شو تشورون عليه ؟

السلام عليكم ورحمة الله وبركاته
يا بنات انا الصراحه ماعرف كيف ابتدي بس قبل لا ابدأ بمشكلتي اباكم تعرفون ان اساس المشكله كان جهل و تحت تأثير عمل (سحر)

انا عمري 18 و طالبه و احين متزوجه و كملت 7 شهور و الحمد حملت ... انا خذت ولد خالتي عن حب و الله يخلينا حق بعض يارب

بس قبل العرس كنت ارمس واحد اكبر عني و هو الصراحه انسان جاهل و غير مثقف و غبي يعني كل المواصفات الي اكرهه في الريال ... و الى هذا اليوم انا ماعرف كيف كنت ارمسه

طبعا رمسنا بعض فتره و عقب يتني فتره و مرضت و امي اتوقعت المرض يكون عين فودتني عند مطوعه تقرا عليه و الحمد الله تحسنت حالتي بواااااااااايد و عقبها بفتره بسيطه قمت احس اني انا ارتكبت غلطه بأني ارمس هالاشكال و انا من النوع الي اكره الشباب و الي يرمسون الشبااااب و اتخيلوا اني يودت التلفون و فتنت عليه و قلتله ماباااااا اجوف رقمك ف تلفوني و بندت في ويهه ... و عقبها هو حس اني ماباه و وقف يدقلي و مسح اسمي من تلفونه

المهم

مره شهور و شهور و عقب وصلني رقم غريب ويوم ارد يطلعلي واحد متخلف يغازلني .. و انا ماقصرت خذت رقمه و عطيت امي عشان تعطيه حق المحاميه ربيعتها... و طبعا افتكيت منه ( هذا واحد ثاني مب الي كنت ارمسه و انا ماعرفه و ماعرف كيف حصل رقمي)
طبعا عقب قامت اتيني ارقام ثانيه و شباب يدقووون و انا طفرت الصراحه و انا ماتوقعت ان ممكن وحده تعطيهم و فكرت ان الي كنت ارمسه قبل هو الي يالس يطرشهم ... قمت انا و طرشت مسج ( السلام عليكم
لو سمحت هل تعرف صاحب هالرقم ؟ و اذا اتعرفه قوله يوقف ولا بطرش رقمه الشرطه)

و عقب طرشلي مسج و قالي ماعرفه و تم يدقلي عقبها

و انا رديت عليه و حاولت افهم منه ليش يتصل ؟؟؟ و انا الغبيه الي طرشت المسج و احينه هو عنده رقمي و الله يستر كيف بتخلص منه
و المهم عقب بفتره بسيطه رجعت عليه و على مكاااالمتنااا و طبعا كنت وايد مضايجه
و صدقوني هو مب من النووووع الي يعيبني و على العكس هو من النوع الي انا دووم اضارب وياهم و مادانيهم

و انا الصراحه خبرت ربيعتي عنه و قلتلها انا شاكه ان حد مسولي شي و هي نصحتني اني اخبر امي
و انا بعدني ما تخبلت عشان اسير اجابل امي و اقوللها والله بنتج ترمس !!!

فوقفت المكالمات و كان يوم يدق كنت احس اني ابا ارمسه و صدقوووني احس شي يغصبني ... مالت عليه و على ويهه ماعرف على شو ابا ارمسه

المهم يتني امي اليوم الثاني و اتقولي ترا ولد خالتج خطبج و انتي شو رايج ؟؟ انا طبعا كنت امووووووووت فيه و هو يحبني من يوم كنا بيبييياااااااااات و قلت موافقه
و ملجت و يوم كنت اتزهب كان حضره الاخ يطرش مسجات تهديد و انا مسويه طاااف لان هالحركات مب علي انا ... و خليت ربيعتي ترمسه و تقوله اني عرست و اجلب ويهك ...
و ثاني يوم اجوف ايميل من الاخ ... يسأل عن احوالي و ماعرف شو .. طبعا انا سويتله طاااااف ( و على فكره هو مايعرف اي شي في الانترنت و انا الي علمته على الايميل)

و بعد العرس ماجفت لا ايميل و لا مكالمه ... فكه

و يوم كنت في باريس في ( شهر العسل ) و كان عيد ميلادي و انا ناسيه انه عيد ميلادي و يالسه و يا ريلي نلعب ورقه ... و ماجوف الا مسج يوصلني الساعه 12 بتوقيت البلاااد و مكتوب فيه كل عاااااام و انتي بألف خير

طبعا المسج منه هو .... انا ما قلت شي و سكرت تلفوني ... طبعا حاولت اغير رقمي فوق المليون مره بس ماقدر لانه الرقم هديه من شخص غالي عليه و هالشخص مات و انا ماقدر اغير الرقم و حتى حاولت اظهر بطاقه ثانيه بس ريلي مب موافق...

المهم كان المسج في شهر 8 و اخر شي اجوفه من هالشيطااان الله يغربل ويهه .... و اليوم و انا ابطل ايميلي ... اجوف حد مسولي اد و الاسم اسمه ..........................!!!!!

يابنات شو اسوي ؟؟؟
تعبت منه اخاف يدقلي و يفضحني و يسويلي سالفه .. مع اني ماواعدته و لا يلست معاه ولما اكلمه في التلفون كنت اكلمه مثل ربيعتي ... يعني اسبه و سوالف بس
و المشكله هو يعرف بيتي .. لان بنت خالتي ساكنه معاي في بيتنا و هي عندها سيارتها و المشكله انها دايما تغازل و تفضحنا و الشباب يلحقونها لين البيت ... و انا عرفت هالشي منه هو .. هو الي خبرني عنها و خلاني اعرفها على حقيقتها ...

و انا حامل و هو اصلا مب مسبب لي اي نوع من الخوف او اي شي
انا احس عادي لانه انسان مب مهم و تافهه ..

شو تشوووورووون عليه ؟؟؟