بناااات تعالوا بسرعه .. معلومتين عن فيوسيدين اكتشفتهم اليوم

الله ياخذ الدنمارك

بس تدرين ماكنت اعرف الفرق بين الجل والكريم


يسلموووووو

صلصوحه

حياااااااااج حبيبتي

:smile:

ثانكس
عالمعلومة الحلوة

يعني اللي يطلع لها حبوب بالوجه من بعد الفتله تستخدم هالجل ؟؟

احطه بعد الفتله على طول ؟

***أحلــــ فراولة ــــــى***

نورتي حبيبتي

:smile:

اسيرة قلبه

اي حبيبتي اتحطينه على طول لكن بنبهج على شي
انا يوم حطيت الجل بالصالون قبل لا أطلع تفاجأت انه يلللللللللمع مثل الفازلين و الحمدلله ان الدنيا كانت ليل ولا جان مشكلة

مادري اذا يفرق تحطينه بالبيت بعد ما توصلين او تشترين الكريم للصالون و تحطين الجل بالبيت :think:

ان شاء الله البنات يساعدونا من خبرتهم

اي صح مثل ماقلت هذا مضاد حيوي فلازم تستخدمينه جم يوم متواصلين مرتين إلى 3 مرات باليوم .. البنات قريت انهم يستخدمونه 3 أيام و بالعلبه مكتوب أسبوع .. شوفي بشرتج و انتي حكمي بنفسج

:smile:

مشكورة حبوبة عالموضوع بس انا مااحف ويهي اخاف تطلعلي حبوب لاني مرة جربت كريم مادري شسمه وطلعلي حبوب ماجني حاطه شي
عاد قلت بسوي ليزر وافتك لادنمركي ولا بطيخ خخخخخخخخخخ

مشكورة

فتون^علف

بيني و بينج انا متوقعه هجوم الحبوب بأي لحظه بس ان شاء الله مفعول الكريم يستمر و ما يصير شي
انا شنو اللي مشجعني على الحف ؟ انه مع الوقت ويهج يتعود و حتى اذا ما حطيتي عليه شي ما يحبب و في ناس مع الوقت الشعر عندهم يخف و ينعم

و فوووووق هذا بشرتج تصير صافيه

و الله شوف عيني اللي أعرفهم يحفون حف كامل ماشاء الله بشرتهم تصفى أكثر من أول لأن الحف يشيل الخلايا الميته و يجدد البشرة .. حتى اللي يحفون جدامج بالصالون لاحظيهم لون بشرتهم موحد ماشاء الله

ميخاف أتحمل الحين و بعدين ربج يسهل

فكرت بالليزر و نزلت كذا موضوع بالقسم بس شفت واااايد متضررين منه .. قلت أجرب الموجود و أخلي الليزر حل نهائي اذا مافاد معاي شي


شفيني قمت أسولف هههههههههههههه

الجميلة78

العفو ما سويت شي

:smile:

السلام عليكم ورحمة الله وبركاته


سؤالي لكم يا بنات

ألا يستحق الرسول عليه أفضل الصلاة والسلام أن نقاطع الدنمارك من أجله؟

ألا تريدون أن يزيد أجركم عند الله بسبب ترككم لأشياء تستخدمونها من أجل حبيبكم؟

يقول الرسول عليه أفضل الصلاة والسلام:

" من ترك شيئا لله، عوضه الله خيرا منه"

وكل شي له بديل يا أخوات بس عليكم بالسؤال.. الدنمارك قاعدة تخسر كثير بسبب

المقاطعة الا تريدون ان تكونون سبب في هذه الخسارة دفاعا عن الرسول عليه الصلاة والسلام؟



لكم حرية الاختيار

و السلام عليكم ورحمة الله وبركاته

همس القلوب

مشكورة حبيبتي على التنبيه لكن عندي ملاحظه سمعتها و قريتها أكثر من مره خلال الفترة الماضيه

سمعت أحد الشيوخ يقول ان مقاطعة البضائع داخل الدولة المسلمة يضر بالتاجر المسلم لأن البضاعة صارت ملكه و احنا نقاطع بضاعته هو و العدو ماراح يتضرر لأنه فلوس بضاعته واصلته من التاجر المسلم و الصفقه منتهيه

اذا قاطعت الكريم مثلا .. اهني الصيدلية و العاملين فيها و صاحبها المسلم بالذات هو اللي راح يتضرر من تكدس البضاعه عنده و محد يشتريها و أيضاً التاجر المسلم اللي مستورد البضاعه راح يتضرر لأن الكل بيوقف التعامل معاه بسبة بضاعته اللي ما تمشي .. الشركة الدنماركية ماراح يهمها لأن البضاعه تم شراءها و خلاص

اهني يكون دور التجار المسلمين .. اهمه اللي لازم يوقفون تعاملاتهم مع الطرف الآخر و يدورون بديل
و دور المسلمين داخل الدنمارك نفسها اهمه اللي يقاطعون لأنهم يشترون المنتج الدنماركي مباشرة بدون وسيط مسلم

ان شاء أكون وفقت بتوصيل المعلومة

:smile:

قااااااطعوااااااااااااااااا كل ها عشان بشرتكن

أختي الكريمة

ممكن يكون كلامج صحيح، لكن إذا التاجر نفسه ما غار على حبيبه محمد عليه الصلاة والسلام

إحنا ليش نروح نشجعه؟ نقاطع بس المنتجات الدنماركية وهو ما راح يخسر لأن أكيد عنده بضائع

ثانية.. وكثير سمعنا عن تجار بأنهم أزالوا كل المنتجات الدنماركية من محلاتهم وما خافوا أختي

الكريمة من الخسارة لأنهم يعرفون إن إللي قاعدين يسوونه من أجل الرسول عليه أفضل الصلاة

والسلام ، الله راح يعوضهم خير عليه بالمقابل.. وراح أعطيج مثال على هالشي في بلادنا وهو

(اسواق المنتزه) عندنا في البحرين.. صاحبه الله يحفظه ويجزيه كل خير في الدنيا والآخرة

دايما يكون من السباقين للمقاطعة وحتى لما أساءوا الدنماركيين لأشرف الخلق عليه الصلاة والسلام

كان أول واحد وقف تعامله مع الدنماركيين وأعلن في الجريدة المقاطعة وتخلص من المنتجات

الدنماركية بخسارة لكن ما أهتم .. وتعالي شوفيه خيره يزيد يوم بعد يوم والإقبال على أسواقه

مستمر ما شاء الله ، ليش؟

لأن الله سبحانه وتعالى يعوضه خير.. لا تقولين التاجر بيخسر والتاجر ما ادري شفيه

إذا التاجر ما غار على دينه ، نقوم إحنا نحط يدنا بيده؟ وهالصيدلية إللي تقولين عنها ،

ما عندها إلا منتجات دنماركية؟ أكيد عندها منتجات ثانية.. ما شريتي دنماركي ، اشتري شي

ثاني..

أختي الكريمة، الدنمارك أهانوا رسولج الكريم، عليه أفضل الصلاة والتسليم وما أكتفوا

بهالشي.. الحكومة رافضة الإعتذار وثلاثة أرباع الشعب الدنماركي مؤيد إللي صار وبعد تبين

تربحينهم؟ وفوق هذا اغلطوا على المسلمين وقالوا المسلمين بيقاطعون يومين وبعدين بينسون

وبعد تبين نعطيهم فلس من فلوسنا؟ الله ياخذهم أخذ عزيز مقتدر..

أمريكا وعلى الرغم من البلاوي إللي قاعدة تسويها إلا أنها تعرف المسلمين شنو يسوون

وحتى الشعب الأمريكي مو راضي على سياسة الحكومة الأمريكية بينما الشعب الدنماركي راضي

فهل تبينا إحنا بعد نرضى ونعطيهم فلوسنا..؟؟ التاجر الغيور على دينه وعلى حبيبه لازم أهوا

يبدأ المقاطعة مثل ما كثير من التجار الله يحفظهم ويأجرهم كل خير قاطعوا من أجل نصرة

الحبيب محمد عليه الصلاة والسلام..

أعتقد المفروض نسوي إللي يمليه علينا ضميرنا ونسوي إللي يستحقه حبيبنا بأبي هو وأمي..


وأسفة على كثر الكلام ، لكن هذا هو الحبيب عليه الصلاة والسلام مو أي واحد..


و السلام عليكم ورحمة الله وبركاته

ومعلومة ثانية أختي الكريمة، الدنمارك من كثر ما تضررت من المقاطعة قامت تكتب مكان الصنع

أي دولة أوربية ثانية ، يعني يبون يستغفلون المسلمين .. تبينا نسكت بعد؟ ونخاف على مصلحة

التاجر الكريم إللي ما غار على الحبيب محمد عليه الصلاة والسلام؟

Bent aLBaDoW
همس القـلوب

حبيبتي همس القلوب .. البضاعه هذي ما تدرين من متى موجوده و متى شراها التاجر احتمال من شهور او سنة ولا أكثر بعد .. فما يصير نحط بذمتنا و نظلم خلق الله عشان ما قاطعوا و نقول فلان ما غار علي دينه ولا فلان ما غار على رسوله !! الله وحده يعلم اللي بقلوب خلقه و هو علام الغيوب سبحانه

بالنسبة لي .. الرسول صلى الله عليه و سلم أكبر من كل هذا .. درجة إيماني و قربي من الله و رسوله مستحيل تتم مقارنتها بكريم للبشرة !! ربي أعلم فيني و في كل شخص منا و الله سبحانه شاهد ان كل وحده تبذل اللي تقدر عليه .. و على فكرة .. اللي ما تنفذ المقاطعه ما عليها إثم

انا هالكريم شريته لأني محتاجته و يعتبر علاج ضروري لي .. ما شريته عناد للمقاطعه !! و مثل ما قلت انا شريته من التاجر المسلم و هو بالنهايه ملك له مثل ما بينت بتعليقي فوق

الرسول صلى الله عليه و سلم كان يشتري من اليهود شلون تبيني ايي الحين أقاطع المسلمين و فوق هذا اتهمهم انهم ما يغارون على دينهم ولا على رسولهم !!! هذا مو من حق أي شخص فينا انه يطلق هالتهم جزافاً لأن الغيرة على الدين إحساس معنوي ربج وحده يعلم فيه حتى لو ما شفتي تأكيد مادي عليه


اللي تبي تقاطع خلها تقاطع انا ما فرضت ان الكل يستخدم هالعلاج

بالعكس انا اللي كاتبه هالملاحظة بموضوعي و انا اللي منبهه انه من الدنمارك عشان أساعد اللي ناوية على المقاطعه و مو منتبهه ان هالمنتج دنماركي

حبيبتي همس القلوب فيه رابط برسله لج على الخاص لأنه ممنوع أنزل رابط موقع ثاني بالمنتدى

:)

حبيبتي أنا ما أتهمتج، أنا بس حبيت أقدم نصيحة للجميع علشان محمد عليه الصلاة والسلام

وترا بشرتي مثل بشرتج وقالوا لي عن الفيوسدين وصدقيني أن هالكريم عندنا في البيت من زمان

وكنت ناوية استعمله بس بعد ما عرفت انه دنماركي قلت بلاها والحمدلله قاعدة أدور بدائل

منها شعبية ومنها من شركات ثانية.. بس من هذول ومع أبقارهم المدللة ما نبي شي.. لأن إللي صار

أثبت كره الشعب الدنماركي للإسلام والمسلمين.. وحلو ان نسوي شي علشان ديننا وحبيبنا..


هاذي مجرد وجهة نظر واكيد كل واحد فينا له حرية الإختيار..

أعتذر عن كلامي بس ما كان المقصود فيه توجيه إتهامات لحد.. وأنتظر الموقع :)

همس القلوب

عزيزة و غاليه حبيبتي همس القلوب لا تعتذرين
انا عارفه ان قصدج كل خير و ربي يجعله بميزان أعمالج

:smile: