إنقذوني قبل مايهرب زوجي..... فوانيس

انا الحمد لله ما حصل لي هالشي بولادتي الاولى يمكن لاني دامت على الزيوت و المساج طول فترة الحمل

و ان شاء الله ما تحصل لي بهذا الحمل يا رب


اختي داومي على المساج بزيت الزيتون و زيت السمسم وخل التفاح

و لا تستغنين عن زيت اللوز بعد كل حمام


و ان شاء الله تخف عنج و ترجعين احلى عن قبل يا رب و يبرد قلبج



اختج سحايب

مشكوره حبيبتي

وإنشاءالله أتبع وصفاتك ولعلى وعسى إفيد وإدعوا إلي

اختي سحايب دبي

حسيت من كلامك اني رح اضل اليوم كله ادهن نفسي؟؟؟

يعني كنتي تحطي كل هالزيوت يوميا؟؟

عزيزتي انا انصحك بالرياضة بالاضافة الى نظام غذائي

ولكن نتائج الرياضة ما بتشوفيها الا بعد 3 شهور من التمارين المتواصلة يعني 3 مرات بالاسبوع وايد زين

انا بصراحه كنت احط زيت اللوز في علبة فيها بخاخ
و ارشه على منطقة البطن و الأرداف اكثر من مره في اليوم

و كنت حاطه زيت الزيتون في ابانيو بعد الحمام امسح فيه على بطني و بعدين اغسله بماي شوي حار علشان ما يوصخ ملابسي

و الحمد لله الحمد لله الحمد لله ما بينت اي آثار للولاده

و الحين ماشيه على نفس النظام و ان شاء الله كل شي يكون على ما يرام يا رب

انا الحين بتبع اني ادهن بطني ب خل التفاح مع ماي ورد وبشوف النتيجه ..

لانه الكل مدحلي ها الخلطه..

شكرا على التوضيح
و اتمنالك كل التوفيق يا رب

اول شي اسمحي اقول لك الحمدلله على السلامة ومبروك ما جاكم

اختي الرياضة هي الحل الوحيد عشان تتخلصين من الوزن الزائد والترهل والكرش اما التشققات فما فيه شي يخفيها يمكن تخف اذا انشد بطنك بس انها تختفي نهائيا مستحيل

احسن شي الوقاية من قبل الحمل الوحدة ترطب منطقة البطن والاوراك والصدر عشان ما تتشقق وتستمر طول فترة الحمل سواء كان بالكريمات المعروفة Stretch Mark lotions او زيت اللوز وزيت الزيتون اللي البنات ينصحون فيه

بس عندي لك نصيحة صغيرة اختي ...... لا تدخلين في راس زوجك ان هالشي مضايقك عشان هو ما ينتبه خير ان شاء الله يهرب عشان شوية تشققات في بطنك ... ليش فيه احد كامل وهذي ضريبة الأمومة كفاية انك اهديته احلى هدية في حياته ... انه يكون أب

انتي بس داومي على الرياضة والمشي واكيد راح تعجبك النتيجة

يعني خل التفاح عشان العلامات واللا عشان يشيل الكرش؟؟

اتمنى التوضيح

مشكورين عزيزاتي لتفاعلكم معاي ونصائحكم الحلوه .

وبالنسبه إني أدخل هالموضوع في رأس زرجي بالعكس
انا دايما قويه جدامه وعمري مافتحت هالموضوع جدامه أو حسسته إني مضايقه من هالشي وهو فقير أبد ماعلق علي أو بين لي إنه مضايق بس أنا إلي أحاتي زياده عن اللزوم وأنا إلي مو طايقه نفسي فأخلي اللوم على زوجي وأقول بيهرب عشان أعطي نفسي دافع عشان أعالج نفسي .

وزوجي حاليا فرحان بالبيبي وملتهي معاه وهالأمور ماعنده وقت لها.

على العموم ماقصرتوا كفيتوا ووفيتوا

أنا مع أخت رومي في كلامها ...

وجربي أختي أنك تشتري زبدة الكاكاو من الصيدلية متوفر في جميع الصيدليات ... وأن شاء الله يفيدك يا الغالية ....

هلا الغالية فيك و الحمدلله على سلامتك و سلامة البيبي

انصحك بالتالي

مساج للبطن + تمارين للبطن + مشي سريع على الجهاز او ايروبكس اذا عندك وقت

مساج البطن اذا كنتي ولدتي طبيعي .. و هو مساج قوي بعض الشي و ليس المساج العادي

اما اذا قيصريه ادهني دهن خفيف على البطن لحد 6 شهور و بعدين ممكن تبدئين بالمساج + مشي فقط

مشكوره أحتي فوانيس
وبالنسبه إلى ولادتي كانت طبيعيه وإنشاءالله بتبع تعليماتك وتعليمات الأخوات الكريمات وإنشهءالله أشوف نتيجه وأدعي لكم.

انا راح اتبع كلام الاخت العهد