القماط يشعر الطفل بالأمان

مهايات الله يقومج بالسلامه

صدق اول مره اسمع هالمعلومه
اتعرفين دكتورنا في الجامعه يقول
أن القماط يقوي عضلات اليد لان الطفل يقاوم القماط
لما يحاول يفتحه

مشكوره اختي نور على ردج للموضوع والله يقومج انتي بعد بالسلامه انشالله

مشكوره اختي مهايات
كلامج صحيح

اصدقون اني يوم اقمط ولدي احسه يرتاح وينام

و بعد يسهل علينا شل الطفل

بالفعل انا يوم الف بنتي احسها ترتاح وتنا م زين ....

شكراً اختي مهايات على المعلومة..

وفعلاً امهاتنا من اشد المؤيدات للتقميط...

لكن انا اشوفه تعذيب للطفل خصوصا لين ينربط بالحبل..

اشوف القماط اللحاف او الكوفلة يلفونها عليه زين ما زين كفاية..

انا مع الاخت جمانة فعلا القماط يعذب الطفل وخصوصي اذا كان القماط 24 ساعة ما ينفك الا للتغيير متل بعض العادات انا بئيده بس بالليل وغير هيك لا
بعدين الطفل برحم امه ماهو مربوط لا بالعكس اذا تلاحظون البيبي برحم امه كانه يسبح وتشوفوه يتحلرك كتير مرة ساجد ومرة يحرك رجليه ويداته
انا هدا رأيي اذكر اني بكيت من قلبي لما حماتي لفت بنتي وشدتها وكمان بعد اللفة ربطتها بزنار وانا صرت ابكي من قلبي حسيت بنتي كانها شرنقة دودة القز:dd:

موضوعك حلو اختي ومثير للجدل يعطيك العافية(f)(f)(f)(f)

بسم الله الرحمن الرحيم
السلام عليكم ورحمة الله وبركاته


مشكوووووورة الغالية على الموضوع الحلو
ذكرتينا بأيام اول
ولين الحين الصراحة يقمطون الياهال عشان يرتاحون

و

مع تحياتي لج
deeeeeeeeeeb

من واقع تجربتي مع بنتي كانت ما تعرف تنام الا اذا لفيتها، لان اذا ما لفيتها من تلمس ايدها اي جزء من جسمها تخاف وتقوم من النوم. ودمتم سالمين

ايش يعني تقميييط ؟؟؟

التقميط يعني لف الطفل بقطعة من القماش
أنا مع تقميط الطفل وقت النوم الرئيسي لأنه يساعده على النوم الهادئ و المريح و النوم لمدة أطول
أما في القيلولة مو ضروري يتقمط لأن من المفروض ياخذ راحته
تحياتي
أختكم راوية

مشكورين خواتي على مروركم وردكم للموضوع
التقميط وايد زين للمولود بس مب شرط طول الوقت يكون مقمط

ههههههههه ذكرتوني كنت من اشد المعارضين للتقميط احه تعذيب وقتل لحريه الطفل .. بس الظاهر الطفل الياي بينشد عليه القمااااااااااااااااااااط

الله يسهل عليج ياماروكوووو وتشوفين البيبي وتقمطينه

التقميط بالليل فقط.. وبالنهارخلي الطفل براحته:smile:

انا بعد كنت اعارض التقميط بشدة ، بس عن جد اشوف امي تشجعه وتقولي انه وايد زين وينام ع طول بس امي تقمطه،باذن الله ولدي الياي بقمطه من العدل

بنات .. لا تقموطون الياهل .... انا اقولكم هالشي عن نصحيه والدتي لأنها ممرضه ... ودايما الدكاتره ينصحون الامها ان ما يقمطون عيالهم ,, والسبب أن بعض الاطفال يصيدهم اعوجاج بالرجل او اليد .. بسبب الشد على القمط .... وبعدين الطفل في بطن امه على كلام الدكتوره في بطن امه ينام ويصحى من غير قمط ولا شي ..... وحتى بالنسبه حق النوم اليهاهل يرتاح م غير قمط أكثر ... نصيحه لا تقمطون اطفالكم .... ترى المسأله جداً مزعجه للطفل .. يا بنات .... حتى صديقتي ... كانت تقمط ولدها .. بس بعد ما نصحتها امي .. الحين ما تقمط ولدها ولا شي والحين عمره 8 شهور ما شاء الله عليه ,, مافيه الا العافيه ..... في اطفال صادهم خلع بسبب القماط فإحذروا الحذر من القمط .. وبعدين القماط يستخدم للف الطفل بشكل خفيف وذلك للتدفئه ليس اكثر ولا يتم الشد عليه ... وبأمكانك الباس الطفا قفاز اذا كان يخاف من يده ....
بالنسبه انا ماراح اقمطه ولا شي .....
تحياتي لكم

انا ماحبه خاصة النوع القديم اللي يلفون البيبي وبعدين يستخدمون الخيط واستغربت يوم شفت ناس للحين يستعملوه
اكره شي علي اشوف بيبي ملفوف وما استانس بشكله وهو يلاعب ويتمغط .. ناس يقولون انه يشد رجله ويده عشان تقوى بس انا اشوف الاجانب ما يقمطون وعيالهم كأنهم البخت ( حلوة ذي البخت ) .. ليش عيالنا نحبسهم ويصيرون فديتهم مثل الشرنقة يكسرون الخاطر

رغم اني لاحظت ان الطفل لمن يكون نعسان وينلف بالقماط يهدأ وينام ويسكت بعد

لكن ماادري ماشكلي بلف عيالي ودي دايما يلاعبون ويرفسون كفاية عليهم 9 شهور في البطن
الله يستر لين يوصل ولي العهد الا انا مجهزة الف تجربة له >>>>>>>>> مساكين اللي بجيبهم

أنا مع القماط بس مب 24 ساعه

صحيح انا بعد مع القماط

بس مو طوووووول اليوم

لا المفروض

يعطون البيبي فترات يلعب ويرتاح فيها بدون قماط