كبف واجهت أول تطعيم لطفلك

موضوعك حلو ياأختي،، سوف أحكي لك تجربتي مع أبني،، طبعا أخذته أنا ووالدتي،، المسكين ضربوه وصاح،، عطيته مباشرة بندول، بس المسكين صخن لمدة 3 أيام،، وكان كل فترة يبكي في أول يوم...

انا ولدي اتذكر اول تطعيم عادي الحمد لله ما سخن، بس التطعيم اللي بعده الممرضة طعمته بطريقة غلط خلت ريوله مورمة وعنده تطعيم بعد لما يكمل السنة باذن الله

السلام عليكم ورحمة الله وبركاته

هلا بيكي أختي

بكره بتتعودي على التطعيم...ما تخافي منه...تشوفي ابنك يتطعم لمدة نصف دقيقة...أو لا سمح الله تشوفيه مريض بمرض زي شلل الأطفال و غيرها...

لازم تخلي قلبك قوي...لسه ابنك صغير...و إن شاء الله بكرة ياما تشوفي...

راح يمر عليكي زكام و سدة نفس...و سخونية و إسهال و مغص...

و إحنا الأمهات علينا نتحمل...صحيح كلنا في الأول انهرنا...بس لازم شوية إرادة...حتى هو لما بيشوفك معاه...و تبتسمي له...بيرتاح...ما كنتي تركتيه لوحده يواجه الموقف...

أكيد كان نفسه في حضنك اول ما أخذ الإبرة علشان تطمنيه...

عن نفسي...أنا اللي مسكت رجل بنتي و هي تاخذ التطعيم...و صرت أقول لها ياللا يا ماما علشان ما يكون في أمراض...صرخت أول ما أخذت الإبرة...من المفاجأة...لكن علطول أخذتها في حضني...و ضميتها...لحد ما هديت...

الله يخلي لك منذر إن شاء الله :)

السلام عليكم ورحمة الله وبركاته

والله ذكرتيني باول تطعيم لبنوتي ...كنت احاول مع امي تجي معاي وهي من اماره و انا في دبي..بس ما جت معاي رحت و انا اقرا عليها واطمن نفسي ومحد كان معاي غير ربي..والحمدلله كنت اقولها نفس الاخت مرموم عشان تكونين قويه وما يصيبج شي اسم الله عليج..والحمدلله مسكتها و اخذت الابره بس صديت وجهي عشان ما اشوف و بنتي صرخت من المفاجأه و الحمدلله بكت شوي
وعقب طبعا حراره و سخونه كمن يوم والحمدلله....
وفيه تطعميات ثانيه بس الممرضه ايدها قويه على بنتي حتى ما كانت تقدر اتحركها فديتها والله...

يلا الحين تطعيمه السنه الاسبوع الياي والله يستر.............

السلام عليكم ورحمة الله
بالنسبة لاول تطعيم لتوتى ابنى فضحنى وهو بيصرخ مفيش مرة خدته للدكتور وخرجت الا والناس كلها منتظرة تشوف الطفل اللى عامل كل الازعاج ده ومش عايزة اوصفلكم اد ايه تعب من كتر الصريخ وطبعا حرارته طلعت بس اديته تمبرا وعدا التطعيم بسلام اما شيكو والحمد لله خد التطعيم وحرارته ارتفعت بسيط وخد بقيه اليوم نوم وربنا يستر عنده تطيعم بعد شهرين السنه والنص وهبقى احكيلكم عمل ايه

مشكورين على قصصكم و ومواقفكم إلي تعور القلب
وبالنسبه للأخت مرموم ( أنا بعد ماولدت إبني بإسبوعين صاده زكام وسعال بس بدون إرتفاع في الحراره وهو كفايه عليه المغص إلي من ولدته للحين مو راضي إخف عنه لين ما ألحين خف إشوي بعد ماقرأت عن ذكر بعض البنات عن دواء المره عن المغص وأمس كانت معركتي مع الإمساك وبطنه كان جدآ يابس كسر خاطري إعصر بس ماكو شي ولونه إصير أحمر والله إعينه للأيام الجايه شبنشوف بعد .

يالله وين باقي أمهات المنتدى مايحكون لنا عن قصصهم ولا تبخلون علينا !!!!!!!!

صج هالموقف صعب اول مره على كل ام

وانا تجربتي الاولى مع ولدي يوسف الله يحفظه كنت ميته من الخوف ممب قادره اشوفه وهو يطعم فخليت

زوجي هو اللي يدخله ويخلص من الموضوع لأني ما احب اشوفه يصيح فجأه والمسكين ما يدري ان بيتطعم

فلمه يكبرون اعيالي وفهموا لازم اقول لهم انه في تطعيم اشرح لهم كل شيء عشان ما يتفاجأون

ومااشاء الله عليهم يكونون خلاص فاهمين شليراح يصير وما يصيحون يعني لازم لمه يكبر الولد او البنت

تفهمينهم وتشرحين لهم عشان ما يتفاجأون لا تقولين لا ما راح اقولهم شلي بيصير بالعكس مثل ما قلت

تقولين لهم كل شيء وانا عن نفسي احسسهم حتى بالالم عشان يعرفون بتسألون اشلون

يعني احط يدي واقرصهم على خفيف وانا اضحك معاهم علشان يفهمون نوع الالم موش يتفاجئون واتمنى الكل يستفيد من تجربتي

ومن طريقتي

تحيــــــــــــــــــاتي لصاحبة الموضوع

اما عني فقد اخذت عمتي معي في اول تطعيم، لأن الطفل ذو الشهرين يصعب حمله وحمل مرفقاته بواسطة شخص واحد خصوصاً في فصل الشتاء :s

مسكت رجل ولدي و ( غاورت ) انا لين تضربوني ابرة ما اقدر اطالع فما بالج بولدي حشاشة يوفي على قولة بجعة.. :D

اكيد مات من الصياح وقت الابرة بعدين حضنته وهدأته، ولما رجعت البيت نيمته على الجنب الثاني مو اللي ضربوه فيه
ومباشرة عطيته الادول حتى قبل لا ترتفع حرارته لأن ولدي من النوع الي تتاخر عنده الحرارة لما ترتفع..

ظل يومين وبعدين راحت السخونة والحمدلله ما نتفخ عنده مكان الابرة...

بس التطعيم الللي بعد الممرضة المهملة لصقت البلاستر مكان الابرة ولما رجعت البيت اشوف سطحها مب مستوي.. بطلتها والا نتفة معدنية من غطاء المصل اللي عطت منه ولدي فيها !!!!!!!!!!

اشوى انتبهت قبل لا تأذي ولدي... ومنها صرت اكثر حرص على مراقبة كل شيء ,, وعدم الاعتماد على المستشفى مهما كانت سمعته قوية... لأن الممرضات بشر وجل من لا يسهو...


اللي اشوفه ان الام في بداية عمر ولدها كل شيء يخليها تنهار وتصيح... ابرة تطعيم .. مغص .. سخونة.. اشعة للياهل عشان الاطمئنان..
بس بعدين تتعود ويصير شيء عادي عندها..

من جذي اقول للامهات قوو قلوبكم من البداية,,
لأن مردكم بتصيرون جذي :)

ذكرتوني بما مضى، أنا اختي قبل تطعيم بنتي كانت تقول لي ضروروي تروحي معاها علشان بعد التطعيم مباشرة ترضعينها علشان تهدأ، بس للأسف كنت مريضة وراكدة في المستشفى وقتها، ودتها حماتي بس كنت على اعصابي لدرجة الانهيار، وكل ما يجيبونها لي واشوفها مسخنة اسخن معاها والله وطول مدة الزيارة واني اصيح لاني مو معاها في هالظرف خصوصا ان هذا اول تطعيم لدرجة اني اضربت معدتي بكل غريب ويوم جاني الطبيب على طول سألني (تحاتين بنتج؟؟؟) اتوقع ان هي في ايدي ايمينة ما في داعي للقلق ومحاتاها هو اللي ادى الى اضطراب المعدة.:confused:

أول تطعيم كانت قطرة وأبرتين... أول ماالدكتور اعطى صُهيب القطرة في فمة صاح وانزعج فقال الدكتور طيب ايش بتسوي مع الابرتين هاهاها.. وقتها انا كنت اراجف لأني بطبعي ماأحب الأبر وأخاف منها...

قام الدكتور اعطى ولدي الابرتين كل وحدة في فخذ وقام يصيح بشكل يقطع القلب...

أعطاني الدكتور مرهم أدهن فيه المنطقة حتى لا يجيه ورم ويتعب.. وكمان دول للسخونة ((أدول))

بالليل جت السخونة وتعب 3 أيام وهو مسخن وانا حالتي حالة ..لكن الحمدلله

من جد قلب الأم كبير على أطفالها ..الله يخلي لنا أمهاتنا

تسلمون ياأمهات والله سوالف التطعيم والمرض تقطع القلب والله إعينه لين كبروا تربيتهم بتكون أصعب

وبإنتظار المزيد من قصص الأمهات مع أطفالهم

اول مره رحت اطعم سعودي
بقيت امووووووووت رحت عندي امي واخذتها معاي
حبيبي كان قاعد يطالع يمين ويسار وعيونه تفتح وتغمض مايدري شنو راح يصير فيه
لما عطته الابره بدأ بالبكاااااااااااااااااء
وكاد ان يتقطع قلبي ....


دمتم سالمين
اختكم شريفة

أشكرك أختي شريفه على مرورك الكريم

انا شردت خليته عند الممرضات اول مره واخر مره اروح

انا كل مواعيد ولدي اروحها مع زوجي ..
طبعا اول تطعيم مثل آخر تطعيم .. اكون مثل معظم البنات يوم بيضربونه الابرة مسكت ريوله للممرضة ودرت براسي الصوب الثاني لان ما لي قلب اطالعه واسمع صياحه يقطع القلب ..
بس اكثر مرة قطع قلبي وقعدت اصيح بعد كان يوم تطهيره " وكان في المستشفى الاميركي " لانه كان صغير وكان من بين الاطفال اللي طهروهم في ذاك اليوم هو اكثر طفل صاح .. ذوب قلبي المسيكين :cry:
واذا مريض وبيطقونه ابرة بعد " طبعا ما يعطون ابرة الا في الخاص " كنت اخلي زوجي يمكسه لان دايما الدكتور هو اللي يعطيه الابرة ، الحين هو نهاية هالشهر بيكمل السنتين وعنده موعد في المستشفى .. والله يستر من هالموعد

الله إساعدك يا ماما حسون وإساعدك وإصبرك على الموعد الجاي

بس أهنيك على شجاعتك على الأقل رحتي وياه ووقفتي ويودتي ريله مو آنا مول خليت أمي تروح وياه

بس أهنيك على شجاعتك على الأقل رحتي وياه ووقفتي ويودتي ريله مو آنا مول خليت أمي تروح وياه

هههههههههه

انا في اول موعد لولدي قلت لزوجي يمسك ريله للابرة بس هو قال لي ما يصير لان الممرضة اللي كانت بتعطيه الابرة بحرينية ويمكن ما ترضى ان يوقف جنبها رجل .. قال لي انا اروح امسك ريله ، ومن يومها دايما اللي يعطونه الابر ممرضات بحرينيات فلازم انا اللي اروح امسك ريله ..

يعني غصبا عني مو من طيبي (r)

هاهاها:dd: زين كان لصالحك هالشيء ألحين اعتقد خلاص تعودتي يعني

انا اول تطعيم لبنتي اخذته ونامت في سابع نومة 24 ساعة يوم كامل وكان عمرها شهرين اما تاني تطعيم 4 شهور هو ده اللي تعبت اولا فضلت تصرخ ومزمزئة ومش طايقة حد قدامها وبعدين وانا باطعمها كانت بتعطس فنصحوني استنى لحد ما تخف بس انا ما صبرتش وطعمتها وكانت النتيجة ان البرد زاد عليها ورجلها يا حبيبتي ورمت واحمرت بعملت لها كمادات مياه ساقعة وكمادات مياه مدوب فيها نشا والحمد لله ارتاحت عليها ويا ريتني عملت كده من الأول زى ما نصحوني من قبل ما تورم