شاكه فيه !

مشكورين كلكم على وقفتكم معي واقدر لكم نصايحكم..

بقولكم بس لا تنفجرون علي لاني ادري عن روحي خربت السالفه ما قدرت

لما طلعنا وهي طلعة عائلية قبل لا نطلع قال ليي وش لج خلج في البيت احسن لج والجو ومادري شنو ..

في ردتنا البيت وخواته معانا بالسياره ،، قامت تجيه اتصالات ومسكولات وهو يسكر

قلت له من يتصل فيك يقول مادري..

يوم دخلنا غرفتنا ما قدرت امسك نفسي وقلت له وصارحته نكر هالشي ،، وقال ان وحده تتصل

له من رقم بيت وقام يخبص ليي ،، انا مو مصدقته ،، لو ما يبي يكلمها ما واعدها ولا رد عليها من

أساس ،، وانقهر عليي مع ان التهمة ثابته عليه..

ارجوكم ابى حل ،، انا بعدي على تفكيري الاولي ان اتصل في اهل البنت واقولهم واللا شرايكم؟

والله يعيني ان شاء الله على هالمشكلة..

انا برايي تتصلين على البنت و تكلمينها، و اذا صارت البنت مو كويسه و بتفضل تقابله و تتكلم معاه عاد قولي لاهلها!! لانه البنات ما يستحون على وجههم هذه اليومين!!

الله يعينك على مشكلتك بس ان شاء الله تنحل قريبا! بادعيلك الله يوفقك

نصيحتي لج انج بالاول تكلمين البنت وبهدوء ...وتنصحينها بالابتعاد وإلا راح تفضحينها عند اهلها....طبعا اسلوبج راح يكون له دور كبير خليج حازمه معاه بدون صراخ وعصبيه والفاظ جارحه....لان ترى احتمال تكون مو متربيه هالبنت...وتلقينها على طول تخبر الريال وهو مايندرى شنو راح يكون ردة فعله...سواء معاج او معاها...يعني في احتمال انه يغضب عليج "على شينه قواة عينه" او انه يروح لأهلها ويخطبها "يزهب الدوا قبل الفلعه" علشان ماتقدرين تفضحينها و يقولون والله هذي حاقده لان زوجها خطب عليها.....الله يعينج صراحه...وعسى الله يفرج همك...كثري الاستغفار وان شاء الله الله راح يوقفك

اوعى تواجهيه غير لما تملكى ادلة اكيده لأن الرجاله بيعرفوا يطلعوا نفسهم زى الشعرة من العجينه والله حصلت مع خالتى وطلعهامجنونة قدام العيلة وطبعا محدش صدقها وقالوا بتفترى عليه بس انا صدقتها اصبرى لغايه ما تتحكمى فى زمام الامور ولما تواجهيه ميعرفش ينكر وعموما ارجع واقولك ان بعض الظن اثم ومالكيش غير ربنا وربنا يعينك ويصبرك

[grade="808080 FF1493 800080 4B0082 808080"]الله يعينك

فيه بنات مـــره مو كويسات ,, بس همهم في الدنيا التخريب على الناس

وبصراحه زوجك غلطـــــــان زيها ,, كيف رضى لنفسه يكلم وحده من هالاشكال

ماعندي الا اني ادعيلك ان الله يعينك وينصرك انشاءالله[/grade]

الله يصبرج الغالية
اول شي لا تتهورين وتتصلين لاهل البنت لانة ما راح يمنعون البنت انها تكلم ريلج لا بيقولون هذا شرفنا ولازم يتزوجها

صارت ويا وحدة من صديقاتى كانت شاكة فية فى البداية وبعدين صارحتة بشكها وطبعا انكر ها شي ومع الايام كانت البنت اللى يرمسها ذكية راحت تتصل لصديقتى وتقولها تعرفين انا اسمى فلانة وانا اكلم زوجك وراح نتزوج بعد لو تدرين انة من كثر ما يحبنى سمى اسم بنتك ع اسمى وطبعا هيه انهارت وطبعا زوجها فضل النزوة ع زوجتة وعرفو اهلها وجبروة انة يطلق زوجتة ويتزوج بنتهم وحصل وطلقها وطبعا اهله تبرو منة لين الحين مانعينة من دخول البيت

فكثر ما يحبونها اهل زوجها لانها كانت طيبة معاهم تصورو خطبوها لخوة الثانى وهو كان مستانس لانة كان يقول لما تخطبولي ابغى وحدة مثل مرت اخوى سبحان الله والحين عايشة سعيدة يربى بنت اخوة وطبعا جاب منها ولد

انا استغرب من البنات اللي يقولون كلمي البنت وهاوشيها وعلمي اهلها عليها !!

خطأ اكبر خطأ طيب ليه مانصلح من اللي عندنا قبل لا نصلح من غيرنا

واذا الزوجه كلمت البنت وهاوشتها وهددتها طيب وبعدين !!

مو الديرة مليانه بنات ممكن يكلم غيرها مو معقولة الزوجة بتمشي وتكلم بنت بنت وتهاوش فيها والخراب عندها

والمشكله الكبرى بالزوج خصوصا انه متزوج كيف الزوجه بتصلح من حال البنات يعني الحين البنات هم الغلطانات والزوج لا المفروض توقف الرجال عند حده لأنه هو الاساس بموضوعنا لو سكتت عنه اكيد بيدور على وحده ثانيه

والزوجة لازم تكلم زوجها وتتفاهم معه وتصلح من حاله لأنه هو مشكلتنا الاساسيه وبإمكانه يكلم وحده غير اللي خربت بينهم زوجته

وعلى العموم اختي لاتسكتين عن الموضوع كلميه وتفاهمي معه ولو قلب الموضوع ضدك قولي له طيب انا شفت الورقه وش تبيني اسوي يعني اسكت ؟؟ ولو انا غلطانه طيب فهمني وشهي هالورقه

قولي مو معقوله بشوف مكالماتك واسلوبك وماقول شي قولي شلون ماتبيني اعرف وانا عايشه معك واشوف كل شي

والله يوفقك يارب ويسعدك ويسهل امورك ويفرجها عليك يارب

أختي لا تغلطي نفس الغلط اللي غلطته. ترا الشك بداية النهايه. دامج ما متأكده 100% خلي عنج هالسوالف وحاولي تتقربي له أكثر .

مثل ما قلتلج قبل شي .. اول شي اقعدي وياه ورمسيه بهدوء ومن دون صراخ وعصبيه ... حاولي تكسبينه وتخلينه يرمس بكل اللي سواه ... قوليله قول كل اللي بخاطرك ولو انت غلطان ... ما راح ازعل بالعكس بستانس لما تقولي وتريحني ولو طلعت السالفه صج .. رمسيه واعرفي منه انتي شو اللي ناقصنج عسب تسوينه له وتريحينه ولاا يطالع غيرج .. وقفي وياه وخليه يترك البنت بشطارتج ودلعج وحلااتج ... خليه يصير شرات الطفل اللي يفضفض لامه ويقعد بحضنه ويبوح لها بكل اسراره ومن دون خوف وملامه ...

كلامهم صح لو كلمتي البنت وبعدت عنه ,, اكيد بيدور بنت غيرها ويا كثرهم هالايام ؟؟ اليوم بترمسين هاي البنت وباجر غيرها وغيرها وغيرها .. ليج هالتعب كله ... اكسبيه اهو احسن لج ...

نصيحتي تفاهمي وياه واعرفي شو اللي بخاطره وتعدلي واكشخيله وخلج دوم احلى حرمه بعيونه عسب ما يطالع غيرج ...

وربي يوفقح ويهديه ...

الله يكون بعوووونك

شكراً لوقفتكم معاي ..

الصراحة تعبت ،، وترى مو شك ، السالفة صارت يقين

يوم صارحته مره 2 قال لي اذا مو عاجبج روحي بيت هلج ،، وطبعاً مو اول مره يقولها !

ولا اظن انها اول وحده ولا آخر وحده يكلمها

اذا ما اعتدل فكرت أقول لأهله يوقفونه عند حده .. للأسف اهله ناس زينين مادري هو طالع على من ؟!

مادري شسوي ..

خلاص كلمي اهله خليهم يشوفون لك حل معه

وقولي له لهدرجه اهون عليك وتفضل بنات الناس على زوجتك ؟؟

وقولي طيب اذا انا ماهمك وربك ؟؟ اذا انا مو راضيه رب العباد مو راضي !! ومايجوز اللي تسويه

قولي انا انصحك دينيا قبل لايكون عاطفيا وشوفي وش بيقول انا متأكده انه بيستحي على وجهه لأنك سكتيه بشرع الله

لاحول الله يارب

مقدره شعورج حبيبتي..ترا اكره شي تتاكدين او تشكين في خيانة زوجج لج

لكن حاولي تحكمين عقلج زين..ولا تتسرعين وتخسرينه وتعطين البنت هذه فرصه تاخذه منج
صج ان زوجج اهو الغطان عشان عطاها ويه وكلمها وهو متزوج..واهي بعد مو متربيه
والا ما وافقت تحاجي واحد متزوج


اهم شي انج تكسبين زوجج وتخلينه يبعد عنها شوي شوي بدون عصبيه ونرفزه
اول شي كلميه مره ثانيه بالطيب وقولي له تبي تتركني عشان بنت ما تسوى..
وشوفي شنو رده عليج
ولو ما فاد الكلااام معاه مافي حل الا انج تكلمين اهله..واكيد هم يقدرون يوقفونه عند حده
لكن ما انصحج تكلمين البنت لان يمكن اهي تعاند وتقووم تتحداج وتلف عليه زود
وتخليه يبعد عنج...هالبنات احنا مو قدهم لهم اساليب شيطانيه..

حبيبتي اكثري من قياام الليل والدعااااااء بقلب خاااااشع
ان الله يرجع لج زوووجج ويبعده عن الضلاله ويصلح حاله


الله يكون بعوونج

يا ريت ،، المشكلة انه قاعد ينكر ،، ناكر هالشي كله مع اني متأكده ..

حبيبتى شهر زاد

والله يعينك

تصدقى انا متل مشكلتك بالضبط

واللهى كل تصرفات زوجك يعملها زوجى واكثر

بتعرفى انا من كتر ما بتسير معى هيك اشياااااااااء

صار عندى لا مبالاه

بجد
عزيزتى نصيحتى لكى عيشى عشان ابنك

وحاولى دائما تكون متزينة وجميلة جدااااااااااا
واهتمى بنفسك اكثر من اول
وحاولى لنك تكونى جميلة وتطنشية
تجملى لنفسك
وانسى هاى القصصة كلها قصة البنت
وحاولى تعيشى معاها شهر ذاد القديمة واحسسسسسسسسن

والمثل يقول طنش عش تنتعش

وبينيلو انك تحبيه مووووووووووووووووووووت

ومستحيل تعيشى انتى وابنوووووووووووووووووو بدونووووووو

ولانو هوه بينكر الموضوع البنت اللى يعرفها

انتى برده احكيلو انا اسفة انى شكيت فيك لانك زوجى وحبيبى مستحيل تبص على
بنت او امرأة غييير زوجتك حبيبتك ام ابنك

وسدقينى انسى الموضوع وعيشى حياتك طبيعى

راح تلاقيه لوحدوووو اتراجع عن كل شى

وما تحاولى انك تكذبيه
كل ما يقولك شى احكيلوو مصدقاك انا ولو مستحيل انت تكدب عليه
لانك زوجى حبيبى
ومستحيل الحبيب يكدب على حبيبتو

ومن هالكلام


وانتظر ردودك بفارغ الصبر

الله يعينج ويساعدج ...

الله يساعدك
وان حاسة اليك لاني مريت بالموقف دا
ولحد الان هو يكلم من وراي وحتى تلفونه كل في السيارة
واذا هو في البيت يسكر الجوال
بس انا عارفة انه له علاقة بوحدة عربية واذا صارحته وقلت له يقول اليه اذا مو عاجبش ضربي راسش بالطوفة
خلاص انا احاول اتحمل علشان اولادي و هو خلاص شلته من قلبي وتفكيري حتى مشاعري تجاه ماتت
الا بيني وبينه الاولاد وبس وانا اقول ذيل الحمار عمره مايعتدل
علشان كدا اقول اليك الله يعينك ويصبرك
بس المجروح عمره ماينسى خاصة اذا هي وصلت الى الخيانة

أول شيء امسكي عليه دليل ملموس .. مادي ..
بعدين واجهيه بكل هدوء وعقلانية.. وقوليله انا مب غبية.. واعرف انك تخوني وقوليله انك إذا ما تبيني خلاص خليني.. ترى الريال يخاف لما يحس انه بيفقد حرمته.. , وإذا انكر قوليله مافي داعي للنكران كل شيء واضح وانا شفتك ..
والله يهدي بالج..

والله عورتي قلبي..... الله يهديه ويسخره لج ويبعد عنه عيال الحرام
البنات ما قصروا حاولي تكثرين من الدعاء والاستغفار
وحاولي تكسبينه وتزيدين الكلام الحلو عشان يستحي على وجهه
وقعدي مع نفسج وفكري عدل يمكن انتي مقصره بشي ومب حاسه فيه
حاولي تروحين يومين او اكثر بيت هلج تبعدين عنه تعذري بأي شي بس انج مب زعلانه يعني انج مضايقة وتبين تغيرين جو عشان يحس ان الموضوع فعلا مأثر عليج ومنها عشان يحس بقيمتج ووجودج
حاولي ترفعين من قدره وتمدحينه
المفروض قبل ما تواجهينه كنتي تتكلمين عن الموضوع بس على اساس صاير لرفيجتج وتقولين مسكينه ما تستاهل بس الله راح يحاسبه مثل ما ظلمها وغيره من الكلام

الله يهون عليج هالمصيبة ...... ويفرج همج

انا شفت في جوال خطيبي مسج من بنيه وكلام طويل عريض .. تعرفون شو سويت طنشت ولا جنه مستوي شئ ..لان الريايل هالزمن كلهم كذابين وعندهم هالحركات وانا ليش اعور راسي خله يولي