مشد للبطن بعد الولادة

ممكن تاخذين من الصيدليات وفي نوع حلو ((حزام)) في شيكو
اذا ربيتي طبيعي تقدرين تلبسينه عقبها بعشرة ايام

أختي ممكن توضحيلي أكثر ما فهمت أسم الحزام شيكو احصله في الصيدليات بكم سعره
وشكرا

ربط البطن بشدة بعد الولادة يؤدي الى سقوط الرحم واذية الكليتين ..

وربط البطن اذا تم يكون برباط خفيف ولفترة مؤقته الى ان تستعيدي صحتك وعافيتك وتبدئين فى ممارسة الرياضة ( رياضة البطن ) فالرياضة هى التي تشد البطن نتيجة لشد عضلاتها ..

مشد البطن يبيعون في الصيدليات خاص بالحمل أنواع فاختاري الإيناسب جلدج

وبعد فيه محلات تبع مشدات على شكل شورت وايد ممتازه وحلوه ...جربيها بتنفعج

وانا سمعت بعد الولاده بعشر ايام يفضل لعب رياضة البطن

أحس صعب على الوحده و هي في الاربعين انها تلعب رياضة..
انا ناوية استخدم المشد لمدة شهر عالأقل و بعدين ببدأ بالرياضة.. ان شاءالله ..
شابفة في البيبي شوي مشدات.. بس يمكن اللي في الصيدليات أحسن..

بنات نصيحه مني لكم لا تربطون بطنكم...بس اللبسو مشد خفيف ومايضغط بشده على البطن...

انا كنت اربط بطني واللبس مشد ولين الحين حالتي الله العالم فيها..

والله أنا الربط ساعدني لأني كنت قيصرية.. الممرضة هي اللي نصحتني عشان أقدر أتحرك بسهولة أكثر .. يعني مب عشان الشكل
لكني بعد شهرين قمت أمارس رياضة بطن خفيفة وايد.. تقدر الوحدة تمارسها عقب اسبوع من الولادة ببطء وهدوء .. وشوي شوي تزيد
حسب كتاب الفراشة.. وأعتقد إن المشي وايد يفيد حتى لو ربع ساعة كل يوم.

انا عن تجربه احس رباط البطن ضروري وبعدين بعد شهر ممكن تبدي تسوي رياضه بس اهم شي اربطي :yes:

انا بقولج من وين تاخذين المشد.... اذا كنتي من الامارات بتلقينه في سوق اسمه ام جبور في العين كله حق الملابس الداخليه شي عندهم مشد وسعره 200 او اقل ماذكر والله بس سيري وشوفي.

هلا بالعرايس
المشد وايد خطير على البطن
انصحكم بالأبتعاد عنه ومزاولة الرياضة

هلا خواتي أنا جربت المشد بعد الولادة بأسبوع تقريبا .........والحمدلله ما صالي شي