بنات عمان وخاصه مسقط

هــلا الغاليـــة دودي بس حبيبتي أنتي ما حددتي
كم مهرك بالضبط... يعني هل 6500 أو النص... علشان نقدر نساعدك

إلي اقصده انه هذا المبلغ إللي يقدر يدفعه حال كل شيء من مهري ومستلزمات الثانيه يعني مهري تقريبا بيكون 4000 او اقل لاني مثل ما قلت بعده ما تقدم رسمي بس حاجزني....وإللي قدر يوفره لحد الحين هذا المبلغ 6500 بس حال كل شيء

عزيزتي دودي بس المبلغ قليل مرة برأيي انك تسوين حفلة عرس بسيطة عشان تختاري اثاث روعة واكسسوارات راقية لغرفتك وتشتري حاجات حلوة حقك لانك عروسة ( مثل الميك اب والعطور والدخون والملابس ) وهالاشياء اهم من ان العرس يكون فخم !!

هذا رأيي

وبانتظااارك

والله ما ني عارفه كيف اتصرف :cry:

بنات ساعدوني ارجوكم لا تتخلوا عني

والله ابغى اساعدك بس معرف كيف

ان شاء الله بنات عمان يساعدوكي يلا يا بنات بلادي وينكم

لاني ما عندي خبرة بهالاشياااء

بس لازم تتخلين عن بعض الاشياء عشان تشتري اشياء اهم

وانتي حددي اليوم وش اولوياتك
واحذفي الثانويات

وبالتوووفيق

حبيبتي دودي شو تقصدين 6500 ريال عماني او اي عمله عشان نقدر نساعدج اكثر

شوفي حبيبتي لا تشتري ذهب كثير لأنك ما راح تلبسيه دائما بس أشتري أكسسوارات بكل الألوان.
يعني خلي 2000 حال الذهب وإذا قدرتي أقل يكون أحسن.
أنا رحت الشارقة وأشتريت ملابس وعبايات وما كثرت من الملابس لأني عارفة أني بملهم باشتري غيرهم.ممكن تحجزي عند مركز الليلك للتجميل حال المكياج والتسريحه.
وحق العرس ما لازم تحجزي في فندق أحجزي في الأطلاله في الخوض أو قاعه PDO.
الفستان من الزبرجد
الحناء عند القيثاره
الكوشه روحي السيب وبتحصلي محلات كثيره تسوي كوشات بأسعار مناسبه
الدجي عند شخص أسمه صالح بس ما أعرف أسم المحل.
وشكرا

اختي العزيزة قسمي المهر مثل 2000 للذهب 1000 لملابس + شنط + احذية والتفصيل اما الصالة شوي احسن صالة وارخص شي ام التصوير خلي احد من اهلك يصورك لان استخدام احد من المحلات ليقوم بتصويرك قد يحتفظ بصورك دون ان تعرفي ذلك هو الافضل واحد من اهل يصورك ويعرف استخدام الصور اذا بقي 1000 للكوافير ممكن عند سحر او سارة اوعند زلفى مثال الحلاوة + البخار + التسريحة+ المكياج كلة خلية عند نفس الكوافير حتى يكون ارخص واقل التكلفة شوفي احسن شي اسئلي الكوافير عن تكلفة هذه الاشياء . الملابس روحي عجمان مصانع عجمان فيها احسن الملابس النوم والقمصان والتنانير والسعر ممتاز والشارقة الملابس المخورة اي جلابيات واختاري احسن الاسعار والتصميم اختاري القماش الشيفون والقطن .

صح انه 6500 مبلغ بس لو خططتوا اكيد بتقدروا

تسلمون حبيباتي على المساعده....والمبلغ بالريال العماني

بس هذا المبلغ يشمل كل شيء من طق طق لسلام عليكم

هـلا الغاليـة شوفي ابدأي بالذهب اذا كنتي تحبي الذهب واشتريلك بقيمة 2000 أو أقل مثلا 1800
الاشياء الاساسية مثل العقد, البناجري, الويلات, وخواتم و اسوارة... >> نصيحة لا تكثري من الذهب راح تمليه

وبعدها ابدأي بالملابس اشتريلك قماش ورحي خيطيهم سواء للمخورات أو الجلابيات أو الفساتين
وروحي مزون راح تحصلين أقمشة حلوة للبس العماني وللجلابيات والفساتين >>> وخصصيلهم مبلغ 500 أو أكثر على حسب نوع القماش

اشتريلك ملابس وقمصان نوم وعطور ومكياج لا تكثرين منه لانك راح تسافري
حتى النعلان لا تكثري منهم >>> وخصصيلهم مبلغ 300 أو اكثر


احجزي عند زلفى أو سحر العزاوي أو نادية العوفي

الدي جي أعرف واحد اذا تريديـه أرسلك اياه على الخاص

فستانك روحي مجمع المعولي في السيب والكوشات أيضا في السيب



بالتوفيـق أختــــي

ما قصرتوا عزيزاتي في مساعدة اختنا..

هلا عزيزتي دودي...

هذا يباله تفكير وتقسيم.. بفكر لك واحاول اقسم واتكتك وبرد مره ثانيه

الله يتمم لك على خير

لي عوده

من ناحية الفتسان فستان بنت خالتى وايد حلو فضيع جدا بس 250 ريال مع كل شى مع السسوراتى لولو وذهب ايرانى علية كامل وحتى مسك اليد تكون وطرح ااااااوف على طرحة فضيعة واذا تريدينى مكياج وتبين تتغغيرين روحى عند سمية الريامى تغيرك وعلى ضمانتى لانها صديقتى 100 ريال المكياج العروس واذا تريد تسوين حمام مغرب وحمام تايلندى كلة كامل تقشير الجسم لمدة تقريبا حد عرسك تقريبا 300 ريال واذا تبين اي شى حاضرين ومن ناحية الذهب اشترين ذهب تلبسينة

باااااااااااااااك

نصيحتي تقسمي الميزانيه على حفلة زفاف فقط يعني مو لازم حفلة حناء لان التكاليف بتكون اكبر...

وبالنسبه للقاعه ممكن تسوي في جمعية المرأة العمانيه او قاعة اللولو بروي او مثل ما قالت وحده من الاخوات اذا كنتي تعرفي احد في PDO ممكن تستأجري القاعه اللي عندهم.. اسعار هالامكان الثلاثه ما اكثر من 350 ريال لليله...

الدي جي خصصي له قيمة 100 ريال تقريبا وهذا لليله وحده..

برأيي بالنسبه للاكل لا تسوي بوفيه لان تكاليفه اكثر فالافضل انك تطلبي اكلات معينه ويغلفوها وتوزعوها للمعازيم... وخصصي له تقريبا 400 ريال

الكوافير (تسريحه ومكياج) في كريستال والسعر تقريبا 100 ريال

تفصيل عمانيه (قماش وخياطه) تقريبا بيكون 200 ريال

ولا تكثري من الذهب خاصة اسعار الذهب الحين ناااااااااار

وتحت قائمه لمشتريات العروس شفتها في احد المنتديات وسجلتها عندي وحبيت افيدك بيها واتمنى انك تستفيدي منها وحاولي انك توزعي الميزانيه عليها وما لازم تاخذي كل هالاغراض... يعني حطي كليك على الاغراض الضروريه واعطيها الاولويه..

§ قمصان نوم.
§ ملابس داخليه.
§ جلابيات تطريز
§ ملابس قطنيه للبيت.
§ ملابس جاهزه
§ ملابس السهره جاهزه.
§ عبائات + شيل.
§ شلح.
§ شنط + نعل.
§ دخون عود
§ دخون البيت.
§ حطب عود.
§ صينية عطور لوشن.
§ صينية عطور زيتية.
§ عربانه ذهبيه و فضيه.
§ غرش فاضيه للعطور الزيتيه + البخور.
§ عطور زيتيه.
§ عطور لوشن.
§ دهن العود.
§ كريم للجسم.
§ ليفه للجسم.
§ طقم بروش للشعر.
§ طقم فوط.
§ عدة مكياج.
§ عدة فرشاه للمكياج.
§ شنطة طقم كبيره + متوسطه + كبيره.
§ مكياج
§ عدة اظافر.
§ مقص
§ استشوار.
§ اسبريه.
§ اسيتون.
§ حلاه للشعر.
§ مشقر للشعر.
§ مزيل مكياج.
§ ملطف للبشره.
§ قطن.
§ عدة خياطه.
§ مقابض للشعر.
§ سجاده.
§ مصحف.
§ جمر يريع الشعله.
§ ذهب.
§ ساعات ماركه.
§ البوم العرس.


أعمال العرس:

§ حجز الكوافير (مكياج + التسريحه).
§ حجز الفستان.
§ حجز القاعه.
§ حجز الكوشه.
§ حجز المصورين.
§ حجز الحنايه.
§ حجز الفرقه.
§ حجز الكروت.


ممكن تاخذي الجلابيات من شيتل فيه فرع في روي وفرع في مجمع العريمي...

وبالنسبه للاثاث ممكن تنتظري اي محل اثاث يعمل تنزيلات وروحي وشوفي الغرفه اللي تحبيها (مهم تكون غرفه حلوه وترتاحي لها يعني لا تاخذي اي كلام)..

وبالنسبه لأدوات المطبخ ممكن تروحي محلات سلمان اغراضهم حلوه ومضمونه... وادوات البيت والزينه في ستي بلازا بتحصلي تشكيلات رووعه... نفس الشئ ممكن تنتظري التنزيلات وروحي واختاري...

ممكن تروحي الامارات وتاخذي الشيل والعبايات والملابس من هناك..

وسلاااامتك
واذا فيه اي شئ ما واضح.. خبريني
اتمنى اكون افدتك ولو بشئ بسيط
واذا تذكرت اي شئ برد واحطه
والله يتمم لك على خير

تحيااااااااتي

NoOr ALYaQeEn:
من ناحية الفتسان فستان بنت خالتى وايد حلو فضيع جدا بس 250 ريال مع كل شى مع السسوراتى لولو وذهب ايرانى علية كامل وحتى مسك اليد تكون وطرح ااااااوف على طرحة فضيعة واذا تريدينى مكياج وتبين تتغغيرين روحى عند سمية الريامى تغيرك وعلى ضمانتى لانها صديقتى 100 ريال المكياج العروس واذا تريد تسوين حمام مغرب وحمام تايلندى كلة كامل تقشير الجسم لمدة تقريبا حد عرسك تقريبا 300 ريال واذا تبين اي شى حاضرين ومن ناحية الذهب اشترين ذهب تلبسينة

مرحبا الغالية بس حبيت أسألك الفستان للبيع أو ايجاره 250 ريال

تسلمون حبيباتي والله ما قصرتوا.....يعتمد عليكم الواحد.....الله يوفقكم ويسهل عليكم كل اموركم دنيا واخره.....وكل وحده تتمنى حاجه إن شاء الله تتحقق....بنات ممكن اسألكم سؤال....تعرفوا وين ممكن احصل شقه حلوه ونظيفه ونفس الوقت رخيصه تكون في الخوض او الحيل الجنوبيه او الموالح؟؟؟

دودي

أول شئ ألف ألف مبروك مقدما والله يتمم عليكم فرحتكم

|أنصحك أختي العزيزة أنتو بعد الزواج راح أتسافرو للدراسة وأكيد هذي الدراسة تستغرق على الأقل سنتين فما أحبذ انكم تشترو أثاث أو تستأجرو شقة خلال هالفترة لكن إذا كنتي بتسكني مع أهل زوجك وعليك فقط تأثيث الغرفة أنصحك أتاثثيها باثاث حلو وممكن أتحصليه في الذهبية للمفروشات عندهم أطقم غرف نوم صينية اتهبل.

بالنسبة للملابس أكيد أنتو بتروحو للدراسة في بلد أجنبية يعني معظم ملابسك بتكون عبايات اوجلابيب مسكره وتنانير وقمصان وبناطلين وشيل ملونه فهذي اللي نوعي منها بالنسبة للجلابيات المخورة فصلي فقط للأيام الأولى من زواجك .

بالنسبة للذهب حاولي ما أتكثري بالذهب الي ماله داعي مثل ذهب الراس والمرتشحه الي تاخذ كل الصدر هذي الحين محد يلبسها خلاص انتهت يعني حتى في المناسبات الحين البنات يفضلن الأطقم الخفيفة أو الأكسسوارات الي تناسب فساتينهن.

فخذي لك كم طقم خفيفات وخواتم وأساور حلوه مع حلق ولا تنسي تشتري لك سنسلة للرجولك تراها مغريه وحلوه:cool2: ولو حبيتي ممكن تاخذي للرجول الثنتين بعد حلوات

بالنسبة للقاعة مثل ما قالت لك أحجزي فقاعة الأطلال لو كنتي في السيب مش في صالة فندق لآن الفنادق تجي أغلى والأكل ممكن طريقة الأكل المغلف بطريقة حلوه تنفع أهتمي بالتصوير لأن من كل هالفوضى مراح تطلعي منها غير بصورك .
روحي السيب بتحصلي لك مالذ وطاب من الكوش وهم بعد ممكن يوفرو لك مصوره .

بالنسبة للمكياج انتي من الساس شو نوع المكياج الي تستخدميه حاليا ممكن تشتري منه وتزيدي عليه وإذا ما كان عندك خلفيه روحي لمحل مكياجي الي في الستي ستنتر وبتحصلي لك المكياج الي يناسبك هناك بتحصلي بائعات شاطرات يخبرنك بشو الي يناسبك .

للعطور في نفس المجمع السيتي سنتر بتحصلي عبد الصمد القرشي اخذي لك كم عطر مركز وانصحك بخلطة الحجر الأسود عطر مركز وعطر بخاخ
روحي أجمل خذي لك عود ودهن عود في الغالي وفي الي سعرة متوسط مثل دهن عود جذاب روعه
لو كنتي اتحبي عطورات من أريج ممكن بس الحين اسعارهم زادت شوي بس ما يمنع تاخذي لك عطرين او 3 عطور من عندهم .
مثلا أنا عطوري الي مفضله من عندهم كنت أستخدم جدور وبيزون وديور أديكت هذا الي أستخدمه الحين ودولاس فيتا ما مذكره الأسم عدل بس هو كذا وهذول كلهم من كرستين ديور وعندك عطر سينما من أف سان لوران هذا توب عاد بس تقريبا الحين صار سعره فوق ال40 ريال

بالنسبة للبخور عاد خلي الوالدة تتكفل لك فيه و بعد لو تعرفي حد من صلاله أو صور ممكن تطلبي منه يجهز لك خلطتك .


وبالتوفيق إن شاءالله وعاد طمنينا على اخبارك.