ساعدوني...الصالة عقدتني

مرحبا اختي شوق

انا الصراحه ويني ووين الديكور بس بغيت اعطيك رايي

و يمكن يكون للخبيرات نظرة احسن بس حبيت ارد عليك

يمكن تستفيدين شي

ليش ما تحطين على اليمين في مخططك الكنب او الجلسه اللي بتحطينها

و تمتد شوي بس من فوق يعني على شكل حرف

L

او ممكن الجلسه اللي طرفها عريض من النهاية

عجزت احط لك صوره ان شاء الله فهمتي

و مقابلها (يعني على اليسار) مكتبة صغيره و انيقه للتلفزيون

اما المساحة اللي تحت بين البابين ما ادري تخيلت تحطين فيها زي الطاولة اللي

تجيك مستطيله و نحيفة و تحطين فوقها تحف بسيطة

بالتوفيق

مرحبا اختي (أم القوقو)

مشكورة اختي على الفكرة

الفكرة هذي كانت في بالي بالبداية بس كانت عكس الاتجاه...

بس شقتي واااااااااااااايد صغيرة واحتاج مكان اكثر استغله حق الجلوس وهذي مشكلتي

قلت يمكن الاقي طريقة ثانية

عموما مشكورة ... على الاقل احد عبرني :sad:

وينكم يا بنات؟؟؟ مو هذا العشم فيكم

وهذي صورة المخطط مرة ثانية



انا ناطرة افكاركم :sad:

يا هلا حبيبتي

لا تتعقدين ولا شي

آنا صالتي مثل صالتج بالضبط وكثر مقاسها بعد


حطيت لي كنب طويل حلو على شكل L على الجدار اللي يم المدخل

وحطيت ال TV في الجدار الصغير المقابل


فصارت وايد سوفت ومرتبه

وضيفي لها كماليات حلوة بتخليها روعه



وبالتوفيق

اختي عروسه ناعمه

يعني انتي مثل فكرة الاخت ام القوقو

اممم طيب شرايكم لو احط بدل جلسة وحدة على شكل حرف L ... اخلي جلستين على حرف L يمين ويسار

واخلي التلفزيون بالجدار اللي بين البابين؟؟؟ انا مو مقتنعه وايد بس راح يكون مكان اكبر للجلوس!!


وين الباقي ؟؟ :sad:

عطوني رايكم ... انا محتارة

ومشكورين خواتي اللي ردوا علي ما قصرتوا والله

كلامك صح خيو ،، بس راح يصير المكان وايد ضيق وما في مجال حتى لطاولة وسط

امممم ماادري والله محتارة (صعبة الاقناع)

ما ابي اسوي شي واندم عليه عقب... تعرفين ماادري شكثر بتم في الشقة ومو كل يوم اقدر اغير الاثاث... عموما وين لقيتي جلسة

حلوة على شكل L

ادري تعبتج معاي بس محد راضي يعبرني :sad:

وانا اللي قلت بلقى الحل والافكار

ما بتحصلين جلسه جاهزة على شكل L الا بصعوبة كبيرة ومبلغ خيالي

اني سويت لي تفصيل في سوق واقف تنجيدات فيصل حدها كيوت وحلوة وعلى لون والشكل اللي ابيه

وعليها ضمان خمس سنوات أي شي يصير فيها يبدله ..


روحي شوفي يمكن يعجبج ،، عنده كتالوجات وايد ،، وحتى لو ما عجبج اللي عنده انتي ودي له الشكل اللي خاطرج فيه وراح يسوي لج على ذوقج ..


وطمنيني

مرحبا اختي شوق

طمنينا عليك

الحقيقه انا اتفق مع عروسه ناعمه

و كنت بضيف شي انه كل ما كبر حجم الاثاث كل ما صغر الغرفه

يعني قصدي اختاري موديل الجلسه مو الكبير اللي بيضيقها

يعني حجم مناسب حلو كيوت و حجمه مناسب للصاله على قدها

ما يصغرها

و احرصي على ان الجلسه تكون لينه و مريحة للجلوس لان دايما

محلات التفصيل الاغلب يحاولون يسوون اي شي للتوفير فما يختارون

اريح و احلى شي لانه اغلى عليهم

انتي لازم تصيرين وراهم و تختارين الحشوة اللي جوا

زي ما قلت ما تكون قاسيه تعور تكون لينه مريحه و ناعمه و

اكدي عليهم لون القماش اللي من ورا الجلسه يكون نفس لونها

ترا احنا عانينا من هالشي يوم كنا نجهز بيت اخوي حطوا لون القماش

اللي ورا اي كلام غير لون الجلسه طلع شكلها غلط لو تحركت ما ودك احد يشوف شكلها

و اخر شي اتفقي معاه على الوسائد الصغيره الخداديات او الكوشنز

انه يسوي لك منها عدد كافي مو يضحك عليك و يسوي وحده و لا ثنتين

اشرطي عليه يسوي لك على قد الجلسه

و بالنسبه لسالفه ان ودك يكون فيه مكان اكبر للجلوس

انا فاهمه عليك

فيه اقتراح بس الصراحه مدري راح ينفع و لا لا

لان ما اعرف بالضبط هل بتكفي المساحه لهذا الشي او لا

اللي هو انك تحطين في المكان اللي تحت بين البابين كرسيين

و بينهم طاوله يمشي لونهم مع الجلسة اللي اخترتيها

بس الحقيقه انا مو متأكده اذا بيكفي المكان و لا لا

لاني مدري كم مساحه هالمكان و انتي اكيد قدامك بتعرفين

اذا ينفع او لا .. اذا ما يكفي بلاش

على العموم انا حبيت اعطيك افكار

اتمنى تكونين استفدتي شي

مشكورين خواتي أم القوقو و عروسه ناعمه على مساعدتكم ونصايحكم

انا الحين ادور على اماكن التنجيدات عشان اجوف االانسب... واناا طبعي احب الانعم دايما

انشاءالله راح اطمنكم شيصير معاي

مشكورين مرة ثانية

والله حطيتي أيدك على الجرح .. هذي مشكلتي تماما وللحين صالتي فاضية مو عارفة شنو أسوي فيها .. ما فيها غير مكتبة التلفزيون اللي قيدتني بشكل معين للجسة .. إن شاء الله ثنتينا نلاقي حل .. وأنا إن شاء الله إذا كملت صالتي بصورها وبحط صورها هني لأن واااااااااااااااااااجد تعبتني

هلا اختي (رقم)

انشاءالله نلاقي الحل...

وننطر صور صالتج...مشكورة على المرورو والرد