مدرسة النور العالمية اشرايكم يا بنات البحرين؟؟؟

درست بمدرسة ابن خلدون تدريسهم اوكي بس اسعارهم غاليه
الحين اكيد الاسعار ارتفعت بس نظامهم اوكي وعالي
والعربي اوكي عندهم

مدرسه النور ممتازه

انا درست فيها

تأسست انقلش فيها معن دشيت نظام عربي
وطلعت عقب ورحت حكومه ومادري حق الانقلينزي من كثر مانا صارت لغتي قويه

وجهة نظر

اذا بتودين طفلش من البداية الى أن يتخرج في مدرسة خاصة وديه ، بس اذا بتودينه وفي بالش انش بتطلعينه وبتودينه حكومية ما أنصح لأن بيتخربط وبيصير على حساب اللغة الأم اللى بيتحاور وبيتناقش فيها اذا كبر

..واذا على الانجليزي الحين مدارسنا من أول ابتدائي يدرسون انجليزي والمعلمات ماشاء الله عليهم منش وفيش مو هنود :ss:

أستغرب من إلي قالت إنه ودت ولدها النور وقام يتلفظ بألفاظ سيئه هالسوالف تصير في كل مكان مو بس هالمدرسه وماتقدرين تحكمين عالمدرسه كلها عشان ولد واحد قال كلمه مو زينه

برجع للموضوع بنتي في النور في القسم البريطاني الشيئ الوحيد إلي لاحظته إنه واجباتهم وايد بس كدراسه وكمعلمين ممتازين وايد يركزون عالياهل ووايد يهتمون وعندهم كذا يوم مفتوح آنه يوم كنت في الحكومه أذكر مره في الفصل يكون يوم مفتوح لكن في النور من أول السنه لي حد ألحين 3 مرات كان عندهم يوم مفتوح

آنه مثلج دار راسي كل وحده تقولي شي مره قالو لي كانو رحت ووديت أوراق بنتي قالت لي المديره لاتربطين نفسج بهالمدرسه لأنه عندنه وايد ياهال عالويتنج لست والاولويه حق إخوان الطلاب يعني السالفه واسطه والحمدلله ماقبلوها لأنه وايد يذمون في هالمدرسه

وحتى النور وايد ذموها ووايد مدحوها لي آخر شي توكلت على الله وسجلتها والحمدلله ماتحسفت بالعكس وايد حابه دراستهم وحتى الضغط إلي يصير على الياهل بسبة الواجبات هم في صالحه تحسين إنه ولدج وايد تطور وكل يوم تحسينه في تطور

أتمنى مايكون ردي متأخر بس نصيحه إستشيري زوجج وروحي المدارس بنفسج وجوفي لاتسألين وايد لأنه كل وحده بتقولج شي

بالتوفيق