زوجي المسكين"""""""""

الله يعينج يالغالية

عزيزتــــي ،

انا مافهمتج يعني انتي تبين حل ولا اتفضفضين .. .. سوري بكون وياج صريحة واعذريني

موقفج ايحير ومتناقض.. تقولين اتحبينه بس تصرفاتج تقول غير جذيه .. بعدين كونج ترفضين طلبة وبالتحديد هذا حراااام.

وهو يقولج بروح بالحرام وتقوليلة رووح عادي .. .. .. هني بصراحة NO COMMENTS

بصراحه .. لا يجوز تحرمينه بدون عذر شرعي

الاخت ام خالد انا اموت فيه مو بس احبه بس ما اعطيه عشان اكون تعبانه...وبالنسبه يوم قلت له روح لاني كنت معصبة ليش قال بسوي هالشي واعرفه ومتأكدة انه ماراح يطالع بس عشان يقهرني....

انسي الي صار ولاتخافين من الالتهابات حرام يعني تسوين فيه جذيه
عالعموم اليوم اكشخي له من الظهر بقميص نوووم وراااضيه وصدقيني بينسى كل شي

طيب نامي في الظهر اذا جيتي من دوامك

عشان مايجي الليل وانتي تعبانه وحاولي تغصبي على نفسك

ومدام انه يعذرك لا تتمادي يقولون اذا كان حبيبك عسل لا تلحسه كله

والله يكون في عونك وعونه

متى ماحسيتي انك مو تعبانه في اي وقت من اليوم وطلبك لا تردينه

بس اهم شيء لا ينام وهو زعلان عليك

عشان ماتلعنك الملائكه

السلام عليكم ورحمة الله وبركاته

صراحة مشكلة الخت العزيزة 00كانها مشكلتي
بس أناصارلي ممعرسة شهرين ونصف وما أحب يقترب
مني زوجي00ووبعد ما صار الحمل صرت آخذها حجة
أنا تعبانة ومرة أقوله هذا خطر على النونو
حتى أنه يمر أسبوع أو اكثر وما أخليه يجي صوبي
مااقدر والله غصبا عني
ماأدري اشلون أحلها 00صعبة ان الوحدة تخلي ريلها يجيها وهي
ما تبيه

ما يصير يا اختي جذي


الريااايل يطالب بحقة ... ولازم تعطينة ...؟


ولا تخلينة ينام بالليل وهو زعلان عليج ... لان الملائكة تلعنج لحد ما يصبح الصبح ؟؟


حاولي انج تريحين فترة العصر .. وتاخذينة بالسياسة ..

لان الزوج مثل الطفل ؟؟؟

وربي يسهل امرج

حاولي تعدلين بين الدوام وبين ريلج
لان جذي حرام،،هو له حق عليج،صحيح أحيانا الوحدة تكون تعبانة والزوج يتفهم هالشئ
بس لما يكون على طول تكون هاذي مشكلة
اذا تحبينه جد لازم تحاولين ترتاحين بالعصر وترتبين معاه سهرة بالليل
كل شي ولا ينام ريلج واهو زعلان عليج

لا اختى تبين الصج انتى مقصره معاه عيل انه شقول اللى اشتغل لين الساعه 5 ونص ما أرد البيت الا ساعه 6 حدى متلخلخه اكون بس بعد أحاول اعطيه حقه لأنه اذا بتفكرين فيها اهو اهم من كل شى فى حياتج . حاولى تفكرين بالموضوع وتغيرين من حياتج عشان تقدرين تعطينه حقه ....

لا طبعا ماينفعش....يعني مش معقول تعبانه 6 ايام بالاسبوع...انتي بترجعي البيت الساعه كام؟ 3:30؟ هتعملي اكل في ساعه و تاكلو في ساعة؟ يعنس الساعه 7:30 تكونو اكلتو و نمتو ساعه و صحيتو و شربتو الشاي كمان....عندكوا بأه من 7:30 لوقت النوم.....يا تراضيه يا تخرجوا يا ناس تزوركو....انا بروخ البيت الساعه 7...و بكون تعباااانه بس لو حسيت انو ممكن اليوم يكون في حاجه بأخذ دش سريع و أستلقي نص ساعه بعدها بفوق و بكون تمام... حاولي لأن فعلا الي جوزها يبات غضبان عليها الملائكه تلعنها...

ممكن كمان تعملي اكل الاسبوع يوم السبت فيكون تحضير الغذاء سهل...

تبغى نصيحه منى......
شوفى حبيبتى الرجال كل شي ممكن يلاقيه فى الشارع ان كان على الاكل ياما اكثر المطاعم
وان كان على الملابس المغاسل مليانه فى البلد
وان كان على تنظيف البيت يجيب واحد من عمال النظافه ينظف له البيت
لكن من فين يجيب حب وغرام وتواصل جسدى وروحى والله حتى الحرام الله يجيرنا مايكفيه
ماتكفيه غير امراه حبيبه وقريبه منه تبادله احاسيسه ومشاعره
بعدين يعنى لو راح فى الحرام الله لا يقدر ولا راح اتزوج ساعتها تقولى انا السبب وياريت الى جرى ماكان
ابويه الله يديه العافيه كان دايما يقولنا اذا دعاك تجيبيه لو كنت على التنور يعنى زي ماقال الرسول عليه الصلاة والسلام
وبعدين احمدى ربك انه زوجك مهتم بيك ويحبك والله فى رجال مايسالو فى حريمهم ولا فى الشهر مره
ولو الحرمه فى يوم من الايام اعتذرت لاي سبب والله يقولها طظ بالطقاق الدرب الى تودى او انه يجيها غصب
ترى زوجك هو جنتك ونارك ولو باتت المراه وزجها زعلان منها تلعنها الملائكه حتى تصبح
وحتى لو كنت تعبانه ترى هذا موسبب زوجك قبل كل شي رتبى نفسك على اساس لما يجى زوجك تكونى مستعده له
ساعديه على فتن هذا الزمان وكونى عونا له حتى تكونى فى عينيه اجمل النساء واحبهن الى قلبه
يلا حبيبتى روحى اكشخيله ولا ليش مشتريه قمصان نوم واشياء هشك بشك عشان تتعلق فى الدولاب ويشوفها زوجك وبتحسر

حبيبى بنت البحرين اول شى انتى توج عروس وهذا شى يديد عليج فيعنى يمكن يكون صعب بالبدايه بس هذا حقج وحق زوجج والريال فى بدايه حياته يكون هالشى عنده مهم وايد وا يجوز انج تحرمينه واذا على الدوام كلنا نروح الدوام ونداوم بس زوجج وبيتج اولى من انج تحطين كل طاقتج بالدوام واذا رجعتى البيت تكونين تعبانه انا ما اقولج كل يوم بس يعنى حاول تنسقين اذا رجعتى العصر ريحى وبالليل لبسى وتكشخى ترى الريال اليوم يرر ويوم يطوف بس باجر يمل وتطق جبده انتى قارنى نفسج فيه حتى اهو يدوام ويتعب بس هالشى هم بينكم يحببكم ببعض اكثؤ ويزيد الالفه بينكم سبحان الله .... وبعدين اسمحيلى اقولج انتى غلطتى غلطه وايد كبيره لا توافقين زوجج لما يقولج انى بروح اشوف بره وبالحرام حتى لو انتى واثقه منه ومتاكده انه ما راح يسوى لكن لما يشوفج موافقه ومتساهله ترى باج الشيطان يسحبه لذاك الطريج ولو بتحاسبينه بيقولج انتى اللى قلتى لى روح بره ؟؟؟؟؟اهم ما عليج بيتج وانتى توج فى بدايه حياتج لا تهدمين بيتج على شان اشياء بسيطه ومن حقه يطلبها ........ الله يكون بعونج واتمنى انج تسمعين النصيحه

حرام عليج اختي
لازم تعطينه حقه

نسيت اقولك ترى لازم الرجال والحرمه قبل الجماع يكونو منظفيين نفسهم يعنى منطقة الجماع
عشان تعرفو يعنى الواحد طول اليوم بيشتغل وبيعرق فممكن انها تتكون بكتريا
واتطمنى انشاء مايرجع لك الالتهاب اذا واضبتى على النظافه انت وزوجك
والمويه والملح كفيله انها تقضى على البكتريا
ونصيحه اقدمها لكل زوجه ترى لاتحاولى تدخلى يدك فى منطقة المهبل عشان تنظفيها بالعكس انت بتدخلى البكتريا
الموجوده فى يدك
ومهم جدا هذا الكلام(ترى اللعاب فيه بكتريا متعايشه فى الفم بشكل طبيعى لكن مو ممكن انها تتعايش فى مكان اخر فى الجسم)
الى فهمتنى لو حصل شئ من هذا القبيل فالافضل بعد الانتهاء غسل العضو بالماء والملح او بمطهرات طبيه
يعنى للوقايه والحذر

الله يعينج ويعين زوجك معاك

وأستحملي عشان خاطره

ولا بعدين بتندمي وساعتها ما بيفيدج الندم .

ما اقدر ازيد على كلام البنات شي ...
كفوا وو فوا ....


امسكي ريلج قبل لا يفوت الاوان ..
انا يوم شفت اني مقصره في حق زوجي من العلاج ...بدون تردد ...
استقلت ...

وشفت ان ريلي احسن من راتب شهر كامل ...
انا ما اقولج استقيلي بس لازم توفين بين الاثنين والاحقيه لزوجج ..

الله يعينج عزيزتي

وحاولي تاخذين اجازه عالاقل يوم واحد .. وتعطينه حقه واطيبين بخاااطره

وبعدين حاولي اطبقين بنصايح البنات

وبالتوفيق ان شاءالله

حبيبتي
انا لي سنتين متزوجه
وبداية زواجي صار لي كذا...
كنت اخاف شوي بحكم اني ضليت اتالم
لمده طويله
وكله من الخوف ولاني اشد جسمي
ولما يجيني زوجي اتحجج تكرمون بالحمام او اي شي احاول
الهي نفسي باي شي لين ينام
وجلست على هالحال شهر تقريبا
بعدين صرت اشوف الفرحه فيه لما اعطيه اللي يبي
وصرت اضغط على نفسي
ولو كنت تعبانه وما اقدر ما اخليه ينام
وهو زعلان مني ارضيه بقد ما اقدر
وبعد فتره اسوي له مفاجاه
من هالليالي الخرافيه
اللي البنات مو مقصرين فيهم
وابسطه رغم اني اتالم وما احس باي متعه
بس اهم شي علي زوجي...
صح اتالم واحيان ابكي بقلبي
بس تنسيني فرحته لما اريحه
والله تسوى الدنيا ومافيها
حبيبتي مدام انتي تحبين زوجك لاتحرمينه منك
وبعدين حاولي لو كل يومين تضغطين على نفسك...
وسوي حركه لبسي واكشخي له
حسسيه بحبك له
لاتطنشينه
وبعدين ترا المتزوجين يتكلمون مع بعض بهالامور.....
فلا تفرطين بزوجك وتخلينه يروح لغيرك لاقد الله
لان الرجاااال يمل ويطفش
وهو زي الطفل محتاج اهتمام ومو دايم تحسسينه انه هو بس اللي يبغاااك
حسسيه مره من المرات انك تحتاجين منه ضمه شي من هالقبيل
تفهمين طبعا
اتمنى لك السعاده.........
وحاولي خلال الاسبوع هذا
تتغيبين عن المدرسه يوم واحد واتجهزي وسوي الغداء
ولما يجي قوليله انت اهم من اي شي
وصدقيني بيطير من الفرحه........
اتمنى تستفيدين من معلوماتي البسيطه
واسفه للاطاله