لحقوا عليه... محتاجة مشورتكم, ضروري و بأسرع وقت ممكن...

أنا مشكلتي كبيرة.... وما أعتقد أكو مثلها...

راح أدخل بالموضوع...

أمس زوجي طلع ونسه المسنجر مفتوح, أنا أخذني الفضول ودشيت على الإيميل, لأني أدري إنو كان على علاقة بوحدة, وكنت بس أريد أتأكد إنه تركها... دشيت وشفت المصيبة...

يا ريتة ما طلع ولا نسه الإيميل مفتوح...

كاتبتلة رسالة تقول بيها إنو هوه راح ايصير أب... وإنها محتاجه معلومات عنه علشان تعطيها للدكتورة... وإنها اتريد اتسجل الولد باسمه... وبما إنو أحنا في دولة أوربية, فعادي إنو الطفل ما عنده أب... وكاتبتلة إنها ما تكدر تاخذ حريتها مثل قبل لأن هية أيضا راح اتصير أم... وإذا كنت ما اتريدني وما اتريد ابنك قول... بس من يكبر راح أخلليي ايشوف صورنا و ايشوف شكل أبو...


أنا انصدمت بد إللي قريته, ما عرفت شلون اتصرف... ما صارلنا سنة متزوجين و عدي طفل بأحشائي.... أعترفله بللي عرفته و أطلب الطلاق... ولا أبقى ساكته... ولا شو أسوي؟؟؟


ساعدوني أرجوكم... ما قدر أنام, ولا راح يجيني نوم...

على فكرة, هيه مو عربية, آسيوية.... بس ما أدري بالضبط من أي دولة...


محتاجة مشورتكم.... أنا أحبه بجنون, أموت عليي, حاولت المستحيل ووقفت بوجه كل العالم علشان أتزوجه... وهوه لطيف وحنون و ايخاف عليه من نسمة الهوا....

ساعدوني....