عيون ولدي

مثل ما قلتي اختي، وديه الطبيب أحسن، بعد كل شي ولا العين لا تجازفين

يمكن اختي من طلع الربيع؟ البعض تصيبه حساسية في التنفس والبعض الآخر في العين..

انتي واصلي على الكمادات الدافية + الملح ( مامنه ضرر ان شاء الله لأنه معقم طبيعي ) الى المغرب وشوفي شنو الدكتور يقول لج..

لا تنسين تطمنينا..

:)

بصى احسن حل توديه لدكتور واتنيين لان العين مكان حساس جدا جدا فلازم تكونى حريصه وممكن يكون دخلها تراب او حساسيه او صابون المهم شوفى الدكتور هيقولك ايه وابقى طمنينا عليه

مايشوف شر إن شاء الله

اظن رمد
ما يشوف شر حبيبتي طمنينا عليه

مايشوف شر، ،يمكن داخله أوساخ في عينه،، أكيد رحتى أمس الطبيب طمنينا شو قالك؟؟؟

طمنينا ماما حسون شلون عيونه الحين

يمكن التهاب او حساسية فيه اسباب كثيرة بس اهم شي الطبيب ايش قال لك وشنو عطاه علاج عشان نستفيد

ماما حسون الحين في الجامعة...

ننتظر رجعتها عشان تخبرنا شصار :)

طولت غيبتك يا ماما حسون عسى المانع خير:eek2:

السلام عليكم ورحمة الله وبركاته

شخباركم كللللللللللللللللللللللللللللللللكم

اولا حبيت اشكر كل البنات اللي شاركوني في قلقي على حبيب قلبي ولدي حسون واشكر لكم نصايحكم وما قصرتون ..

واعتذر عن تأخيري بسبب انشغالي بالدراسة اضافة الى اشغال الحياة اليومية وكنت ادخل المنتدى ع السريع وما يصير عندي وقت ارد فيه على اي موضوع .. والحين توني راجعة من الجامعة وقلت لازم ادخل المنتدى قبل ما انشغل بأي شي ..

بالنسبة لعيون ولدي احنا ودينا المستشفى والدكتور ما علق على عيونه بس طالعه بالجهاز اللي عنده وقال لا مفيش حاجة .. وكتب له على قطرة للعين مع مرهم احط له وقت النوم ..
ومثل ما تعرفون ما في طفل يحب الادوية وبالغصب قدرنا نحط له قطرة اول ليلة " استخدمنا بس القطرة بس المرهم لا " ونام .. وبعدين ما حطينا له شي وكنا ناويين نوديه مستشفى خاص اذا ما خفت .. بس الحين الحمد لله خفت عن قبل بس بعدها تدمع شوي ، ان شا الله تصير اوكى ولا يحتاج لعلاج لان حتى لو وديناه خاص بعد بيكتبون له على قطرة واحنا ما نقدر نحط في عينه شي ..



شكرا مرة ثاااانية

الحمد لله على سلامته وما يوف شر

حمدلله على سلامته..