشاكل
انتي سأليها بهداوة ليش صورتي ؟انتي ليش ماقلتيلي وانا اخليج تصورين مافي مشكلة؟؟واساليها عن النيجاتيف على اساس انج تبين تحمضينهم انتي لج؟؟؟المهم اكذبي عليها

وبعدين شلون حمضت الصور عندكم وانتو ماتدرون ولا عادي الخدامة تروح وتجي او تطلع على كيفها؟؟؟؟

الله يستر منهم

اختي نصييييييييييييييحة

ولدج لاتخلينه مع الخدامة يااااااااااما مشاكل وبلاوي نسمعها ومقاطع الفيديو اللي منتشرة الحين بالنت والتلفزيون عن طريق كاميرات مراقبة في البيوت الخدااااامة ذبحت الولد من الطق وهو يااااااااااقلبي عليه صغييييييييير اللي عمره شهور والي عمرة سنتين يااااااااااااااقلبي عليهم

اختي نصيحة ولدج لاتخلينه مع الخدامة اذا تبين اطلعي واخذي ولدج ومعاكم الخدامة عشان مايزعجج

كذلك لاتعطينها شغلات تخصج او تخص ولدج او اي احد حتى لمجرد ذكرى حتى لو كانت طيبة قولي لها بابا يهاوش او من هالكلام

وخلي معاملتج معاها الحين طيبه على ماتسافر

والله يستر عليكم

شكرا لكم اخواتي على الرد الطيب



ومن ناحيه الخادمه في والله حنونه جدا على الاطفال ولا اذكر اني عاملتها بسؤ
والله يعلم اني ما أسأت عليها ولا عاملتها بقسوه بالرغم انها فيها حركات والله يستر منها



هي طبعا متعلقه بولدي واااايد وايييد من أول دقيقه جبتها من المكتب


حينها كان ولدي عمره 10 أشهر وخبرتنا انها عندها طفل بنفس عمر ولدي من أول الايام
أول ماعرفت تتكلم ويانا لاكن بعد فتره عرفنا عنها أكثر تراها جت من بلدها هروب من المشاكل وتركت
أعيالها عند زوجها


وكل مره تتصل لأهلها تقعد تنوح من المشاكل أولها زوجها طلقها وثانيها تزوج عليها
وثالثها اخذ كل فلوسها والارض اللي بأسمها ورابعها والمصيبه الاكبر ولدها ماااات
ومنها اتعلقت بولدي واااااجد ووالله العظيم منها طفلي ماشاف العافيه من مرض لي مرض
حتى العمليه اللي سويها له ( الشحميه ) مانجحت والى اليوم هذا وولدي غير طبيعي

أولا مايرضى ياكل من يدي ولين جت هي بتأكله ياكل طبيعي
ثانيا يفضلها عنا وكله لازق بيها كانها هي أمه مب أني




ماسه دبي تراني خذيت الصور أول ماشفتهم


بندوره كلامش صح بس الواحد مايطمن لهم أبد



عيون وساااع

ترا الخدم والله ما منهم أمان وخصوصا الحين كل يوم نسمع قصه وسالفه عنهم
وخصوصا هالأندنوسيات طبعا مو كلهم بس تشوفي البراءه منهم ومن وجوهم وهم
من تحت لي تحت


runaway brid


والله هي هاربه من مشاكلها ببلدها وجت وكلها مشاكل في مشاكل بس أحنا دوووم نخاف نظلمها ونعاملها دووم بالأحسان


بس الله الواحد الأحد يعلم بنيتها ويارب تكون نيتها صافيه بس لازم الواحد ياخذ الاحتياط وأني مستحيل أخليها تروح بصوره من صور ولدي




نووووره 25


والله اني ولا عمري هاوشتها من جت من بلدها للحين


وانشالله راح أخذ بكلامش وبسألها وبقولها ان بابا لو يدري راح يهاوش

على فكره احنا نوينا نسفرها بأقرب فرصه بس أهم شي انها تتعافا


وانشالله ما تطول بمرضا والله اني اطلب لها على طول بالصحه والعافيه
مو عشان تروح بلها بسرعه لا والله يعلم أشكثر خدمتنا ونتمنا ليها الصحه
والعافيه وانها تروح بلدها بأقرب فرصه لأهلها ولبنتا


مشكورات حبيباتي على الرد

هلاا عيوووني

بس ما اشووف فيها شئ اذا صوورته

يعني ايش اللي رح تسويه

وشكررا

تووووووتة

اختي لا تلومين و لدج اذا تعلق فيها

اذا هم من فهم و هيه مجابلتنه اذا هيه بتأكله و هيه اللي بتبدله و هيه بتلعبه و هيه بتسكته هو يصيح عيل هيه امه

و ما استغرب لو خذت الصور لان صورة ولدها

انا يوم كنت بيت اهلي خدامتنا تنازع امي اذا انا صحت و ما تشتغل عدل تقولين سابين بنتها

قبل ما تزعلين انها شاله صور ولدج عدلي علاقتج وياه قبل ما تسافر ولا بتتعبين وايد معاه لانه بيحس بالغربه بدونها

و اسمحيلي اذا كان كلامي قاسي عليج بس انتي ام كيف تخلينها تاخذ دور الامومة منج

بندور:
عادي اختي

يمكن تحبه الصغير وصورته

ليش تفكرين فيها بشكل سلبي

مصورته ذكرى

بالعقل يجلسون معانا طول اليوم لزم بتاخذ ذكرى معها

انا اشوف ماله داعي الخوف
شو بتسوي فيه يعني

مجرد صوره

فرضا تخافين تسحره او تضره لو تبي تقدر تاخذ شيء من اغراضه بدون لاتدرين

اما الصوره انا اعتقد ماللخوف داعي
هذا راي وشكرا لك الغاليه

رائي من رائ اختى

الغالية اللي اشووووفه عادي مافيهاااا شيء انه الشغالة تاخذ صورة ولدج

بطمنج زيااادة نحن اي شغالة اتييينا تحب تصور ويانا وعادي انا اتصور وياهم وياخذون صوري طبعا بالشيلة ......... يستانسون لنه اتم عندهم ذكرى وخاصة انهم يشتغلون من بلد لبلد ويعيشون بغربة عن بلادهم ويوم بيستقرون يتذكرون هالايام اللي مرت عليهم والناس اللي اشتغلوا عندهم


وحتى صورهم في منهم ويانا .......واذا بنيتهم شيء شين ترى بيستوي من غير صور وهم يالسين ويانا في البيت


لا تحطين في بالج هالامور والله يوفقج ويخليلج ولدج

أنا مع الأخت أثير
هم لو يبون يضرونا ما يبون صور
بياخذون حتى قطعه من الملابس و بيتصرفون فيها من غير ما تعرفين و لا اي شي من البيت


تصوير الاطفال ساعات يكون هوايه عند الخدامات

و مثل ما قالت اثير يحبون تكون عندهم ذكرى

و لا تذبحين عمرج بالشك لانه بيمرضج و باجر لو لا سمح الله صار شي لو بسيط لولدج بتقولين هيه من عمل الخدامه

لا تظلمينها و احمي ولدج و حصنيه

مجنونة زماني:
اختي لا تلومين و لدج اذا تعلق فيها

اذا هم من فهم و هيه مجابلتنه اذا هيه بتأكله و هيه اللي بتبدله و هيه بتلعبه و هيه بتسكته هو يصيح عيل هيه امه

و ما استغرب لو خذت الصور لان صورة ولدها

انا يوم كنت بيت اهلي خدامتنا تنازع امي اذا انا صحت و ما تشتغل عدل تقولين سابين بنتها

قبل ما تزعلين انها شاله صور ولدج عدلي علاقتج وياه قبل ما تسافر ولا بتتعبين وايد معاه لانه بيحس بالغربه بدونها

و اسمحيلي اذا كان كلامي قاسي عليج بس انتي ام كيف تخلينها تاخذ دور الامومة منج

السلام عليكم ورحمة الله وبركاته

رايي ما راي الأخت مجنونة زماني بالضبط...

أنا ما عندي خدامة ولكن خدامات بيت زوجي كلهم يصورون اولادي ويأخذون اصورهم لانهم يحبونهم وايد فما اعتقد ان في مشكلة خاصة اذا كانت العلاقة مع الخدم زينة.فليش الخوف

السلام عليكم ورحمه الله وبركاته


شكرا لكم خواتي على الرد



بس والله اني موتاركه لها الخيط والمخيط في تربيه ولدي ( اعوذ بالله )


بس اللي اشوفه انه واجد منجذب لها في كل شي ويطيعها بعد



والحمد لله اني اللي اربيه ولدي ومستحيل اخلي حد ثاني يربيه

حبيبتي على حسب الخدامه اذا هي فلبينيه .. لا تخافين ... لان الفلبينيات هذا طبعهم يحبون الصغارية ويموتون على شي اسمه تصويير ..

اما اذا كانت اندونيسيه ... فما اعرف شو اقولج ... حاسبي على ولدج وعلى عمرج ..

لانها حتى لو زينه وياج من تسير بطلعلكم بلاوي ... هاي عن تجربة وما اعرف خدمتكم من هالنوع ولالا .. بس بشكل عام كل الاندونيسيات لازم تاخذين حذرج منهم .. لانهم اصلا يوم اييون اييبون وياهم اعمالهم وخرابيطهم .... اتحملي ولا تعطينها اي ذكرى ان شاء الله مصاصة ولدج الجديمه بعد لا تعطينها

والله اعلم شو في قلبها ... يمكن نيتها صادقه بس الواحد ياخذ حذره من الاندونيسيات

السلام عليكم
انا اعلمك وش تسوين خوذي الصور بسكات منها
ولا تقولين لها شي وهي بتخاف لانك شفتي الصور ولا قلتي لها شي وماتدري وش وراك علشان كذا بتزين اخلاقها معك
واذا جت تسافر لاتدري اي يوم هي بتسافر وجددي لها شنطت ملابس بدون ماتدري واذاجاء السفر صوريها وريها انك صورتيها وعطيها الشنطه الجديدة ولا تاخذ معها شي لديرتها من أغراضها ..على فكرة فتشي شعرها اذا جات تسافر ولبسيها من الملابس الجدد وانتي عندها خليها تفسخ ملابسها كلها وتلبس جدد وانتي تناظرين علشان ماتاخذ شي وتحطه في ملابسها وانا اتكلم لك عن تجربه كانت عندنا خدامه سيلانيه تغازل لها باكستاني وتدخله بالبيت وانا ماندري وفي يوم طحت في ارقام جوالات معها واخذت الرقم بسكات وشفت وش قصته اثره باكستاني وكانت تدخله بالبيت بعد واعترف هو عليها وقمت انا رحت للسوق وجددت لها اغراض اخاف تسوي شي في عيالنا وجهزت الشنطة وهي ماتدري عن شي ويوم جيت اوديها خليتها تفسخ قدامي ولابستها ملابس جدد ومشيت معها لين جت عند الباب وعطيتها الشنطة الجديده وقلت لها يله روحي تدرين وش سوت رمت الشنطة اللي عطيتها وقالت انا ابي ملابس الاوله وانهبلت بتاخذها وقمت دفيتها وطلعتها مع الباب وذلفت ورحت اشوف وش بملابسها اثرها لابسه شورت له جيوب من يوم جت مافسخته وقاعده تعبي فيه بلاوي وقاصة على مفاتيح البيت بعد...............الله يكفينا شرهم