تجمع للمصابات بتكيس المبايض والمتأخرات في الحمل .... !!

ان شاء الله مجنونة قطر تكوني حامل و انا و الله ما نستكم ابدا بالدعاء كل ما كنت ادعي لنفسي ادعي ليكم جميعا

Bint_ala9ayel

الله يوفقج ان شاء الله .......... و يارب تحملين ها الشهر يتوأم

شمس شمس
الله يرزقج بالذريه الصالحه

بغيت اخبركم اني سويت التلقيح الداخلي البارحه ..... و الحمد الله مر على خير بس الحين لازم اتريا النتيجه ...... و ادعوا لي اكون حامل ان شاء الله

الله يرزقج انشالله يا GIS ...انشالله اتبشرينا بحملج هذا الشهر.........الله يرزقج يا رب العالمين ولا يحرمج انشالله

إن شاء الله يا Bint_ala9ayel

GIS
ان شاء الله تكونين حامل ولاتيأسين يا اختي هذا كله من رب العباد اذا قال كن فيكون

شخبار مجنونة قطر ان شاء الله هي بخير العمليه امس سوتها ان شاء الله بخير

ان شاء الله GIS تكوني حامل لا تقلقي و ريحي نفسك خالص و مش تتحركي كتير

انا عندي موعد منظار بيفجرون الاكياس تاريخ 3_6_2006 وان شاء الله ما برد ليما اشوف شو النتيجه

دراعه

و نعم بالله حبيبتي ........ انا مسلمه امري لله


شمس شمس

حبيبتي ....... انا و الله مرتاحه اخر راحه....... و اتريا اسوي التحليل ..... و يارب اكون حامل

GIS متى موعد التحليل انشالله

الله يرزق الجميع انشالله




ممكن تقولين لنا تفاصيل العمليه
من طقطق لين السلام عليكم:)

الله يرزقج انشالله يا مجنونة قطر .............وانشالله اتبشرينا بحملج يا GIS

مجنونة قطر

تحليل الحمل بيكون تاريخ 10\6
حبيبتي انا كان عندي هرمون التستسترون عالي كثير ..... و ضعف شديد في المبايض .... و حتى المنشطات ما نفعتني ما كان يصيرلي تبويض ..... رحت عند الدكتور يوم الجمعه 18 و انا اول يوم دوره لي كان 10 ( يتني بعد ما ستخدمت الدفستون لأن الدوره عندي مخربطه ) و لما رحت وعملت التحاليل كان الهرمون صاير طبيعي ..... و كان صايرلي تبويض الحمد الله و حجم البويضه 12 ..... عطاني ابر بيويجون و لما و صلت 20 عطاني ابره تفجير ...... و بعده سوالي تلقيح داخلي

المشكله الوحيده ان التبويض كان في جهه اليمين و انا الانبوب اليمين عندي مسدود ..... قالي حرام انفوت الفرصه خل انحاول و اذا ما نفع مالج الا اطفال الانابيب

بغيت ازيد شئ .......... السكان اللي عملته بين ان المبيض اليسار عندي صغير وايد ..... عشان جي ما يحصل تبويض جهة اليسار

Bint_ala9ayel

مشكوره حبيبتي الله يفرح قلوبنا و يرزقنا على قد صبرنا

الله يرزقكم كلكم يا بنات و تحملون هالشهر يارب...انا بدعيلكم من كل قلبي وانا اولد...بس ادعولي الله يسهل علي و يرزقني بطفل صحيح تام الخلقه ...

بس فيه شي بغيت انبهكم له امس سمعته في التلفزيون...كان لقاء مع دكتوره نساء وولاده واخصاب هي الدكتوره جوان مراد..اكيد سامعين عنها....قالت اسوأ شي انه الوحده تبدا تاخذ علاجات من غير ما تعرف اسباب تأخر الحمل...خصوصا الكلوميد...قالت هالاشياء تزيد الطين بله ..ويمكن الوحده ما فيها شي ومع العلاج الخاطئ يصيرلها عقم لا سمح الله...

وطبعا تكلمت عن ان اول سنه من الزواج عادي الوحده ما تحمل يعني بعد السنه تبدا تراجع الدكاتره...

مادري بس لاحظت في المنتدى وايد بنات يستخدمون الكلوميد وانا سمعت اكثر من مره انه ضار اذا الوحده مافيها شي اصلا لانه يخليها تنتج بويضات اكثر و بالتالي بسرعه تخلص بويضاتها و تنتهي خصوبتها سريعا..فحاسبوا يا بنات

[move=left] الله يرزقنا جميعا 000000000000000000 [/move]

سلؤال بس
قبل الجواز
بتحكى لزوجك حالتك لو كنتى عارفاها؟

الله يرزق الجميع انشالله
واللي اسألوا عني

سألت عنهم العافيه ...


وانا للحين في مرحله اوليه من العلاج مره ثانيه لطفل الانابيب والله يتمم ها على خير يارب


بس انا ما كنت عارفه بالتكيس قبل الزواج ..

كنت اعاني من تأخر الدوره وعدم انتظامها ... وهاي الشي زوجي كان عارفه ...

السلام عليكم

أحب أسلم عليكم كلكم وبالأخص عضوات قسم الحمل والولاده:shy:

خواتي المتكيسات حبيت اقول لكم اني متزوجه بكمل سنه تقريبا وماحملت

السبب هو عدم انتظام الدوره لان عندي تكيس في المبايض

عطاني الدكتور كولفاج وطلب مني انزل وزني وماتصدقون يابنات اني ضعييييييييييفه

مرررره

الدكتور عملي تصوير للمبايض وقلي فيك تكيس وضاااااااق صدري مره

بس الحين جلست أفكر وقلت يمكن عندي انسدادات بس ها هاشي يبين اثناء تصوير المبايض

ياريت تجاوبوني ؟؟

والله يابنات اني ادعيلكم وحااااسه فيكم وربي يصبرنا ويعوضنا خييييير

desert_girl

الله يرزقج الذرعه الصالحه ان شاء الله ........ التكيس سبب كافي لمنع الحمل بس اذا كنت تبغين تتأكدين ان مافيج التصاقات في الانابيب ........ لازم اتسوين فحص الانابيب لان التصوير ما يبين الالتصاقات

ولة الهوى

حبيبتي انا صارحت زوجي و نحنا مخطوبين ..... لاني كنت متأكده ان خربة الدوره معناها ان الحمل احتمال يتأخر ..... و بالفعل اتأخر .... و الحمد الله زوجي كان متفهم من البدايه

مجنونة قطر

الله يرزقج حبيبتي بس طمنينا عليج اول بأول

يا رب يا رب يا رب


اختي GIS و مجنونة قطر و ملاك و liwliw

تحملون كلكم هالشهر


يارب يا سامع الدعاء

يارب تبرد قلب اختي GIS إللي صارلها 4 سنين مفوضه امرها لك يارب

أختي Gis

أشكرك على الرد لكن انا عندي عتب عليك

لما قلتي ( ان التكيس سبب كافي لمنع الحمل)

الجمله أثرت فيني مره يعني كان ممكن تقولين التكيس سبب من اسباب تاخر الحمل

انا الصراحه ماتضايقني ابد وبالعكس انا انسانه واقعيه جدا

بس مدري ليه حسيت كلمتك اثرت فيني كثير

حسيت بخيبة أمل كبيره واحباط ضيق صدري

عموما اختي انا ادري انك ماتقصدين

جزاك الله خير