صديقتي تسألكم

صديقتي متزوجة من شهرين تقريبا .. وهي الدورة عندها مو منتظمة يعني مرة ما جتها الدورة لمدة سنة كاملة وكانت بعدها ما تنخطب .. قلنا يمكن بعد الزواج تتغير الدورة عندها بس ...!!!!!!!!!

الحين مثل ما قلتلكم انها متزوجة من شهرين وآخر دورة جتها من حوالي 4 اشهر ونص .. وللحين ما جتها الدورة بعد الزواج ..
طلبنا منها انها تسوي فحص للحمل لان ممكن تكون حامل بس هي تقول انها متعودة على تأخر الدورة عندها .. واليوم قررت انها تسوي فحص منزلي ، في اول تجربة طلع لها في البداية خط واحد .. فقالت مو حامل .. تقول بعد حوالي نص ساعه راحت الحمام وكانت بترمي شي في " زيلة الحمام " الله يعزكم وكان مبين لها الفحص فانتبهت ان الفحص تغير وان فيه خطين مو خط واحد ..
عشان تتأكد خلت زوجها يشتري جهاز ثاني ويوم سوت من حوالي ساعه من الحين طلع لها خط واحد بس وللحين ما تغير ..

فهل ممكن تكون حامل ..

طبعا هي تدرس وبكرا تقول ما عندها مجال ابدااا تروح المستشفى حق تحاليل .. وفي نفس الوقت هي قاعده على اعصابها وما تدري هي حامل ولا .. ولا تدري بالفترة وخايفة انها تكون سوت اشياء وهي حامل وتكون ضرت الجنين ..

وتسألكم بعد اذا طلعت حامل شلون تحسب مدة الحمل ؟؟؟؟

يا ريت اللي عنده معلومات يفيدها ومشكورين وجزاكم الله كل خير