مستشفى دبي

دامج من دبي الغاليه ليش ماتربين فالوصل احسن واظمن وايدين مجربينه الحمدلله انا مربيه عندهم مرتين والحمدلله ماعليهم كلام
وصراحه عن مستشفى دبي ماعندي فكره

انا بقولج الوصل كلحد يمدحه بس الي يجرب في دبي يمدحووونه اكثر عن الوصل..بعدين الوصل وايد ضغط عليه اكثر عن دبي فا قاموا وايد يالفون في عمليات الولادة يعني خياطاتهم غلط في غلط لان شغلهم استوا كله مال بسرعه بسرعه..

اما مستشفى دبي اشويه اخف الشغل عليه واهداء واشووووف ان الممرضات متفيجات حق المرضى..
طبعا اذا كنتي من اهل ديره مستحيل يقبلونج فالوصل على طول دبي إلا اذا كتبتي رساله نقل ملف وتعهد وهذا لو وافقوا على نقل الملف..

وعند مراجعاتج اذا شفتي دكتوره زينه خبريه انها اتولدج خليها تكتب فالملف وغصبا عنها بتي يوم الولادة...
إذا احتجتي اي شي في المستشفيات طرشيلي رساله عالخاص
خبــــــــــره :cool2:

غريبه انا من ديره وملفي فالوصل من غير واسطات ولا تواااقيع ولارسايل
وبخصوص الضغط الا ضغط عليهم بشكل فضيع

فطامي هذا القانون الحين اصدرووووه ...
بس اذا اول بيبي ولدتيه فالوصل خلاص مراجعاتج بتكون كلها هناك...بس اذا كان New born يشفون انتي وين ساكنه..

هلا و سهلا ميهوده

حاليا مستشفى دبي وايد احسن عن قبل
و خف الضغط عليه خاصه من قبل الوافدين لانه كل شي بفلوس لهم
عندهم على حسب علمي الدكتورة رجاء و د. ايمان ممتازات

و بالتوفيق

انا بصراحه اهلي كلهم ولدوا عندهم و ما سمعت وحده منهم اشتكت منهم

و ان شاء الله انا بعد اتعالج عندهم و ان شاء الله بربي عندهم

عروس الموج تسلمين عالمعلومه غاليتي

الي يبا اي شي في مستشفى دبي يخبرني ولا اي مستشفى ثاني بس تابع دائرة الصحه والخدمات الطبيه

وانا حاضــــــــــر

الله يسهل عليج..

دكتورتي نصحتني بمستشفى دبي ..


وقالت لي انه افضل من الوصل ..


القرار اليديد انج ما تفتحين ملف على طووول عندهم لازم تروحين عيادتج والتحويل والموعد من هناك ..

ونصحتني بالدكتورة " امال "... وقالت بتوصيها علي؟؟؟


بس حاليا بتم عندها في العيادة وعقب بسير المستشفى

و الله يمدحونه بس لازم تصبرين شوي على برودهم عقب الولاده لما يحطونج في الغرفه

ما ايونج براحه اذا طلبتيهم بس عنايتهم حلوه

انا ما جربتهم بس اسمع الكلام من الناس

اشكر كل اللي ردو عليه فديتكم والله طمنتوني :up:
بس ما قلتولي عن ابره الظهر تنصحوني فيها ولا حد خذها في مستشفى دبي ؟

حرام ردو عليه انا انتظركم على احر من الجمر وينكم:sad:

بصراحه انا مااداني مستشفى الوصل...


كل وحده تتدخل لازم عملية ......... ودايما البكر مايصبرون عليها..

مادري شو قصتهم ويا العمليات.................. امس وحده من الاهل ربت عندهم.. وكانت بكر..
سوو لها عمليه............. انزين صبروا شوي.].

من 15 سنة وهم ويا العمليات............. اذكر اختي بعد سوا لها نفس السالفة..

مرحبا الغالية
ان شاء الله تربين بالسلامة

وصراحة المستشفيات والدكاترة والممرضات
حظ
احيانا على دورج ما احسنهم
وغيرج يعاملونهم معاملة سيئة

عن نفسي ربيت في مستشفي دبي
وكانت ولادتي الساعة 7 الفجر
يعني المستشفي كان فاضي وانا الوحيدة هناك

فكانت العناية ممتازة
والممرضات ايضا .


في المقابل وحدة من معارفنا ربت قالوا لها اتنظري ما في غرف

وحدة من صديقاتي ربت مع ان تقول الرحم مفتوح 10 سم الا ان الدكتورة قالت عملية

يعني يا اختي كله بالحظ

بس تبين نصيحتي
توكلي على الله وروحي دبي

مثل ما قالوا الاخوات ما في وايد ضغط مثل الوصل

واقول اكثري يا اختي من الاستغفار
والله اسهل لج كل الامور
وتسخر لج كل شيء بسهولة
ويسر

والله يسهل على الجميع

وعني انا حاليا بعد اراجع في دبي موعد ولاتي شهر 9
الحمدلله لين الحين ما شفت شيء منهم ضايقني والله يسهل ان شاء الله