غذاء الطفل سؤال?

هلا ام عبدالله ...
الله يخليه لج ،

الحين ولدك دخل السابع صح؟ اشوف قليل عليه تعطينه بس الفارليز والسيريلاك، لازم اطعمة بعد زيادة عليهم..

حطي ببالج كل ما كان الاكل من صنعج انتي كل ما كان افضل.. ابعدي عن المعلبات قدر الامكان..

بالشهر السادس نبدي احنا عادة نعطي الطفل الروب، وفيه ناس قبل تعطيهم بعد.. بس حاسبي لا تعطينه وهو بارد عن بلاعيمه..
جربي الروب العادي اول، اذا ما داناه، جربي روب بالفواكه ، وخصوصاً بالفراولة، يرغبون له..

بالنسبة للخضراوات والفواكه، خليها وجبة اساسية له كل يوم،
الخضراوات على الغدا او العشا..

والفواكه الضحى او العصر.. كوجبة بروحها

البرتقال عادي تعطينه بس عصير. وخففيه بالماء، فيه يهال يتحسسون منه ومنهم ولدي كلش ما يشده ييصيده اسهال، فراقبي ولدج بعد ما تعطينه البرتقال..

الخضراوات.. عندج الكوسا، البطاطس، الجزر، القرع.. اسلقيهم وحطيهم بعدين في الخلاط مع شوية من ماء السلق وعطيه ولدج..
الفواكه اختاري اللي تبينه ومباشرة في الخلاط بدون سلق.. بس فواكه مثل الكيوي والمانجا لا تعطينه او كلش قليل مع فواكه مشكلة .. يتحسسون منهم اليهال..

بالنسبة للشوربة اتصور مب زين تعودينه على الملح بهالعمر.. شوفي هذا وصفتي للشوربة..

اخذي الجزر وقطعيه مربعات صغار صغار.. مثل الشيء خيار بعد.. وبطاطس.
حطيه بالماي وعليه ملعقة شوفان..
واذا عندج ماء سلق دجاج حطي منه في الشوربة بس بدون قطع الدجاج ، لأنه ولدج بعده صغير اتصور على مضغ اللحوم..
انتظري لعمر ال 9 شهور وبعدين اعطيه لحوم..


بعد شنو؟ ايه تذكرت..

تقدرين تعطينه ماء سلق العيش المصري.. عشان يربرب ( كله من الفجر البعيد علمتني :D )
اممم سويله نشا بالحليب، واذا يرضع طبيعي استخدمي حليب نيدو عشان النشا..

وان شاء الله الاخوات ما بيقصرون معاج اذا عندهم اضافات :clap:

[عزيزتي دلع 7
ادخلي على هالرابط ان شاء الله يفيدك...]


من هنا

اول شي يتربى بعز ابوه وامه
تاني شي اضيف على كلام الاخت جمانة انه
ممكن انك تسلقي التفاح بعد تقشيره وتقطيعه مكعبات وتسلقيه مع مكعبات جزر وقليل من الرز المصري وتحطي معهم تمر او اثنتين بعد نزع النواة
وتسلقيهم مع بعض بعدين تحطينهم بالخلاط
ترى هدي الوجبة بنوتي كتير بتحبها ومفيدة بنفس الوقت
وبالتوفيق

يسلموووووووووووووووووووووووووووووووووووووووووووووو ووووووووووووووووووووووووو
يسلمووووووووووووووووووووووووووو اختي جمانة على توضيحيش الي بعض الاطعمة المفيدة
Wjoud مشكورة على الرابط المفيد
اختي الدمشقية شكرا على الطبخة ان شاء الله يحبها عبادي

السلام عليكم اختي
انا مثلك عندي اول بنوته وعمرها الحين 6شهور ونص
اعطيه الحين مهلبيه لكن السكر خفيف مره وكمان مهلبية النشا هذي تمد الطفل بالطاقه اي محتاجها وكمان تظعين تمر مع تفاح وبرتقال في الخلاط وبعدها تاكلين طفلك بها هذي مفيد جدا لطفل خصوصا ان التمر فيه حديد ومفيد جدا . وشكرا

ما قصروا معاج الاخوات الله يخلي لج بنتج وتتربى بعزج

مرحبااا اختي....

اشوف اكل ولدج خفيف على هذا العمر..لازم تكونين في مرحلة متقدمه يعني تكون اللحوم دخلتيها من السادس
الفطور:
-ممكن تفورين الماء مع نص كوب تمر ونص كوب سميد الى ان يتماسك الخليط وتعطينه اياه دافيء
-بنفس الطريقه تمر مع شوفان ثم تضعينه في الخلاط لانه بيكون فيه حبيبات كبار للشوفان
-اسلقي عيش مصري وبعد ان يستوي حطيه في الخلاط مع تفاح ورقم او رقمين من حليب الطفل وشوي سكر واخلطيه بالخلاط يستوي مثل المهلبيه

الغداء: -اسلقي عيش مصري او بسمتى مع خضار (كوسا-بطاطا-قرع-جزر) وبعد شهر ممكن تضيفين بازيلاء ولوبيا حمراء او مطبوخه..يعني نوعي في الخضار..واذا حبيتي تضيفين قطعه صغيرة جدا من الدجاج او شوربة الدجاج (ماجي)- بس انتبهي اللحم شوي اخريه الي نهاية التاسع والسمك بعد السنه
-سويله شوربه من جميع الخضروات اللي كتبتها وتضيفين ملعقة شوفان...او ملعقه عدس..

العصر: فواكه مهروسه (تفاح-كمثرى-موز) او عصاير

العشاء..ممكن شوربه-او سيريلاك-او معكرونه
مهلبيه او كسترد- او روب مع العيش

وسلامتج

الاخوات ما قصرو

يعطيكم العااافية ع المعلومات المفيدة